Президент Сооронбай Жээнбеков. Архивдик сүрөт

Жээнбеков 20 млн. доллар бериле турган эл аралык документти ратификациялады

125
(жаңыланган 20:50 04.12.2019)
Эл аралык өнүктүрүү ассоциациясы (ЭӨА) Кыргызстанда Алгачкы медициналык-санитардык жардамдын сапатын жогорулатуу программасын каржылоо үчүн жеңилдетилген акча бермекчи.

БИШКЕК, 4-дек. — Sputnik. Президент Сооронбай Жээнбеков Кыргызстан менен Эл аралык өнүктүрүү ассоциациясынын ортосундагы Каржылоо жөнүндө макулдашууну ратификациялоо тууралуу мыйзамга кол койду. Бул жөнүндө президенттин маалымат кызматы кабарлады.

Мыйзамды Жогорку Кеңеш 2019-жылдын 13-ноябрында кабыл алган.

"Финансы министрлиги белгиленген тартипте Эл аралык өнүктүрүү ассоциациясына жогоруда көрсөтүлгөн Макулдашуунун күчүнө кириши үчүн зарыл болгон мамлекеттик ички жол-жоболордун Кыргызстан тарабынан аткарылганы жөнүндө кабарлоого тийиш", — деп айтылган маалыматта.

Мыйзам расмий жарыялангандан он күн өткөндөн кийин күчүнө кирет.

Эл аралык өнүктүрүү ассоциациясы (ЭӨА) Кыргызстанда Алгачкы медициналык-санитардык жардамдын сапатын жогорулатуу программасын каржылоо үчүн жеңилдетилген финансы каражатын берүүдө.

Программаны жүзөгө ашырып, финансылык колдоо көрсөтүү үчүн өнүктүрүү боюнча өнөктөштөрдүн бири катары чыккан Дүйнөлүк банк 10 млн. доллар өлчөмүндөгү грант жана 10 млн. доллар өлчөмүндөгү насыя түрүндө каражат бөлүп берет.

Кредит ЭӨАнын стандарттуу шарттарында, алты жылдык жеңилдетилген мезгилди кошкондо, жалпы 38 жылдык мөөнөткө, жылдык 0,75 пайыздык ставка менен каралган.

125
Белгилер:
ратификация, Сооронбай Жээнбеков, дүйнөлүк банк, Кыргызстан
Тема боюнча
Өзбекстан менен Тажикстанга чектеш айылдарды өнүктүрүүгө 100 млн. сом бөлүнөт
Жээнбеков: ГЭСтерди оңдоого жана курууга 4,5 млрд. доллар керек
Батареядагы сом купюралары. Иллюстартивдик сүрөт

Бийлик жылуулук менен ысык суунун тарифин көтөрүүнү сунуштап жатат

78
(жаңыланган 12:43 16.06.2021)
Энергетика жана өнөр жай министрлиги жылуулук менен ысык суунун тарифин жыл сайын инфляцияга жараша жогорулатып турууну демилгелөөдө.

БИШКЕК, 16-июн. — Sputnik. Жылуулук менен ысык суунун тарифин 25 пайызга чейин кымбаттатуу сунушталууда. Бул тууралуу Энергетика жана өнөр жай министрлигинен билдиришти.

Аталган ведомство министрлер кабинетинин "2021-2025-жылдарга карата жылуулук энергиясынын орточо тарифин бекитүү" жөнүндөгү токтом долбоорун коомдук талкууга чыгарды. Документтин долбоору өкмөттүн сайтына жарыяланды.

Документте сунушталган калк үчүн тарифтер төмөнкүчө:

  • Жылуулук энергиясы үчүн тариф — бир гигакалориясы 1418,45 сом (азыркы баасы 1 134,76 сом);
  • Ысык суу үчүн тариф — бир гигакалориясы 1 227,2 сом (азыркы баасы 981,76).

Ведомстводон белгилешкендей, жылуулук энергиясы үчүн тарифтер жыл сайын инфляцияга жараша өзгөрүп турат.

Калган колдонуучулар үчүн сунушталып жаткан тариф:

  • Жылуулук энергиясы үчүн тариф — бир гигакалориясы 1 801,89 сом (азыркы баасы 1 695,1 сом);
  • Ысык суу үчүн тариф — бир гигакалориясы 1 801,89 сом (азыркы баасы 1 695,1 сом).
"Көп жылдан бери жылуулук энергиясынын тарифи өз баасынан төмөн коюлуп, жыл сайын акчанын дефицити жаралып келген. Чыгым электр энергиясын сатуудан түшкөн каражат менен жабылып турчу", — дешти ведомстводон.

Белгилей кетсек, Улуттук банктын маалыматы боюнча, Кыргызстандагы жылдык инфляция 10,9 пайызды түздү.

Кыргызстанда электр энергиясынын тарифин дагы жогорулатуу сунушталып жатат.

78
Белгилер:
тариф, электр энергиясы, жылуулук, ысык суу, Кыргызстан
Тема боюнча
Сунушталган 1,09 сомдук тарифти жыл сайын көбөйтүүнү айтышууда. Канчага өсөт?
Өзбекстанда жеке компаниялар электр энергиясын сааттап сата баштайт
Мезгилдүү ысык сууну өчүрүү. Архив

Жакында бишкектиктердин үйүнө ысык суу келет. Алдын ала эмне кылыш керек

51
(жаңыланган 12:40 16.06.2021)
Бир ай бою "Бишкек жылуулук тармагы" ишканасы оңдоп-түзөө, көзөмөл иштерин жүргүзүп, ысык суу өткөн түтүктөрдүн бекемдегин текшерди.

БИШКЕК, 16-июн. — Sputnik. "Бишкек жылуулук тармагы" ишканасы 17-июндан тарта борбор калаадагы көп кабаттуу үйлөргө ысык суу акырындап берилерин айтып, анын алдында батир ээлери эмне кылышы керектигин эскертти.

Ысык сууну бир ай мурда, 17-майда, өчүрүшкөн. Бул аралыкта, тагыраагы, бир ай бою "Бишкек жылуулук тармагы" ишканасы оңдоп-түзөө, көзөмөл иштерин жүргүзүп, ысык суу өткөн түтүктөрдүн бекемдигин текшерди.

Бүгүн, 16-июндан тарта тармактарга суу жүгүртүп, толтуруу иштери башталат. Аталган ишкана суу келер алдында эмне кылыш керектигин видео түрүндө көрсөтүп берди.

Алар суу келер алдында жашоочуларды үйүндөгү крандарды бир ирет текшерип, жаап, суу каптап кетпеш үчүн байкоо салып коюуга чакырды. Суу ысытып колдонгондор орнотулган бактарды өчүрө турушу шарт. Бул тууралуу да айтып беришти.

Эгерде авариялык кырдаал жаралса төмөнкү телефон номерлерине чалуу керектигин эскертишти:

  • Колдонуучулар үчүн иштеген борбор: — (0312) 61-11-69, 1980, (0557) 61-11-66, (0777) 61-11-66, (0701) 61-11-66;
  • Диспетчердик кызмат — 56-85-58;
  • Борбордук райондун көп кабаттуу үйлөрдүн ичинде иштеген системасынын нөөмөттөгү инженерлери — 36-57-19, 30-07-67;
  • Түштүк район боюнча көп кабаттуу үйлөрдүн ичинде иштеген системанын нөөмөттөгү инженерлери — 51-06-22, 21-74-06.
51
Белгилер:
эскертүү, инженер, көп кабаттуу үй, ысык суу, Бишкек
Тема боюнча
Бишкекте ысык суу качан бериле турганы айтылды
Милиция кызматкерлери. Архив

ИИМ: тергөө кызыкчылыгынан улам Инандыны издөө иши толук жарыяланбайт

0
(жаңыланган 14:53 16.06.2021)
Кыргызстандык Орхан Инандыны издөө иши ички иштер министри, генерал-майор Улан Ниязбековдун көзөмөлүндө.

БИШКЕК, 16-июн. — Sputnik. Тергөөнүн кызыкчылыгы үчүн Орхан Инандыны табуу үчүн жүргүзүлгөн ыкчам-тергөө иш-чараларынын жүрүшү боюнча толук маалымат берилбейт. Бул тууралуу ИИМден билдиришти.

Маалыматка караганда, учурда Кыргызстандын бүт аймагы боюнча издөө иштери күчөтүлгөн тартипте жүргүзүлүп жатат. Жалпы жонунан ички иштер органдарынын 1000ден ашык кызматкери тартылган.

Мындан сырткары, сотко чейинки өндүрүштүн алкагында тийиштүү тергөө иши жүргүзүлүп жатат.

"Кыргызстандык Орхан Инандыны издөө иши ички иштер министри, генерал-майор Улан Ниязбековдун көзөмөлүндө", — дешти ИИМден.

Орхан Инандыны табуу боюнча масштабдуу иш улантылып жатканы кошумчаланды.

Эске салсак, "Сапат" лицейлер тармагынын президенти, Кыргызстан жараны Орхан Инанды 1-июндун түнүнөн бери дайынсыз. Анын автоунаасы Октябрь районундагы Малдыбаев көчөсүндө Ала-Арча суусунун жээгинде эшиги ачык калган тейде табылган. Президент Садыр Жапаров аны табуу үчүн кошумча күч тартууну тапшырган. Ички иштер министрлиги Инандыны 1000ден ашуун милиционер издеп жатканын билдирген.

Кийинчерээк УКМК Орхан Инандыны эки жыл мурда уюшкан кылмыштуу топтун мүчөлөрү издеген деген маалымат тараткан.

0
Белгилер:
Орхан Инанды, тергөө, Кыргызстан
Тема:
Орхан Инандынын Бишкекте жоголушу
Тема боюнча
Орхан Инандынын унаасынан тартылган соңку кадрлар. ШИИБ адвокатка жооп берди
Инанды менен кезиккен Мелис Турганбаев эмне тууралуу сүйлөшкөнүн айтып берди