Автоунаалар. Архив

КРге үчүнчү өлкөлөрдөн кирген унаалар салыктан бошотулабы? Жаңы мыйзам долбоор

3811
Ведомствонун божомолунда бажы алымдарынын азыркы тарифине байланыштуу унаа рыногунун жаңыланышы төмөндөп, баалар өсүшү ыктымал.

БИШКЕК, 24-янв. — Sputnik. Экономика министрлиги Кыргызстанга машина алып келген жеке жактарды кошумча нарк салыгынан убактылуу бошотуп турууну сунуштап жатат.

Салык кодексине киргизилген өзгөртүүлөр өкмөттүн сайтына коомдук талкууга коюлду.

Министрлик 12 пайыздык кошумча нарк салыгын үч жылга чейин жокко чыгарып турууну көздөп жатат. Мыйзам долбоордун авторлору 2020-жылдын 1-январынан тарта ЕАЭБге кирбеген үчүнчү өлкөлөрдөн ташылып келген унаалардын жеңилдетилген тарифи жокко чыгарылганын белгилешкен.

Ведомствонун божомолунда бажы алымдарынын азыркы тарифине байланыштуу унаа рыногунун жаңыланышы төмөндөп, экологияга зыян тийгизбеген машиналар көп келбей, баалар өсүшү ыктымал.

Мисалы, Toyota Camry (2010-жылы чыккан, кыймылдаткычынын көлөмү 2400 куб.см.) үлгүсүндөгү авто бажы каттоосу менен эсептегенде 10 миң доллардай турат. Бирок жогорулатылган бажы тарифи менен салыктарды эсептегенде аталган автоунаанын базар баасы 21 миң 900 долларга чыгып кетери айтылды.

Адистердин пикиринде, азыркы жогорулатылган тариф күчүндө турган кезде унаалардын өлкөгө алып келиниши 2016 жана 2017-жылдардагы деңгээлге түшүп кетиши мүмкүн (136 эле унаа кирген).

Мыйзам долбоордун негиздемесинде эгер сунуш колдоо тапса жеке жактардын чыгымдары азаяры белгиленген.

3811
Белгилер:
кошумча нарк салыгы, тариф, унаа, Кыргызстан
Тема боюнча
2020-жылдан тарта оң рулдуу автолор такси катары колдонулбай калат. ЖК сунушу
Кыргызстанда эл көп алган автоунаалар. Үлгүсү, баасы, жылы, куйган майы
Темир жол куруу иштери. Архив

Россия Кыргызстан катышкан темир жол долбооруна кызыгып, диалог курууда

159
(жаңыланган 18:26 22.09.2020)
Россия долбоорго кызыкдар болгондуктан өнөктөш мамлекеттердин ар бири менен сүйлөшүүлөрдү жүргүзүп жатат.

БИШКЕК, 22-сен. — Sputnik. Россия Кытай — Кыргызстан — Өзбекстан темир жолун куруу боюнча өнөктөш мамлекеттердин бардыгы менен активдүү диалог куруп жатат. Бул тууралуу РФтин экономикалык өнүктүрүү министринин орун басары Виктор Бабич билдирди.

Анын айтымында, бүгүнкү күндө эки чечиле элек маселе бар. Алар — рельстин туурасынын узундугу жана маршрут.

"Учурда кезектеги айкалышкан вариант сунушталууда. Бүгүн Кыргызстандын президенти жана премьер-министри менен болгон жолугушууда дагы бул маселе талкууланды. Биз ведомствонун деңгээлинде маселенин үстүндө иштеп жатабыз", — деди Бабич.

Министрдин орун басары Россия дагы бул долбоорго катышат деген үмүттө экенин кошумчалады.

Кытай менен байланыштыра турган аталган темир жол долбоору 20 жылга чукул убакыттан бери талкууланып келе жатат. Маршруттун бир нече варианттары каралган. Алардын ичинен Кытайдан Кыргызстан, Өзбекстан аркылуу Түркмөнстанга өтүп, андан ары Иранга чыгуу да пландалган.

Бүгүн, 22-сентябрда, мамлекеттик резиденцияда Кыргыз-Россия өкмөт аралык комиссиянын отуруму өтүп жатат. Маанилүү делген учурларды тексттик баяндамадан окусаңыз болот.

159
Белгилер:
долбоорлор, темир жол, Кытай, Россия, Кыргызстан
Тема боюнча
Кыргыз-орус өкмөт аралык комиссиянын отуруму. Тексттик баяндама
КР — РФ эриш-аркак жылын жыйынтыктоону 2021-жылга жылдыруу сунушталды
Акча жана калькулятор. Архив

Россия Кыргызстандын салык тармагын тескөөгө техникалык жардам көрсөтөт

51
(жаңыланган 17:53 22.09.2020)
Салык боюнча эки долбоор каралууда, биринчиси — салыктык башкаруу, экинчиси — товарларды маркировкалоо.

БИШКЕК, 22-сен. — Sputnik. Россия Кыргызстанга эки долбоор боюнча техникалык жардам көрсөтөт. Бул тууралуу РФ өкмөт башчысынын орун басары Алексей Оверчук билдирди.

Долбоордун бири — салыктык башкаруу, экинчиси — товарларды маркировкалоо.

"Салыктарды башкарууга техникалык көмөк көрсөтүү боюнча Россияда эң алдыңкы система бар, бул тажрыйба менен бөлүшүүгө даярбыз", — деди Оверчук.

Жээнбеков мамлекеттик карызды кечүүнү суранды. Эмнеге алмашууну сунуштады?

Анын айтымында, бул салыктарды чогултуунун эсебинен өлкөнүн өнүгүүсүнө таасирдүү салым кошууга мүмкүнчүлүк берет.

Экинчи долбоор — товарларды маркировкалоо программасы. Ал рынокту ачыгыраак кылганга жакшы шарт түзөт.

Бишкекте Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйыны өттү.

51
Белгилер:
жардам, долбоорлор, салык, өкмөт, Кыргызстан, Россия
Тема боюнча
Кыргыз-орус өкмөт аралык комиссиянын отуруму. Тексттик баяндама
Кыргыз-казак чек арасынан жүк ташуучуларды текшерүүсүз өткөрүү макулдашылды
Бишкек мэри Азиз Суракматов. Архивдик сүрөт

Тыңгылыктуу санариптеше албай жатабыз! Суракматов бир жетекчини кызматтан алды

0
(жаңыланган 11:26 23.09.2020)
Мэриянын маалымат кызматынан кабарлашкандай, Суракматов шаардык кызматтардын санариптешүүсү ойдогудай жүрбөй жатканына нааразы болгон.

БИШКЕК, 23-сен. — Sputnik. Бишкек мэри Азиз Суракматов ишмердүүлүгүнө нааразы болгон соң Шаар чарбачылыгы департаментинин жетекчиси Нурлан Касымов ээлеген кызматынан бошотулду. Бул тууралуу муниципалитеттен билдиришти.

Мэриянын маалымат кызматынан кабарлашкандай, Суракматов шаардык кызматтардын санариптешүүсү ойдогудай жүрбөй жатканына нааразы болгон.

Бишкектин вице-мэри Мирлан Амантуров кызматтан бошотулду

"Бишкекте эмдигиче бир дагы бирдиктүү санариптик продукт жок. Тургундардын кызматтарды пайдалануусунда көйгөйлөр көп. Ал эми муниципалдык кызматтарды пайдалануу "өзүнчө эле азап", — деген  Суракматов Шаар чарбачылыгы департаментинин жетекчиси Нурлан Касымовго кызматтан кетүүсүн сунуштаган.

Мындан улам Касымов  ээлеген кызматынан бошотулуп, жетекчинин убактылуу милдетин аткаруучу болуп орун басары Максат Шеримбаев дайындалды.

0
Белгилер:
көйгөй, санариптешүү, мэрия, Азиз Суракматов, Бишкек
Тема боюнча
Алдыда оор сыноо күтүп турат, чыдамдуу бололу. Суракматов шаардыктарга кайрылды
Бишкек мэриясы эреже бузган кафе-ресторан ээлерин жоопко тартат