Жол куруу иштери. Архив

Көлдү айланган 80 чакырымдык жол. КР 116 млн. долларлык насыядан кантип кутулат

233
80 чакырым жолду реконструкциялоо ишине 128 миллион доллар талап кылынат. Транспорт министрлиги Сауд Аравиясынын кайсы уюму акча бөлөрүн айтты.

БИШКЕК, 17-янв. — Sputnik. Транспорт жана жолдор министрлигинен саудиялык уюмдардын кайсынысы Балыкчы — Каракол — Балыкчы (Ысык-Көл шакекчеси) унаа жолунун реконструкциялык иштерине кредит бөлөрү жана ал кандай жол менен кайтарылары айтылды.

Кыргызстан менен Аравиянын координациялык топторунун ортосундагы жолдорду реконструкциялоого байланышкан макулдашууга Эр-Рияд шаарында өткөн жылдын 16-декабрында кол коюлган.

Бул жерде сөз Ысык-Көл районунун Корумду айылынан Түп районунун Балбай айылына чейинки ( 104-184,5 чакырым, көлдүн түндүк тарабы) тууралуу жүрүүдө. Көлдүн айланасындагы жолдун узактыгы 442 чакырымды түзөт.

Араб координациялык тобунун курамына Сауд өнүгүү фонду, Кувейттин араб экономикалык өнүгүү фонду, Абу-Даби өнүгүү фонду, Эл аралык өнүгүү фонду жана Ислам өнүктүрүү банкы кирет.

Эгер долбоор ратификациядан өтсө, Кыргызстан:

  • Сауд өнүктүрүү фондунан 35 миллион доллар алат. Шарты: насыя мөөнөтү — 25 жыл, жеңилдик берүү мөөнөтү — 5 жыл жана үстөгү — бир жылга 1 пайыз.
  • Кубейттин араб экономикалык өнүгүү фондунан 28,90 миллион доллар. Шарты: насыя мөөнөтү — 25 жыл, жеңилдик берүү мөөнөтү — 5 жыл жана үстөгү — бир жылга 2 пайыз.
  • Абу-Даби өнүгүү фондунан 22 миллион доллар. Шарты: насыя мөөнөтү — 25 жыл, жеңилдик берүү мөөнөтү — 5 жыл жана үстөгү — бир жылга 2 пайыз.
  • Эл аралык өнүгүү фондунан 10 миллион доллар. Шарты: насыя мөөнөтү — 23 жыл, жеңилдик берүү мөөнөтү — 5 жыл жана үстөгү — бир жылга 2,5 пайыз.
  • Ислам өнүктүрүү банкынан 20 миллион доллар алат. Шарты: насыя мөөнөтү — 23 жыл, жеңилдик берүү мөөнөтү — 7 жыл жана үстөгү — бир жылга 1,5 пайыз. Транспорт министрлиги бул мамлекеттин бюджетине көп оорчулук келтирбей турганын айтууда.

Жыйынтыгында 115,9 милион доллар болот. Буга кошумча кыргыз өкмөтү курулуш иштерине кеткен чыгымды жабууга, ага байланыштуу иштерге, мүлккө жана консультациялык кызмат көрсөтүүгө, салыкты кайра кайтарууга 12,1 миллион доллар бөлмөкчү.

Өкмөт 2025-жылдан 2044-жылга чейин насыяны бир жылдан эки ирет — 15-январда жана 15-июлда төлөп турууну пландоодо.

Маалыматка ылайык, жол тротуары, аялдамалары, суу лотоктору, жарыктандыруусу, көпүрө жана веложолдору камтылган төрт тилкелүү унаа трассасы болот.

Долбоор коомчулуктун талкуусуна коюлмакчы.

233
Белгилер:
жол, насыя, өкмөт, Сауд Аравиясы
Тема боюнча
Жээнбеков өлкөнүн жолдорун оңдоого канча каражат керектигин айтты
Искаков: Түндүк — Түштүк альтернативалуу жолунда 34 метрлик жаракалар бар
Конвертте акча кармап турган адам. Архив

Кара-Балта шаарынын мэриясында 19 млн. сом кымырылганы аныкталды

12
Эсеп палатасынын аудиттик материалдарына юридикалык баа берүү үчүн Чүй облустук прокуратурасына жөнөтүлгөн.

БИШКЕК, 27-ноя. — Sputnik. Кара-Балта шаардык мэриясынын бюджетинде 2018-2019-жылдары 19 миллион сом өлчөмүндөгү финансылык бузуулар аныкталды. Бул туурасында Эсеп палатасынын аудитордук отчетунда жазылган.

Маалыматка ылайык, аудиттер мэриянын эки жылдык бюджетинин аткарылышын текшергенде 19 миллион 12 миң сомдун дайыны чыкпай калган.

"Аталган сумманын 18 миллион 674,4 миң сому эмгек акыны негизсиз төлөп берүүгө жумшалган. Ошондой эле курулуш иштеринин көлөмүн жогорулатып 151,2 миң сом коротулса, 160,2 миң сом максатсыз пайдаланылган. Ушул жана башка каржылык бузуулар аныкталды", — деп көрсөтүлгөн отчетто.

Аудиттердин материалдары юридикалык баа берүү үчүн Чүй облустук прокуратурасына жөнөтүлгөнү белгиленет.

12
Белгилер:
аныктоо, каражат, мэрия, Кара-Балта
Тема боюнча
Прокуратура: Бишкекте иштебеген мугалимдерге айлык төлөнгөн факты аныкталды
Жаңы дайындалган Октябрь районунун акими коррупцияга шектелип кармалды
Кыргызстандык беш жана бир миң купюралыры. Архив

КР экономикасын 2021-жылы эмне күтүп турат? ЕАБРдин сценарийи

117
(жаңыланган 17:49 26.11.2020)
Келерки жылы дүйнөдө суу май, кумшекер жана буудайга болгон баа ылдыйлап, инфляция 5 пайызга чейин төмөндөшү мүмкүн экени айтылды.

БИШКЕК, 26-ноя. – Sputnik. Келерки жылы Кыргызстандын экономикасын эмне күтүп жатышы ыктымалдыгын Евразия өнүктүрүү банкынын мамлекеттер аралык анализ борборунун улук аналитиги Айгүл Бердигулова билдирди.

Ал Sputnik агенттигинин мультимедиалык маалымат борборунда өткөн Москва — Ереван — Минск — Бишкек — Нур-Султан "ЕАБР өлкөлөрүнүн 2021-жылдагы экономикасы – Кыргызстан үчүн божомол" аттуу видеокөпүрөгө катышты.

Эксперт белгилегендей, төмөндө айтыла турган божомол республикада саясий туруктуулук болгондо гана ишке ашат.

Старший аналитик Центра странового анализа Евразийского банка развития (ЕАБР) Айгуль Бердигулова на видеоконференции на тему Прогноз ЕАБР для экономики Кыргызстана. 26 ноября 2020 года
© Sputnik / Табылды Кадырбеков
Евразия өнүктүрүү банкынын мамлекеттер аралык анализ борборунун улук аналитиги Айгүл Бердигулова
"Биздин божомол боюнча, Кыргызстанда саясий туруктуулук сактала турган болсо өлкө экономикасы 3,7 пайызга өсөт. Бул үчүн чет өлкөдөн которулган каражаттын агымы турукташып, кыргыз-кытай чек арасындагы өткөрмө пунктулары толук кандуу ишке кириши керек", — деди Бердигулова.

Аналитик быйыл сомдун куну төмөндөп кеткендиктен инфляция болгонун белгиледи.

"Дүйнө жүзүндө баалардын өсүшү өлкө ичиндеги азык-түлүктүн баасына таасир этет. Келерки жылы дүйнөдө суу май, кумшекер жана буудайга болгон баа ылдыйлап, инфляция 5 пайызга чейин төмөндөшү мүмкүн", — деди Бердигулова.

Анын айтымында, салык кирешелери төмөндөгөнү менен Кыргызстандагы салык-бюджеттик саясат туруктуу.

Старший аналитик Центра странового анализа Евразийского банка развития (ЕАБР) Айгуль Бердигулова и корреспондент Sputnik Кыргызстан Алимджан Валиев на видеоконференции на тему Прогноз ЕАБР для экономики Кыргызстана. 26 ноября 2020 года
© Sputnik / Табылды Кадырбеков
Евразия өнүктүрүү банкынын мамлекеттер аралык анализ борборунун улук аналитиги Айгүл Бердигулова жана Sputnik Кыргызстандын корреспонденти Алимжан Валиев
"Мамлекет пайда болгон боштукту жабуу үчүн жеңилдетилген насыяларды алды. Бул каражаттан 14 миллиард сомду мамлекет жеңилдетилген кредит берүүгө пайдаланды, бул — ИДПнын 2,4 пайызы. Биздин оюбузча, мындай кадам быйыл ИДПнын 0,2-0,4 пайызга колдоду", — деди ал.

Бердигулова акча-насыялык саясат салыштырмалуу туруктуу экенин белгиледи.

"Коюм 5 пайыздык деңгээлде сакталып калды. Биздин божомол боюнча, келерки жылы деле ушундай деңгээлде болот", — деп кошумчалады адис.

Бердигулова Кыргызстандын экномикасынын төмөндөшүнө себеп болгон төрт факторду атады:

  • чек аралардын жабылышы;
  • мигранттардын акча которуусунун төмөндөшү;
  • туруксуз саясий кырдаал;
  • Кумтөрдөгү алтындын көлөмүнүн азайышы.
117
Белгилер:
кредит, сом, экономика, Кыргызстан
Тема боюнча
Доллар курсу ооздукталбай... Улуттук банк кайра интервенция жасады
Чет элдиктерге кыргыз жарандыгын сатуу сунушталууда. Жаңы мыйзам долбоор
Кытай карыз төлөө мөөнөтүн узартууга макул болуп, кошумча 3 млрд. сом сурады
Назначенная заместителем председателя Госкомитета промышленности и недропользования КР Вероника Исаева

Вероника Исаева Өнөр жай мамлекеттик комитетинин төрага орун басары болду

0
Тиешелүү буйрукка премьер-министрдин милдетин аткаруучу Артем Новиков кол койгон. Жаңы жетекчинин өнөр жай тармагында 15 жылдык тажрыйбасы бар.

БИШКЕК, 27-ноя. — Sputnik. Вероника Исаева Өнөр жай, энергентика жана жер казынасын пайдалануу мамлекеттик комитетинин төрагасынын орун басары болуп дайындалды. Бул тууралуу мекеменин маалымат кызматы кабарлады.

Тиешелүү буйрукка премьер-министрдин милдетин аткаруучу Артем Новиков кол койгон. Кечээ аны комитеттин төрагасы Жыргалбек Сагынбаев эмгек жамаатка тааныштырган.

Вероника Исаева акыркы үч жылда жеке бизнесте өнөр жай долбоорлорун ишке ашырып келген. Жалпысынан бул тармакта 15 жылдык тажрыйбасы бар.

0
Белгилер:
дайындоо, кызмат, Кыргызстан
Тема боюнча
Ализа Солтонбекова министрлик ишине расмий киришти