Россия-Кыргыз өнүктүрүү фондунун блокноту. Архивдик сүрөт

Россия-Кыргыз өнүктүрүү фонду 380 млн. долларлык долбоор каржылады

78
(жаңыланган 13:20 28.01.2020)
Былтыр Россия-Кыргыз өнүктүрүү фонду 77,5 миллион доллар суммасындагы долбоорлорду колдогон. Аталган фонд 2014-жылы түптөлгөн.

БИШКЕК, 28-янв. — Sputnik. 1-январга карата Россия-Кыргыз өнүктүрүү фонду 379 миллион долларлык 2249 долбоорду жактырды. Бул туурасында аталган фонддун башкармалыгынын төрагасы Эркин Асрандиев журналисттер менен жолукканда билдирди.

Ал жогоруда сумманын 202 миллион доллары ири долбоорлорго каралгандыгын айтты.

Буга чейин жазылган долбоорлордун көбү шаардан түшкөн сунуштарга жумшалса, былтыркысынын бир тобу (83 пайызы) аймактарга кеткен. 

"Өткөн жылы 77,5 миллион доллар каражат бөлүндү, бул мурдагы жылга салыштырмалуу 1,8 эсе көп дегендик. Бизнес 2018-жылга карата бир топ эле активдүү болду", — деп айтып берген Асрандиев.

Россия-Кыргыз өнүктүрүү фонду Кыргызстан менен Россия өкмөттөрүнүн макулдашуусунун негизинде түптөлгөн. Уставдык капиталы 500 миллион доллар болгон каражатты РФ кайтарымсыз негизде берген. Мындан сырткары, зарылдык болсо дагы ушунча сумманы карызга караштыруу айтылган.

78
Белгилер:
Кыргызстан, Россия, Орус-кыргыз өнүктүрүү фонду
Тема боюнча
Жээнбеков: Россия менен бирге алдыга жылгыбыз келет
Кызыл-Кыяда жылына 4 миллионго жакын шифер чыгара турчу завод курулууда. Сүрөт
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров

Пирназаров: Кыргызстанда криптобиржалардын ишмердүүлүгү көзөмөлдөнөт

3
(жаңыланган 13:44 23.09.2021)
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров Кыргызстанда криптобиржалардын ишмердүүлүгү тууралуу жобо иштелип чыккандыгын айтты.

Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы. Мындай пикирин Марат Пирназаров Sputnik Кыргызстан радиосунун эфиринде маек куруп жатып билдирди.

Пирназаров: Кыргызстанда криптобиржалардын ишмердүүлүгү көзөмөлдөнөт

Анын айтымында, аталган багытта шарт түзүү аркылуу көп киреше табуу мүмкүнчүлүгүн жаратса болот.

"Кыргызстанда криптобиржаларга укуктук талаа түзүү үчүн аракеттер жүрүп жатат. Финансы рыногун жөнгө салуу жана көзөмөлдөө боюнча мамлекеттик кызматка криптобиржалардын ишмердүүлүгүнө шарт түзүү максатында тиешелүү укуктук ченемдик актыларды иштеп чыгуу тагылган. Ушул жылдын 27-майында Экономика жана финансы министрлигинин буйругу менен мекемелер аралык жумушчу топ түзүлүп, бул тармакты билген адистер менен биргеликте жобо иштеп чыктык. Жобо министрлер кабинетинин кароосуна киргизилип, макулдашуу иштери жыйынтыкталууда. Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы", — деди Пирназаров.

Ошондой эле адис криптоактивдер менен ишмердүүлүгүн жүргүзгөндөр санариптик биржалар боюнча билим алып коюусу керектигин кошумчалады.

3
Белгилер:
Марат Пирназаров, криптовалюта
Тема боюнча
Жасалма биткоин, финансы пирамидасы. Милиция шылуундарды кантип билсе болорун айтты
Азия өнүктүрүү банкы. Архив

Азия өнүктүрүү банкы Кыргызстандын экономикасы тууралуу божомолун жарыялады

76
(жаңыланган 13:04 23.09.2021)
Пандемиянын жаңы толкуну кайталанса же вакцинациялоо темпи жай жүргүзүлсө экономика артка кетери эскертилген.

БИШКЕК, 23-сен. — Sputnik. Кыргызстандын экономикасы 2021-жылдын экинчи жарымында калыбына келет, бирок коронавирус пандемиясынын кесепети сакталып калчудай. Бул туурасында Азия өнүктүрүү банкынын отчетунда жазылган.

Өлкө экономикасынын өсүү деңгээли быйыл 3,5 пайызга, кийинки жылы 5 пайызга жетери болжолдонууда. Деген менен пандемиянын жаңы толкуну кайталанса же вакцинациялоо темпи жай жүргүзүлсө экономиканы артка тартуу ыктымалдуулугу жараларын эскерткен. Аны менен катар чек аралар толук ачыла электиги, авиакаттамдар жана жол кыймылы жарым-жартылай жанданганы, ал эми ишкердик чөйрөнүн ишеними төмөн бойдон турганы белгиленген.

"Азык-түлүк баасынын инфляциясы жогору. Буга ташып келүү чынжырчасы жай темп менен жанданып, улуттук валютанын курсу долларга карата 2020-жылдан бери 20 пайызга түшүп кетиши таасир этти. Азык-түлүктүн баасы туруктуу жана ыкчам түрдө өсүп жатканын эске алуу менен Азия өнүктүрүү банкы 2021-жылы инфляция 10 пайызга жетерин, кийинки жылы 7 пайызга түшөрүн божомолдойт", — деп жазылат маалыматта.

Отчетто көрсөтүлгөндөй, 2021-жылдын биринчи кварталында учурдагы операциялардын эсебинин дефицити ички дүң продукциянын 4,6 пайызын түзгөн. Экспорт 9,5 пайызга кыскарган, анын басымдуу бөлүгүн алтын жана башка металлдар түзгөн. Ал эми машина, жабдуу, кийим, кумшекер көп ташылганына байланыштуу жалпы импорттун көлөмү 40,2 пайызга өскөн. Буга былтыркыга караганда 41 пайызга жогорулаган акча которуулар да өбөлгө болгон.

Азия өнүктүрүү банкы 2020-жылы майда кыргыз бийлигине пандемиянын кесепетин жоюу жана социалдык-экономикалык шарттарды жакшыртууга жардам берүү үчүн 50 миллион долларлык кредит жана грант берилгенин белгилеген. Ошондой эле саламаттык сактоо системасын чыңдоого чукул жардам көрсөтүү максатында 20 миллион доллар бөлүнгөнү кошумчаланган.

76
Белгилер:
Кыргызстан, экономика, божомол, Азия өнүктүрүү банкы
Тема боюнча
Акчаны кайсы валютада сактаган оң? Жөнөкөй, бирок маанилүү кеңеш
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

0
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

0
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы