Ортомчулар көмүрдүн наркын көтөрүп жибердиби? Бааны ким көзөмөлдөйт?
(жаңыланган 15:54 10.02.2020)
Калаа тургундары көмүрдүн наркы кымбаттап жатканын айтууда. Азыркы тапта Бишкекте жергиликтүү эле Кара-Кече көмүрүнүн бир тоннасы 4000 сомго чыгып кеткен. Sputnik Кыргызстан агенттиги кара алтындын баасын кайсы орган качан көзөмөлгө аларын тактады.Кыш келе элек жатып көмүрдүн баасы жылдагыдан кымбат сатылып жатат. Сырттан алып келинген көмүр эмес, Кара-Кече көмүрүнүн бир тоннасы Бишкек шаарында 4000 сомго көтөрүлүп кеткенин калаа тургундары айтып нааразы болууда.
"Мурдагы жылдары 4000 сомго Казакстандын жакшы күйгөн Кара-Жыра көмүрүн алчубуз. Жол тайгак дегидей азыр кар деле жаай элек, ортомчулар болсо Кара-Кече көмүрүнүн баасын 4000 сомго көтөрүп жиберди. Өзүбүздөн чыккан Кара-Кече ушунча кымбат болуп жатат, анан Казакстандыкы мындан да жогору сатылат да. Казакстандыкы болсо дээрлик жок экен. Кимге, кайда барып даттанышты билбейсиң", — деди калаа тургуну Асылбек Мейманов."Кыргызкөмүр" ишканасынын пландоо бөлүмүнүн башкы адиси Марат Орозбаев көмүрдүн баасын Монополияга каршы жөнгө салуу мамлекеттик агенттиги гана көзөмөлдөй аларын айтты.
"Жыл сайын Кара-Кеченин өзүнөн көмүрдүн бир тоннасы 1300 сомдон чыгат. Жайы-кышы баа ушундай, өзгөрбөйт. Ал жерден жеке ишкерлер, менчик ишканалар жүк ташуучу унаалар менен Бишкек шаарына алып келип сатышат. Алар кеткен чыгымын эсептеп туруп, бааны өздөрү коёт. Ортомчулар кандай нарк менен сатарын биз көзөмөлгө албайбыз, укугубуз жок", — деди Орозбеков.
"Кыргызкөмүр" ишканасынын өкүлү билдиргендей, быйылкы кышка жергиликтүү көмүр жетиштүү.
"Биздин ишкананын карьеринде азыр 50 миң тонна бар. Андан сырткары, 300 миң тонна кара алтын ачылган, жүктөөгө даяр", — деди Орозбеков.
Көмүрдүн баасын көзөмөлдөө укугу Монополияга каршы жөнгө салуу мамлекеттик агенттигинде да жок экен. Өкмөттүн атайын токтому чыкмайынча агенттик жеке ишкерлерге эч кандай чара көрө албай турганын мекеменин жөнгө салынуучу чөйрөлөр башкармалыгынын башчысы Сагындык Маматоморов айтты.
"Бааны көмүр ташыган жеке ишкерлер коёт. Эгер чектен ашып, аябай эле кымбаттатып жатса, анда өкмөт атайын токтом чыгарат. Ошол документке таянуу менен гана биз баарын текшерип, бир баа коёбуз. 2017-жылы бир айдын ичинде көмүрдүн наркы 20 пайызга көтөрүлүп кеткен. Ошондо бааны көзөмөлгө алуу боюнча өкмөттүн атайын токтому чыгып, анан биз жөнгө салганбыз. Азыркы тапта нарк аябай деле жогорулап кеткен жок. Көмүр кымбаттап кетпесин деп облустардагы базаларга барып сатуучулар менен сүйлөшүүлөрдү жүргүзүп жатабыз", — деди Маматоморов.
Керектөөчүлөрдүн укугун коргоо мыйзамына ылайык, көмүр саткан ар бир түйүндө тараза жана баа жазылган такта илинип турушу керек экен. Эгер бул нерселер жок болсо, керектөөчүлөрдүн укугу тебеленип жатса, эл Монополияга каршы жөнгө салуу мамлекеттик агенттигинин 56-31-97 телефонуна чала алат.
Статистика боюнча
Калаа тургундары кара алтындын баасы кымбаттап жатат десе, Улуттук статистика комитети 24-октябрдан 31-октябрга чейин өлкөдө көмүрдүн орточо баасы бир тонна үчүн 1 сом 48 тыйынга төмөндөгөнүн маалымдаган. Бул жумада көмүр Кербенде 9,3 пайызга, Баткенде 3,1 пайызга жана Таласта 4,2 пайызга жогорулаган.
Кыргызстандын шаарларындагы көмүрдүн орточо баасы
Бишкек шаарындагы көмүр сатылган жайлардын даректери:
Ленин району
- "Ак-Жол" ЖЧКсы, Мурманск көчөсү, №1а;
- "Торг-Синтез" ЖЧКсы, Мурманск көчөсү, №59а;
- Мурманск көчөсү, 18б;
- Мурманск көчөсү, 259
- Дэн-Сяопин көчөсү, "Акун" ишканасынын тушу;
- Гагарин көчөсү, 67;
- Гагарин көчөсү, 86;
- Барикадный туюк көчө, 2;
- Саранск туюк көчө, 2;
- Пушкин көчөсү, 182.
Биринчи Май району
- Дэн-Сяопин көчөсү, 451;
- Месароша көчөсү, 100;
- Кайназаров — Профсоюз көчөлөрүнүн кесилиши;
- Щербаков көчөсү, 121.
Свердлов району
- Фере — Орозбеков көчөлөрүнүн кесилиши;
- Достоевский көчөсү, 1;
- Орозбеков — Саадаев көчөлөрүнүн кесилиши;
- Келечек жаңы конушу (мектептин жанында);
- Ак-Бата жаңы конушу (жаңы конушка кире берген жер, айланма трассанын бою).
Октябрь району
- "Торго-Синтез" ишканасы, Төкөлдөш жаңы конушу;
- Көмүр сатылган жайлардын даректери "Кыргызкөмүр" ишканасынан алынды.
Эгер кардарлардын суроолору болсо турак жай коммуналдык чарба бөлүмүнүн 0312 57 63 80; 0312 57 74 81 телефон номерлерине чалууга болот.
Белгилер:
Жээнбеков эл аралык форумда: тышкы карыз төлөөнүн жол-жобосун өзгөртүү зарыл
(жаңыланган 21:49 28.05.2020)
Иш-чара чет мамлекеттердин президенттери, эл аралык уюмдардын, каржы институттарынын жетекчилери жана БУУнун Башкы катчысы Антониу Гутерриштин катышуусунда видеоконференция форматында өтүп жатат.БИШКЕК, 28-май — Sputnik. Тышкы карызды, анын ичинде көп тараптуу кредиторлордун алдындагы карызды терең реструктуризациялоо зарыл. Бул тууралуу президент Сооронбай Жээнбеков 28-майда "Коронавирус мезгилинде жана андан кийин өнүгүүнү каржылоо боюнча жогорку деңгээлдеги иш-чара" аттуу видеоконференция форматындагы эл аралык форумда билдиргенин өлкө башчынын маалымат кызматы кабарлады.
Форумдун максаты — бүгүнкү түзүлгөн кырдаалда БУУнун Туруктуу өнүктүрүү максаттарына жетишүүдө өлкөлөргө колдоо көрсөтүү. Иш-чара чет мамлекеттердин президенттери, эл аралык уюмдардын, каржы институттарынын жетекчилери жана БУУнун Башкы катчысы Антониу Гутерриштин катышуусунда видеоконференция форматында өтүп жатат.
©
Пресс-служба президента КР / Султан Досалиев
Президент Сооронбай Жээнбеков "Коронавирус мезгилинде жана андан кийин өнүгүүнү каржылоо боюнча жогорку деңгээлдеги иш-чара" аттуу видеоконференция форматындагы эл аралык форумга катышты
Жээнбеков экинчи этап менен саламаттык сактоо, социалдык колдоо жана азык-түлүк коопсуздугу тармактарындагы долбоорлорго карыз алмашуу программасын иштеп чыгууну сунуштады. Мындан сырткары, экология, климаттын өзгөрүшү жана жашыл экономика тармактарындагы долбоорлорго карыз алмашуу боюнча программалардын зарылдыгын белгиледи.
"Булар үстүбүздөгү жылдын апрель айында Антониу Гутерриш тарабынан айтылган 6 чарага шайкеш келет. Биздин сунуштарыбыз колдоо тапса, БУУнун алкагында тиешелүү Жол картасын иштеп чыгып, кабыл алууну сунуштайм", — деди Жээнбеков.
Өлкө башчы коронавирус пандемиясы саламаттык сактоонун гана көйгөйү болуп калбаганын, ал бардык өлкөлөрдүн экономикалык жактан өнүгүшүнө терс таасирин тийгизип жатканына токтолду.
"Кыргызстан тоолуу өлкө катары деңизге чыга албагандыктан, тышкы соода операцияларынын азайышына да туш болду. Үстүбүздөгү жылдын соңунда экономикалык өсүштүн жана бюджеттин киреше бөлүгүнүн олуттуу төмөндөшү күтүлүүдө. Бюджеттик каражаттардын жетишсиздиги калктын социалдык абалынын начарлашына алып келиши ыктымал", — деди Жээнбеков.Ал мындай шартта БУУнун Туруктуу өнүгүү максаттары менен тыгыз байланышта болгон улуттук өнүгүү программаларын ишке ашыруу үзгүлтүккө учуроо коркунучунда экенин кошумчалады.
Президент Жээнбеков мындай кыйын кырдаалда колдоо көрсөткөн БУУ системасына жана өнүктүрүү боюнча башка өнөктөштөргө ыраазычылык билдирди. Ошондой эле "Чоң жыйырмалык" өлкөлөрүнө жана Париж клубуна Кыргызстандын мамлекеттик карыздары боюнча төлөмдөрүн токтото туруу демилгеси үчүн ыраазычылыгын айтты.
ЕАЭБ рыногуна кыргызстандык канча ишкана товар экспорттой алат. Тизме
БИШКЕК, 28-май — Sputnik. Евразия экономикалык биримдигинин (ЕАЭБ) бирдиктүү реестрине кирген кыргызстандык ишканалардын саны учурда 137ге жетти. Бул тууралуу брифинг учурунда Ветеринардык жана фитосанитардык коопсуздук боюнча мамлекеттик инспекциясынын жетекчиси Калысбек Жумаканов билдирди.
“Буларды ЕАЭБдин ар бир мамлекети тааныйт жана товарларын биримдик ичине жана үчүнчү өлкөлөргө экспорттоого эч бир тоскоолдук болбойт”, — деди Жумаканов.
Алар кайсы тармактарда иш алып барышат:
- Сүт жана сүт азыктарын өндүрүү боюнча — 27 ишкана;
- Бал өндүрүү боюнча — 41;
- Балык өндүрүү боюнча — 25;
- Этти кайра иштетүү — 14;
- Улуттук сүт азыктарын өндүрүү боюнча — 2;
- Мал союучу жайлар — 6;
- Тоок этин өндүрүү боюнча — 3;
- Асыл тукум чарбалар — 6;
- Тоют дайындоочу ишканалар — 3;
- Азык-түлүк сактоочу кампалар — 10.
Армения, Белоруссия, Казакстан, Кыргызстан жана Россия курамына кирген бирикменин рыногунда керектөөчүлөрдүн саны 2019-жылкы маалыматка караганда, 182 миллион адамдан ашат.
Географияны мыкты билген үй-жайсыз Кайрат паспорт алды
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.
Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.
Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.
Белгилер: