Акча кармаган аял. Архивдик сүрөт

Кыргызстанда ишкер кыз-келиндерге атайын насыя берилет

262
(жаңыланган 11:33 21.11.2019)
Абылгазиев "Кепилдик фонддун" финансы каражатынын 40 пайызын ишкер кыз-келиндерге берүү маселеси оң жагына чечилгенин билдирди.

БИШКЕК, 20-ноя. — Sputnik. Кыргызстандагы мамлекеттик банктарда аялдарды колдоо үчүн "Ишкер – Айым" жана "Айым – Кредит" атайын насыялык продуктулары түзүлгөндүгүн өкмөт башчы Мухаммедкалый Абылгазиев билдирди.

Бүгүн Дүйнөлүк ишкер айымдар күнүн белгилөөгө арналган "Өз алдынча болуу эрдиги..." аттуу конференция болуп өттү.

"2030-жылга чейин ишкер айымдарды өнүктүрүүнүн улуттук программасы кабыл алынды. "РСК банк" аркылуу айымдар ишкерлигин өнүктүрүү үчүн "Ишкер – Айым" атайын насыялык продуктусу түзүлгөнүн канааттануу менен белгилеп кетким келет. Мында пайыздык үстөк улуттук валюта менен жылдык 14 пайыз 24 айга чейин (жүгүртүүдөгү каражаттарды толтуруу үчүн) жана 36 айга (негизги каражаттарды сатып алууга/курууга) чейин берилет", — деди иш-чарага катышкан премьер.

Ал кредиттик линиянын жалпы бюджети 50 миллион сом экенин, анын ичинде 26,1 миллион сомго 78 насыя берилгенин айткан.

Мындан сырткары, дагы бир финансылык мекеме — "Айыл банк" "Айым – Кредит" деген аталыштагы атайын насыя бермекчи болгон. 14 пайыздык үстөгү менен 24 айга чейин (жүгүртүүдөгү каражаттарды толтуруу үчүн) жана 36 айга (инвестицияга) чейинки мөөнөттө улуттук валютада берилет. Долбоор 2019-жылдын 15-ноябрынан тарта башталган.

Абылгазиев "Кепилдик фонддун" финансы каражатынын 40 пайызын ишкер кыз-келиндерге берүү маселеси оң жагына чечилгенин кошумчалаган.

"Абылгазиев балдарга ден соолугунан мүмкүнчүлүгүнүн чектелгенине карабастан, тигүүнүн технологияларын үйрөтүп, өз продукцияларын Бельгия, Францияга саткан Турдукан Райымбекова, туристтерге кызмат көрсөтүүсү өнүгүп келе жаткан жана туристтерге кызмат көрсөтүү үчүн тик учак алган Елена Калашникова сындуу бир катар ишкерлерди белгиледи", — деп айтылат маалыматта.

Министрлер кабинетинин жетекчиси сөзүн жыйынтыктап жатып, конференциянын катышуучуларына ийгиликтерди, дымактуу пландарды жүзөгө ашырууну, бакубатчылыкты жана гүлдөп-өнүгүүнү каалаган.

262
Белгилер:
аял, ишкер, Мухаммедкалый Абылгазиев, Кыргызстан
Тема боюнча
Абдиев: бизнес-ипотека ишкерлердин жумушун жеңилдетет
Мамлекеттик ипотека 6% үстөк менен качан бериле турганы белгилүү болду
Бишкектеги стационардын биринде иштеген медиктер. Архивдик сүрөт

COVID-19ду ооздуктоого чет жактан алынган акчанын 2,2 млн. доллары бөлүнгөн

68
(жаңыланган 13:17 10.07.2020)
Кыргызстан чет элдик донорлордон 627,3 миллион доллар сураган. Бүгүнкү күндө анын жарымы келип түштү.

БИШКЕК, 10-июл. — Sputnik. Чет жактан алынып жаткан каражаттын эсебинен коронавирустун жайылышына бөгөт коюу иш-чараларына 2,2 миллион доллар бөлүнгөн. Бул туурасында вице-премьер Эркин Асрандиев брифинг учурунда билдирди.

Белгилей кетсек, Кыргызстан чет элдик донорлордон кредит жана грант түрүндө 627,3 миллион доллар сураган. Бүгүнкү күндө Финансы министрлигинин эсебине 321,4 миллион доллар келип түштү. Анын 2,2 миллион доллары (болжол менен 165 миллион сомдун тегереги) медициналык жабдуу жана каражат алууга берилген. Бул акчаны Дүйнөлүк банк берген. 

Өкмөт быйыл саламаттыкты сактоо тармагына канча акча бөлүнгөнүн жарыялады

Ал суммага төмөнкүлөр алынды:

  • Тез жардам унаасы — 13 даана;
  • Жеке коргонуу каражаттары — 109,3 даана;
  • Дезинфекциялоо каражаттары — 8,3 миң даана;
  • Лабораториялык реактивдер — 36,3 миң даана;
  • Дары-дармек — 385,6 миң даана;
  • Медицина багытындагы буюмдар — 45,4 миң даана;
  • Өпкөнү жасалма дем алдыруучу аппарат — 10 даана;
  • Жасалма дем алдыруучу BiPAP аппараты — 50 даана;
  • Чарба товарлары — 15,9 миң даана; 
“Товарларды сатып алуу үчүн тендерлер Дүйнөлүк банктын талаптары менен өтүп, ага өздөрү көзөмөл кылышты. Мындан сырткары, бизге бир нече өлкөдөн товар түрүндө гуманитардык жардам келген. Алар: тесттер, жабдуулар, медициналык боюмдар. Бул боюнча да кийинчерээк толук маалымат берилет”, — деди Асрандиев.

Белгилей кетсек, каражаттар бюджетти колдоо, COVID-19дун жайылышына жол бербөө жана экономиканы колдоо деп үч багыт менен алынууда. 

Өлкө аймагындагы соңку кабарлар менен биздин Telegram-каналдан таанышып туруңуз.

68
Белгилер:
колдонуучу, медицина, карыз, каражат
Тема:
Коронавируска байланыштуу Кыргызстандагы кырдаал
Тема боюнча
COVID: зарыл болгон жардамды бир жерге топтогон жаңы сайт ишке кирди
Нарын облусу 300 кычкылтек концентраторуна жана 17 ИВЛге муктаж болууда
Доллар жана евро акчалары. Архивдик сүрөт

Кыргызстан чет жактан канча акча алып, канчасын коротту. Кыскача түшүндүрмө

142
(жаңыланган 11:58 10.07.2020)
Коронавирустун кесепетинен Кыргызстан чет элдик банктардан жарым миллиард доллардан көбүрөөк каражат сураган. Бирок учурда анын баары келип түшө элек.

БИШКЕК, 10-июл. — Sputnik. Кыргызстан чет элдик донорлордон кредит жана грант түрүндө 627,3 миллион доллар алып жатат. Анын 461,5 миллион доллары кредит, 165,8 миллиону грант түрүндө берилет. Бул туурасында экономикалык блокту тескеген вице-премьер Эркин Асрандиев брифинг учурунда билдирди.

Анын айтымында, учурда өлкөнүн Финансы министрлигинин эсебине 321,4 миллион доллар келип түштү. Анын 173 миллион доллары иштетилип бүттү. Бул коронавирус менен күрөшүү иштерине, экономиканы колдоого жана социалдык төлөмдөр менен маяналарды төлөөгө жумшалган. Калган 148,4 миллион доллары казынада турат. Башкача айтканда, коротула элек.

Финансы министрлиги: COVID-19 менен күрөшүүгө 3,8 млрд сом кетет

Алдыда дагы 305,9 миллион доллар алуу макулдашылган, учурда тактоо процесстери жүрүп жатат.

Ошондо чет жактан алынган жана күтүлүп жаткан каражаттын жалпы суммасы 627,3 миллион долларды түзүүдө.

Алынган жана макулдашууда турган каражаттар:

  • Эл аралык валюта фондунан 241,9 миллион доллар кредит алынды;
  • Азия өнүктүрүү банкы 135 миллион доллар берет. Учурда 50 миллион доллар (жарымы грант) келип түштү. Калган 85 миллион доллары (69 млн кредит, 16 млн грант) макулдашуу процессинде турат;
  • Дүйнөлүк банктан 121,15 миллион доллар алуу боюнча келишим түзүлдү. Аталган сумманын 50 пайызы кредит, калганы грант түрүндө берилмекчи. Бүгүнкү күндө анын 2,2 миллион доллары Финансы министрлигинин эсебине түштү. Ал эми 118,9 миллион доллары макулдашууда;
  • Азия инфраструктуралык инвестициялар банкынан 50 миллион доллар кредит алуу боюнча сүйлөшүү жүрүүдө;
  • Ислам өнүктүрүү банкынан 15 миллион доллар кредит алуу макулдашылып жатат;
  • Европа биримдиги 33, 88 миллион доллар грант берет. Азыркы тапта анын 27,3 миллиону алынды, 6,6 миллиону макулдашууда;
  • KfW Германия өнүктүрүү банкынан 30,4 миллион доллар грант алынат.
142
Белгилер:
Эркин Асрандиев, макулдашуу, грант, кредит, каражат, коронавирус
Тема боюнча
Кыргызстан пандемия учурунда сырттан алган каражатты кандай сарптады
Мамлекет жарым жылда баалуу кагаз чыгаруудан 4,7 млрд. сом пайда көрдү
Вице-премьер Аида Исмаилова

Исмаилова: протоколду сактагыла, туура эмес дарылоонун кесепети оор болууда

25
(жаңыланган 15:43 10.07.2020)
Министрлик тарабынан ушул шаршемби күнү үйдө жатып дарылангандар үчүн жаңы клиникалык протокол иштелип чыкты.

БИШКЕК, 10-июл. — Sputnik. Коронавируска чалдыккандарды үй шартында туура эмес дарылоонун кесепетинен абалы оорлошуп кеткендер болууда. Медиктерден кеңеш алып, атайын бекитилген протоколдун негизинде дарылануу зарыл. Бул туурасында социалдык маселелерди тескеген вице-премьер Аида Исмаилова брифинг учурунда билдирди.

Анын айтымында, ар бир өлкөнүн Саламаттыкты сактоо министрлиги дарылоонун өзүнчө клиникалык протоколун даярдайт. Кыргызстанда мындай протокол акыркы ирет 8-июнда бекиген. Ал эми ушул шаршемби күнү үйдө жатып дарылангандар үчүн жаңы протокол иштелип чыкты.

Кыргызстан Россиянын коронавируска каршы дарысын алууну сүйлөшүүдө

"Тилекке каршы, үйдө жаткандар ийне сайдырып, асма уколду көп колдонушууда. Туура эмес дарылоодон абалы оорлошуп кеткендер болууда. Алар дексаметазон, эуфиллин жана алардын комбинациясындагы химиялык аралашмалары бар препараттарды колдонушкан. Жарандарга кайрыларым, өзүм билемдик менен дары сатып алып дарыланбаңыздар. Интернетте жана башка булактарда айтылган ыкмаларды колдонбоону сунуштайбыз", — деди Исмаилова.

Ошондой эле ал кыргызстандыктар үчүн клиникалык протоколду алдыңкы адистерден жана окумуштуулардан турган топ иштеп чыкканын кошумчалады.

Мэрия: күндүзгү стационарлардан бейтаптар айыга баштады

"Адистер курч мүнөздөгү вирустук оорулар адамдын гормонун начарлатып, организмдин инфекцияга каршы күрөшүү жөндөмүн алсыратарын айтат. Эгер батыш өлкөлөрүндө коронавирустан улгайган адамдар көбүрөөк каза тапса, биздин өлкөдө жаштарды дагы алып кеткен учурлар аз эмес. Ошондуктан дарыгерлерге клиникалык протоколду так сактоо керектигин эскертебиз. Туура эмес дарылаган медиктер жоопкерчиликке тартылат", — деди вице-премьер.

Өлкө аймагындагы соңку кабарлар менен биздин Telegram-каналдан таанышып туруңуз.

25
Белгилер:
медик, протокол, дарылоо, коронавирус, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Россия коронавируска каршы дагы бир дары чыгарды. Мүнөздөмөсү
Баткенде COVID жугузуп ооруканадан качып кеткен бейтап эртеси каза болуп калды