Токтоп турган автоунаалар. Архивдик сүрөт

Бишкектеги акы алган автоунаа токтотуучу жайлар: тариф, өзгөрүү, пландар

228
(жаңыланган 16:35 14.01.2020)
Былтыр бишкектиктер мэриянын акы алган автоунаа токтотуучу жайлар туурасында сунушун бир топ талкуулаган. Азыр бул долбоорду автоматташтыруу маселеси боюнча иш кайсы стадияда экенин Sputnik Кыргызстан даярдаган материалдан окууга болот.

БИШКЕК, 14-янв. — Sputnik. Борбор калаадагы үч зонадагы автоунаа токтотуучу жайлардын баасы өзгөрүшү мүмкүн. Бул туурасында "Бишкек автоунаа токтотуучу жайлары" муниципалдык ишканасынын директору Ислам Момоконов айтып берди.

Маалыматтар "Бишкектеги автоунаа токтотуучу жайлардын баасын жогорулатуу" деп аталган басма сөз жыйынында айтылды.

Момоконовдун билдиргенине караганда, Бишкекте бул жааттагы система автоматташтырылганга чейин баалардын кымбатташын караган убактылуу жобо иштеп турат. Учурда ал Бишкек шаардык кеңешинин кароосуна жөнөтүлгөн.

"Долбоор боюнча шаарды үч зонага бөлгөнбүз. Жободо 40 сом биринчи аймакка каралган. Ал Чыңгыз Айтматов, Жибек Жолу, Ибраимов, Ахунбаев көчөлөрүнүн аймагы. Андан сырткары, соода жайлары менен базарлардын айланасындагы жерлер кирет. Экинчи зонага 20 сом төлөнөт. Бул Фучик, Түштүк магистраль, Алматы көчөлөрүнүн жана Чоң Чүй каналынын түндүк тарабы. Ал эми калган жерлер үчүнчү зонага кирет, бул жерде автоунаа токтотуу акысыз болот", — деген ал.

Автоматташтырылган система киргенден кийин биринчи зонадагы сааттык тариф 10 сомду, экинчи зонада 5 сомду түзөрү айтылды. Момоконов бул алдын ала түзүлгөн баа экенин билдирип, жаңы система быйылкы жылдан тарта иштеп баштарын кошумчалады.

Андан сырткары, документтерди иштеп чыгуу, тендерди даярдоо 2018-жылы башталгандыгына токтолду.

"Мамлекет менен жеке тараптардын өнөктөштүгү акырындап алдыга жылууда. Анткен менен муну толуктап иштеп чыгууга убакыт керек. Максат — шаардыктардын акчасын кагып алуу эмес, тескерисинче, тургундардын кызыкчылыгын көздөп жатабыз. Бизде дал ушул багытты изилдеген институттар, адистешкен кесипкөйлөр жок. Андыктан бардык майда-чүйдөлөрүн иш учурунда үйрөнүп, андан соң гана толугу менен ишке ашырууга болот экен", — деген Момоконов.

Ишкана кайсы жерге акы төлөгөн автоунаа жайларын орнотсо болот, кайсы аймактарда болбой тургандыгын иликтеп, караштырып жатат. Тагыраагы, кыймылды жеңилдетүү зарыл деген жерлерде гана акы төлөгөн жайлар ачылат.

228
Белгилер:
төлөм, унаа токтотуучу жай, автоунаа, Бишкек, Кыргызстан
Тема боюнча
Жумашев: акы алынчу унаа токтотмолору транспорт маселесин жоёт
Май куючуу жай. Архив

Нефтетрейдерлер: мартта күйүүчү майдын баасы 6-7 сомго кымбаттайт

135
(жаңыланган 15:21 04.03.2021)
Нефтетрейдерлер ассоциациясынын аткаруучу директору күйүүчү-майлоочу каражаттарга болгон баанын өсүшүнө үч себепти атады.

БИШКЕК, 4-мар. — Sputnik. Кыргызстанда күйүүчү майдын баасы 6-7 сомго кымбаттайт. Бул тууралуу Нефтетрейдерлер ассоциациясынын аткаруучу директору Канатбек Эшатов Sputnik Кыргызстан агенттигине билдирди.

Ал жыл башынан бери россиялык өндүрүштөн чыккан бензиндин дүң баасы 300 доллардан 500 долларга кымбаттаганын эске салды. Мындан сырткары, мунай баасы дагы 31 пайызга өскөн. Ал эми сом КМШ өлкөлөрүндөгү валюталардын ичинен көбүрөөк арзандаган.

"Март айында баалар өсөт. Жеке компаниялар чыгым тартыш үчүн иштебейт. Алардын маржасы минималдуу. Мартта баалар сөзсүз өсөт. Божомолубуз боюнча 6-7 сомго кымбаттайт", — деди Эшатов.

Буга чейин аталган ассоциация 1-январдан 1-мартка чейин россиялык өндүрүштөн чыккан бензиндин тоннасы 300 доллардан 500 долларга чейин өскөнүн айтышкан. Кымбаттоо 67 пайызды түзүп, орточо эсеп менен алганда күйүүчү майдын литрине 14 сомдон туура келген. Дизель майдын тоннасы 360 доллардан 470ке чыккан. Пайыздык көрсөткүч менен эсептей келгенде 31 болгон. Бул литрине сегиз сом дегенди билдирет.

Анткен менен республикадагы АЗСтердеги бензиндин литрине болгон баа 13,8 пайызга же 4,9 сомго гана көтөрүлгөн.

135
Белгилер:
баа, мунай, өндүрүш, Россия, бензин, Кыргызстан
Тема боюнча
Бензин 5 сомго кымбаттап кетти. Нефть ташуучулар себебин түшүндүрдү
Бишкектеги автомектептердин тизмеги. Шарты жана баалары
Жүк ташуучу унаа. Архив

Баткенде аткезчиликке бөгөт коюу үчүн мобилдүү топтор иштеп жатат

172
(жаңыланган 17:47 03.03.2021)
Мобилдик топ май куюучу жайлардын ээлерине мыйзам чегинде иш алып баруу боюнча түшүндүрүү иштерин жүргүзүүдө.

БИШКЕК, 3-мар. — Sputnik. Баткен облусунун чек аралаш аймактарында мобилдүү топтор иштеп, аткезчиликке каршы күрөш күчөтүлдү. Бул тууралуу өкмөттүн Баткен облусундагы өкүлүнүн маалымат кызматы билдирди.

УКМК, чек ара, салык, милиция, бажы, экономикалык кылмыштуулукка каршы күрөшүү кызматынын, ӨКМдин облустук башкармалыгы жана аймактык экологиялык жана техникалык коопсуздук боюнча башкармалыгынын адистеринен түзүлгөн мобилдүү топтор аткезчилик тобокелчилиги жогору болгон аймактарда атайын мониторинг жүргүзүүдө.

"Кечээ, 2-мартта, мобилдүү топ Лейлек районунун чек арадагы Жаңы-Жер айыл аймагынын Арка айылында, кыргыз-тажик чек арасынан өткөн Исфара — Худжанд жолунун боюнда жайгашкан (аталган жол Кыргызстандын аймагы аркылуу да өтөт) Кыргызстанга тийиштүү май куюучу жайларга (АЗС) кароо жүргүзүштү", — деп айтылат маалыматта.

Мобилдик топ май куюучу жайлардын ээлерине мыйзам чегинде иш алып баруу боюнча түшүндүрүү иштерин жүргүзүп, иштебей турган жайлардын ээлерине мыйзамсыз иш-аракеттерден алыс болууну эскертишкен.

Белгилеп кетсек, эл арасында иштебей турган май куюучу жайлар кошуна мамлекеттерге аткезчилик жол менен күйүүчү май саткан учурлар жөнүндө такталбаган маалыматтар айтылып келет.

Аймактык салык кызматынын маалыматына ылайык, Исфара — Худжанд жолунун боюнда эле Кыргызстанга тийиштүү 26 май куюучу жай жайгашкан. Анын ичинен бүгүнкү күндө салык кызматы тарабынан мунай заттарды берүүнүн автоматташтырылган электрондук системасына (АСУ) туташкан 17 АЗС иштеп жатат.

Ал эми калган 9 АЗС АСУ системасына туташпагандыктан салык кызматы тарабынан жабылган.

Лейлек районунда жалпы 73 май куюучу жай катталган. Учурда анын 42си АСУ системасына туташтырылып, иштеп жатат. 25 салык кызматы тарабынан жабылып, дагы алтоо ишке жараксыз экендиги аныкталган.

Белгилей кетсек, 1-мартта өкмөттүн облустагы ыйгарым укуктуу өкүлү Өмүрбек Суваналиев облустун күч түзүмдөрү менен кеңешме өткөргөн. Анда аткезчиликке каршы күрөштү күчөтүү боюнча тапшырмаларды коюп, мыйзамсыз иш-аракеттерге токтоосуз чара көрүү талабын айткан.

Ошондой эле ыйгарым укуктуу өкүлдүн аткезчиликке каршы күрөшүү боюнча мониторинг жүргүзүү тууралуу атайын буйругу чыкты.

172
Белгилер:
мобилдик топ, аткезчилик, чек ара, Баткен
Тема боюнча
Баткен: 2020-жылы аткезчиликтен казынага 10 миллион сомдон ашык каражат түштү
Кишенделген адам. Архив

УКМК: Жапаров, Ташиев менен тааныштыгын айтып кызмат саткан алдамчы кармалды

0
(жаңыланган 00:44 05.03.2021)
Комитет кармалган шектүү 15 миң долларга мамлекеттик кызматтан жетекчилик орунга дайындоону убада кылганын белгилөөдө.

БИШКЕК, 4-мар. — Sputnik. УКМК мамлекеттик кызматтан жетекчилик орун убада кылып, пара алып жаткан шектүүнү колго түшүрдү. Бул тууралуу атайын кызматтын коомчулук менен байланыш бөлүмү билдирди.

Шектүү башкаларды президентке жана УКМК башчысына жакын киши экенин айтып ишендирген.

“Кармалган адам президент жана УКМК башчысы менен жакын тааныштыгы бар экенин айтып, А.Б.А. аттуу жаранды 15 миң долларга мамлекеттик кызматтагы жетекчи орунга дайындоону убада кылган. Бул үчүн андан алдын ала 1 000 доллар аванс алган”, — деп айтылат билдирүүдө.

Бул факты боюнча Кылмыш кодексинин 204-беренеси ("Алдамчылык") менен иш козголду.

УКМК ушундай көрүнүшкө туш келгендерди же күбө болгондорду (0312) 66-00-20 жана (0312) 66-04-75 телефон номерлери аркылуу билдирүүнү өтүнөт.

0
Белгилер:
кармоо, шектүү, алдамчылык, УКМК
Тема боюнча
Кыргызстандыктарды миллиондогон сомго алдап кеткен киши Алматыдан кармалды
Айып короодогу 20 унааны каттайм деп 170 миң сом алып из жашырган. Шектүүнүн сүрөтү