Коммуналдык кызматкерлер колдонгон самосвал. Архивдик сүрөт

Бишкек мэриясы 10 млн. сомго беш самосвал алмакчы

100
(жаңыланган 15:01 17.01.2020)
Борбордук муниципалитет транспорт сатып алууга тендер жарыялап, самосвал боюнча техникалык талаптарын сайтына чыгарды.

БИШКЕК, 17-янв. — Sputnik. "Бишкекасфальтсервис" муниципалдык ишканасы беш самосвал сатып алууну пландап жаткандыгын мэриянын маалымат кызматы билдирди.

Ушу тапта тендер жарыяланды. Шаардык бюджеттен техника үчүн 9 миллион 975 миң сом каралган. Талаптарын мэриянын сайтынан билүүгө болот.

Тендерге катышууга арыздарды кабыл алуу 2020-жылдын 5-февралына чейин созулат.

100
Белгилер:
техника, тендер, Бишкек мэриясы
Тема боюнча
Мэрия таштанды сорттогон завод куруу үчүн тендер жарыялады
Президент Сооронбай Жээнбеков. Архив

Жээнбеков Бирдиктүү евразия патенти боюнча маанилүү документке кол койду

15
(жаңыланган 22:40 06.07.2020)
Документке ылайык, бир нече өлкө менен сооданы өнүктүрүүгө, региондо инвестициялык климатты жакшыртууга шарт түзүлмөкчү.

БИШКЕК, 6-июл. — Sputnik. Президент Сооронбай Жээнбеков “Евразия патенттик конвенциясынын Өнөр жай үлгүлөрүн коргоо жөнүндө протоколун ратификациялоо тууралуу” мыйзамга кол койду. Бул туурасында мамлекет башчынын маалымат кызматы билдирди.

Аталган протоколго 2019-жылдын 9-сентябрында Нур-Султан шаарында кол коюлган. Ал эми мыйзам Жогорку Кеңеш тарабынан 2020-жылдын 11-июнунда кабыл алынган.

“Протоколдун негизги максаты — өнөр жай менчик объектилерин коргоонун евразия системасын бекемдөө жана кеңейтүү. Макулдашуучу мамлекеттердин аймагында бирдиктүү евразия патентинин негизинде өнөр жай үлгүлөрүн коргоонун мамлекеттер аралык системасын түзүлөт.  Ошондой ички рынокторун өнүктүрүү, соода жана инвестициялык иштерди жандантууга өбөлгө болот”, — деп жазылат маалыматта.

ЕЭК жалпы электроэнергетика рыногун түзүү боюнча иш-чаралардын жол картасын жактырды

Макулдашуучу мамлекеттердин курамына Азербайжан, Кыргызстан, Армения, Белоруссия, Казакстан, Тажикстан, Россия, Түркмөнстан мамлекеттери кирет.

Аны менен катар Евразия патенттик конвенциясына катышкан өлкөлөрдүн аймагында сооданы өнүктүрүүгө, ошондой эле региондо инвестициялык климатты жакшыртууга шарт түзөрү айтылат.

15
Белгилер:
Евразия, патент, кол, документ, Сооронбай Жээнбеков
Тема боюнча
Кыйын кырдаалдан кантип чыгабыз? Жээнбеков берген тапшырмалардын тизмеси
Коронавируска кабылган бейтапка кислород аппаратын улоо. Архивдик сүрөт

Кычкылтек концентраторун сатып алууга өлкө казынасынан 50 млн сом бөлүндү

44
(жаңыланган 18:07 06.07.2020)
Саламаттык сактоо министрлигине берилген каражаттын ичинен 17,8 миллион сому оорунун очогунда иштеген медиктердин компенсациясы үчүн, 93 миллион сому ПЦР-тесттерди сатып алууга жумшалат.

БИШКЕК, 6-июл. — Sputnik. Өткөн жумада жана азыркы тапта Саламаттык сактоо министрлигине республикалык бюджеттен 110, 8 миллион сом бөлүндү. Бул тууралуу каржы министри Бактыгүл Жээнбаева брифинг учурунда маалымдады.

Анын айтымында, бул каражаттын ичинен 17,8 миллион сому оорунун очогунда иштеген медиктердин компенсациясына бөлүнсө, 93 миллион сому ПЦР-тесттерди сатып алууга жумшалат. Кычкылтек концентраторун алууга 50 миллион сом берилип жатат.

Финансы министрлиги: COVID-19 менен күрөшүүгө 3,8 млрд сом кетет

"Өлкө казынасынан милдеттүү медициналык камсыздандыруу фондуна да каражат бөлүнгөн. Анын ичинен медиктердин компенсациялык төлөмдөрүнө 91,7 миллион сом, жеке коргонуу каражаттарын алууга 300 миллион сом берилип жатат. Обсервацияда иштеп жаткан ӨКМ кызматкерлерине 32,7 миллион сом, мигранттар менен иш алып барган Тышкы иштер министрлигине 15 миллион сом каралган", — деди Жээнбаева.

Мындан сырткары, обсервацияларда шарт түзүү үчүн Өзгөчө кырдаалдар министрлигине да 52, 9 миллион сом берилгени кошумчаланды.

44
Белгилер:
каражат, бюджет, казына, каржы министрлиги, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Катар Кыргызстанга 420 кычкылтек концентраторун бермей болду
Түркиядан дагы 1 000 кычкылтек концентратору алып келинди