Акча каражаттары жана калькулятор. Архив

ЕЭК кеңеши мигранттарды пенсия менен камсыздоо боюнча долбоорду жактырды

279
(жаңыланган 10:48 20.11.2019)
Долбоорго ылайык, эгер мигрант иштеп жаткан өлкөсүнүн пенсия фондусуна акча которсо, ошол мамлекет ага пенсия төлөйт.

БИШКЕК, 19-ноя. — Sputnik. Евразия экономикалык комиссиясынын кеңеши ЕАЭБ өлкөлөрүндө эмгектенген мигранттарды пенсия менен камсыздоо жөнүндөгү долбоорду жактырды. Бул тууралуу Экономика министрлигинен билдиришти.

Аталган кеңешке ЕАЭБ өлкөлөрүнүн вице-премьерлери кирет.

"Пенсия жөнүндөгү долбоор жактырылды. Программа мигранттардын пенсиялык укуктарын коргоого багытталган. Эгер мигрант иштеп жаткан өлкөсүнүн пенсия фондусуна акча которсо, ошол мамлекет ага пенсия төлөйт", — деп айтылат маалыматта.

Долбоор тууралуу кенирээк маалыматты материалдан окуңуздар.

 

279
Белгилер:
пенсия, ЕЭК
Тема боюнча
6 миңден 30 миңге чейин. Кыргыздын залкарлары канча пенсия алат
ЕАЭБ өлкөлөрү мигранттарга пенсия төлөй баштайт. Жол-жобосу кандай болот

30 күн убакыт берем, уурдаган акчаңарды кайтаргыла! Жапаровдун видеокайрылуусу

416
(жаңыланган 16:42 21.10.2020)
Бир жолку берилүүчү экономикалык мунапысты пайдалануудан баш тарткандарга мыйзам чегинде катуу чаралар көрүлөрү эскертилди.

Премьер-министр, президенттин милдетин аткаруучу Садыр Жапаров экономикалык мунапыс жарыялай турганын айтып, 30 күндүн ичинде казынадан уурдаган акчаларды кайтаргыла деп эскертүү берди.

Төмөндө Жапаровдун кайрылуусу толугу менен берилет:

Ушул күндөрү мамлекеттик бийлик бутактарына олуттуу милдеттер жүктөлүп жатат. Анын ичинде президент жана өкмөт башчынын милдетин аткарып жаткан мага өтө чоң жоопкерчиликтүү ыйгарым укуктар берилди.

Мындан улам, бизге ишеним арткан жалпы журттун жүгүн көтөрүү үчүн бүгүндөн тартып мен расмий түрдө өлкөдө экономикалык амнистия жарыялайм.

Максатым:

  • мамлекеттик бюджетти толтуруу, кошумча киреше алуу;
  • өлкөдөн чыгып кеткен жана чыгып жаткан мыйзамсыз капиталды кайра кайтаруу;
  • оффшордук эсептердеги акчаларды кайрып келүү;
  • көмүскө бизнестин ресурстарын толугу менен мыйзамдаштыруу;
  • ишкердик чөйрөнүн баарына тең шарттарды түзүү;
  • макроэкономикалык оң натыйжаларга жетишүү;
  • өлкө экономикасына зарыл болгон каражатты тезинен табуу;
  • мамлекеттик тышкы карыздарды төлөө.

Бул максаттарга жетүү үчүн соңку 30 жыл бою эң кирешелүү тармактар болгон энергетика, бажы, салык, дары-дармек, лицензия берүүчү, тоо кен жана башка тармактарга 30 күн убакыт берем. Бул төмөнкү тараптарга тиешелүү:

  • өзүнүн коррупциялык схемаларын түзүп, элдин ырыскысын тоноп жүргөн коррупционерлерге;
  • ар кандай компанияларга үлүштөргө отуруп алган мурдагы чиновниктерге;
  • ири ишканалардын акцияларына рейдерлик жол менен мыйзамсыз ээ болуп алган аткаминерлерге;
  • салыктарды төлөбөй качып жүргөн жарандарга;
  • кирешесин аз көрсөтүп жүргөн ишкерлерге;
  • мыйзамдарды бузуп жүргөн чиновниктердин тобуна;
  • министрликтер менен ведомстволордун жетекчилерине;
  • бажычыларга жана финансисттерге.

Силер өзүңөр деле ар бир тармак боюнча коррупциялык схемаларды абдан сонун билесиңер. Аларды өзүңөр ачыкка чыгаргыла. Анын баарын мамлекеттик казынага кайтарып бергиле! Мамлекеттен алган, казынадан жеп жаткан, жаап-жашырган ар бир тыйынды өз ыктыярыңар менен ордуна койгула. Мүлкүңөрдү, чыныгы капиталыңарды ачыкка чыгаргыла. Азырынча мен силерге убакыт жана мүмкүнчүлүк берип жатам. Кыска мөөнөттүн ичинде экономикалык мунапыс берүү жана акча каражаттарын, кыймылдуу-кыймылсыз мүлктү мыйзамдаштыруу үчүн укуктук-ченемдик негиздер даярдалат.

Эскерте кетсем, бул иш-чара бир гана жолу болот.

Ошондуктан жогоруда аталган адамдар жакшылап ойлонуп, капиталына жана мыйзамдуу жүгүртүүдөн чыгарылган мүлкүнө мунапыс алуу үчүн ушул учурду колдонуп калышы керек.

Укук коргоо, тергөө органдары менен кызматташып, ички инвестиция жасап, акчаларды экономикабызга кайрып бергиле. Ошондо баарыңарга административдик жана экономикалык кечирим болот.

Мен декларациялануучу мүлктөр менен кирешенин кол тийбестигине кепилдик берем. Мүлктү жана кирешени ыктыярдуу түрдө декларациялоо процессинде сыр сакталат. Эгерде экономикалык амнистияны пайдаланбасаңар, мыйзам чегинде катуу чаралар көрүлөт.

Бул элдин талабы!

Бул мага ишенип тапшырган элдин мүдөөсү!

416
Белгилер:
коррупция, кайтаруу, каражат, экономика, мунапыс, кайрылуу, Садыр Жапаров
Тема боюнча
Өзүбүз чакырганбыз. Жапаров Жээнбековдун отставкага кантип кеткенин айтты
Аягына чыгарабыз! Мамытканов бажыдагы коррупциялык схема боюнча оюн билдирди
Жапаров: уулума телефон чалып, кызмат үчүн 300 миң доллар сунуштагандар бар
Экономика илимдеринин доктору, профессор Төлөнбек Абдыров

Абдыров: Кыргызстан ЕАЭБдин мүмкүнчүлүктөрүн колдоно албай жатат

37
Экономика илимдеринин доктору, профессор Төлөнбек Абдыров ЕАЭБге кирген беш жылдын ичинде Бажы кодексине Кыргызстан анча маанилүү эмес сунуштарды берип келе жатканын айтты.
Абдыров: Кыргызстан ЕАЭБдин мүмкүнчүлүктөрүн колдоно албай жатат

Кыргызстан Евразиялык экономикалык биримдиктин мүмкүнчүлүктөрүн тийиштүү деңгээлде колдоно албай жатат. Мындай пикирин Төлөнбек Абдыров Sputnik Кыргызстан радиосуна маек куруп жатып билдирди.

Анын айтымында, ЕАЭБ менен түздөн-түз иш алып барган Экономика министрлигинде бир башкармалык жана бир эле сектор бар.

Казакова: ЕАЭБ мигранттары Россияда жергиликтүүлөр менен теңата иштешет

"Эгемендүүлүк алгандан бери Кыргызстан бир топ экономикалык, соода жүргүзүү боюнча уюмдарга кирген. Бирок алардын пайдасын көрө албайт. Себеби бул багытта иш алып баруу боюнча стратегиялык пландар түзүлбөйт. Евразиялык экономикалык биримдигинин алкагында деле ошондой болуп жатат. Мисалы, уюмга мүчө-мамлекеттер Бажы кодексине 1500дөй сунуш берген. Ал эми Кыргызстан "үтүрдү алып койгула, бул сөздү кошуп койгула" деген сыяктуу анча маанилүү эмес 10го жетпеген сунуш айткан. Башкача айтканда, ЕАЭБдин алкагында тийиштүү деңгээлде Кыргызстандын таламын талашып, уюмдун мүмкүнчүлүктөрү толук кандуу колдонулбай жатат", — деди Абдыров.

Ошондой эле ал ЕАЭБдин алкагында иш алып баруучу Кыргызстандын кадрлары чабал иштеп жатышканын кошумчалады.

37
Белгилер:
кадрлар, Евразиялык экономикалык биримдик, экономика
Тема боюнча
Бактыгулов: ЕАЭБ, Кытай соода алакасы Кыргызстанга 3 млрд. сом пайда берет
Саргарган дарактар. Архив

Бейшембиге карата аба ырайы

0
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

0
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт