Соцфонд пенсияга мөөнөтүнөн эрте чыгууну жоюуга ниеттенип жатат

© Sputnik / Саид Царнаев / Медиабанкка өтүүВыдача пенсий в почтовом отделении №51 Грозного
Выдача пенсий в почтовом отделении №51 Грозного - Sputnik Кыргызстан
Жазылуу
Кыргызстанда жыл сайын пенсионерлердин саны өсүп, аларга төлөнүүчү каражат да жогорулап бара жатат. Соцфонддун бюджетинин чыгымы ушул жылы эле 57,1 миллиард сомду түздү.

БИШКЕК, 30-янв. — Sputnik. Пенсияга эрте чыгуу жобосун алып салуу үчүн мыйзамга өзгөртүүлөрдү киргизүү каралып жатат. Бул тууралуу Sputnik Кыргызстан агенттигине Социалдык фонддун төрагасы Медер Ирсалиев билдирди.

Маалыматка ылайык, Соцфонддун чыгымы жана пенсионерлердин саны өсүүдө. Ирсалиев бул Соцфонддун бюджетине залакасын тийгизип, пенсионерлерге акча төлөөдө кыйынчылык жаратпайбы деген маанайдагы бир катар суроолорго жооп берди.

Жетекчи пенсионерлердин саны өсүп жатканын тастыктап, бул бара-бара чыгымдын көбөйүшүнө алып келерин айтты. Ошол себептен реформа зарыл. Ирсалиев ушу тапта аялдар пенсияга 58 жашында чыкса, эркектер 63 жашында чыга аларын эскертти.

"Пенсияга мөөнөтүнөн мурда көп категория боюнча чыгышат. Мисалы, күч түзүмдөрүндө иштегендер 40 же 45 жашынан пенсияга чыгып кетишет. Аялдардын негизги массасы иш тажрыйбасына карап 55 жашынан, ал эми эркектер 60 жашынан пенсияга чыгышат. Биз жеңилдиктерди алып салышыбыз керек. Ошондо бир топ акчаны экономдоп калууга мүмкүнчүлүк түзүлөт. Мыйзам долбоорун даярдап, анда 58/63 жаш өзгөчөлүгүн калтырабыз, болгону жеңилдиктерди алып салабыз", - деди Ирсалиев.

Парк Юньон Эстэйт на острове Ла Диг - Sputnik Кыргызстан
Пенсионер капысынан өзүнүн мүрзөсүн таап алган. Шотландиядагы окуя
Ал пенсияга чыгуу жашы өйдөлөтүлбөй турганын айтты.

Маалыматка караганда, 2016-жылы Соцфонддун чыгымы 42,5 миллиард сомду түзсө, азыр 57,1 миллиардга көбөйдү. Чыгымга кеткен акча республикалык бюджеттен бөлүнөт, анын жыл сайын өсүп жатканы белгилүү. 2016-жылы 16,1 миллиард сомду түзсө, бул жылы 22 миллиардга жеткен. 2016-жылдын башында 604,8 миң пенсионер болсо, өткөн жылдын октябрында 667,8 миң пенсия курагындагы адам катталган.

Жаңылыктар түрмөгү
0