Заполнение карандашом лотерейного билета

Парламент мамлекеттик лотерея компаниясынын тагдырына кызыкты

55
(жаңыланган 12:37 31.10.2019)
Эл өкүлү мамлекеттик лотерея компаниясынын саясатын карап чыгуу замандын талабы экенин кошумчалады.

БИШКЕК, 31-окт. — Sputnik. Жогорку Кеңештин депутаты Төрөбай Зулпукаров парламенттин жалпы жыйынында "Үч жыл мурда түзүлгөн мамлекеттик лотерея ишканасы пайда алып келип жатабы?" деп суроо салды.

Парламент бүгүн биринчи маселе кылып ар кандай маселелерди талкуулады.

"2016-жылы 17-июнда мамлекеттик лотерея ишканасы түзүлгөн. 2016-жылы 10 миллион акча бөлдүк, 2018-жылы 20 миллион бердик. Бүгүнкү күнгө чейин пайдасы барбы, жокпу, так биле албай жатабыз. Жалпы кумар оюндарына тыюу салуу жөнүндө мыйзамды кабыл алып жатканда өкмөт мунун келечекте бюджетке пайдасы тиет деп каршы чыккан. Алар мамлекеттик лотерея ишканасы бир жылдан кийин 150 миллион, 2-3 жылдан кийин 300 миллион сомду мамлекеттик бюджетке алып келет дешкен", — деди Зулпукаров.

Эл өкүлү, андан сырткары, мамлекеттик лотерея компаниясынын саясатын карап чыгуу керектигин кошумчалады.

Эске салсак, 2018-жылы август айында "Мамлекеттик лотерея компаниясы" мамлекеттик ишканасы "Кыргыз лото" брендинин алдында "Ала-Тоо" лотереясынын биринчи нускасын чыгарган.

55
Белгилер:
Төрөбай Зулпукаров, лотерея, Жогорку Кеңеш
Тема боюнча
Дубайда лотереядан 1 млн. доллар уткан казакстандыкты издеп жатышат