Акча. Архивдик сүрөт

Салыктан качкан кыргызстандыктардан 3,7 млрд. сом өндүрүлдү

103
(жаңыланган 13:51 01.11.2019)
Салык кызматынын инспекторлору 9 айдын аралыгында салыктан качкан ишкерлердин изине түшүп, карызын өндүрө алган.

БИШКЕК, 1-ноя. — Sputnik. Быйылкы жылдын 9 айында салыктан качкан тараптардан 3 миллиард 740 миллион сом өндүрүлдү. Бул тууралуу Мамлекеттик салык кызматы билдирди.

Аталган сумма 2018-жылдын ушул мезгилине салыштырмалуу 1 миллиард 51,1 миллион сомго көп экени айтылат.

Мындан сырткары, убагында салык төлөбөгөнү үчүн 4 407 тарапка 9,2 миллион сом айып пул салынган. Анын ичинен 7,4 миллион сому өндүрүлгөн.

Бул аракеттер салык төлөөчүлөрдүн карыздарын мажбурлап мамлекетке өндүрүү боюнча иш-чараларды аткаруунун алкагында жүргүзүлгөн.

103
Белгилер:
акча, каражат, өндүрүүчү, салык
Тема боюнча
Жашырып коюшкан. Салык кызматы текшерүүдөн кийин 7,7 млрд. сом тапты
Салык кызматы бир жылда 38 миң патентти онлайн түрүндө берди