Кытайдын желеги. Архив

Кытай товарлары тартыш болуп, ишкерлер кыйнала баштады. Бийлик эмне дейт?

4760
(жаңыланган 18:15 12.02.2020)
Кыргыз-кытай чек арасы жабык тургандыктан, өлкө ичинде көпчүлүк товарлардын тартыштыгы байкала баштады. Муну айткан ишкерлер дефициттин айынан кымбаттоо башталганын кошумчалашты.

Кытайдан товар ташып оокат кылган ишкерлер күндөн-күнгө кыйынчылыкка кептелип бара жатканын айтышат. Мисалы, идиш-аяк саткандар кашык менен бычак калбай бара жатканына кабатырланса, тикмечилер жайкы кийим-кечеге ылайыктуу кездеме таппай бушайман.

Эске салсак, февраль айынын башында Кытайда пайда болгон коронавирустун айынан кыргыз-кытай чек арасы абал турукташканга чейин жабылганы айтылган.

"Дордой" базарында кийим-кече саткан Темиркул Багышбековдун айтымында, ушул тапта айлантуудагы товары аздардын сатарга дээрлик эч нерсени калбай бара жатат.

Продавец одежды на рынке Дордой Темиркул Багышбеков
© Фото / Эламан Карымшаков
Кытайдан кийим-кече ташып иштеген Темиркул Багышбеков
"Дордойдо" ишкерлердин 70 пайызы товарды Кытайдан алат. Акчасы көптөр Кытай жаңы жылында кире албай калабыз деп запастап алып коюшкан. Ал эми айлануудагы товары аздар калган-катканын сатып отурат", — деди Багышбеков.

Ишкер кошумчалагандай, товарлардын азайышы баасына таасир этип, ар бир кийимдин үстүнө 5-10 сомдон кошуп саткандар бар.

Ушундай эле көрүнүш идиш-аяк саткандарда дагы болуп жатат. "Жунхай" базарында иштеген Динара Оторбаева эң өтүмдүү товарлар түгөнүп бара жатканын билдирди.

"Ашкана оокаттарынын арасынан кашык, бычак, чыны сыяктууларды эл көп алат. Алар азайып, жаңы товар алдыра албай жатабыз. Бирин-серин ишкерлер баасын бир аз көтөрүп койду", — дейт Оторбаева.

Кызыгы, медициналык шаймандар, дарылоодо керектөөчү материалдар дагы түгөнүп калган дүкөндөр бар. Бишкектик Жанышбек Рыскулов бир нече жылдан бери Кытайдан стоматологиялык клиникаларда керектелчү шаймандарды, тиш оңдоого жумшалчу каражаттарды ташып иштейт. Товары жок калганына эки апта болуптур.

Предприниматель Жанышбек Рыскулов
© Фото / Талас Аманбеков
Ишкер Жанышбек Рыскулов стоматологиялык жабдууларды сатат
"Бишкекте тиш доктурлардын "курал-жарагын" эки гана дүкөн сатат. Аларда товардын тартыштыгынан баалар аз-маз көтөрүлүптүр. Анысы аз келгенсип курьерлер үстүнө кошуп сатып жатыптыр. Бирок айласы кеткен кардарлар кымбат болсо дагы запастап алууда. Мындан улам жакын арада стоматологдордун кызматы кымбаттап кетпейби деген суроо жаралат", — деди ишкер.

Тигүү цехтеринин сырьесу азайып, жайкы кийим-кечекке ылайык кездемелерди базардан табуу маселе жарата баштаганы дагы белгилүү болду. Кездеме гана эмес, топчу, жип, сыдырма сыяктуу майда-чүйдөлөр алтынга тете болуп турганын айтышты.

Технолог швейного цеха Сезим Медетбекова
© Фото / Айжан Медетбекова
Тигүү цехинин технологу Сезим Медетбекова
"Жайкы кийимдерди тигүүгө киришкенбиз. Бирок акыркы ирет базарга барганда керектүү нерселерди таппай, башкасын алууга туура келди. Айла жок моделдерди өзгөртүп жатабыз. Товар ташуучулар чек ара марттын башында ачылат деп жатыптыр. Жогору жактан тагыраак маалымат берип, абалды түшүндүрүп коюшса жакшы болот эле", — деди Бишкектеги тигүү цехтеринин биринин технологу Сезим Медетбекова.

Ушундай эле жагдай турмуш-тиричилик техникаларын саткандарда, Instagram тармагы аркылуу интернет-дүкөн иштеткендерде жаралып жатканы айтылууда.

Кытайдан товар киргизилбей жатканын Чек ара кызматынан тастыкташты. Маалыматка ылайык, жүк ташуучу унаалар Кыргызстанга бош кирип жатышат. Кытайга барам деген чет элдиктер эч тоскоолдуксуз өткөрүлүүдө, бирок Кыргызстанга эч ким кирген жок.

Товар тартыштыгы боюнча абал тууралуу президенттик аппараттын стратегиялык өнүгүү, экономика жана финансы саясаты бөлүмүнүн башчысы Данияр Иманалиевге кайрылдык.

Анын айтымында, Экономика министрлиги чек аранын узак мөөнөткө жабылышынан улам келип чыгышы мүмкүн делген сырьелук товар дефицити боюнча тобокелдиктерди анализдеп жатат.

"Чек аранын жабылышы Кыргызстандын экономикасынын ар кайсы тармактарына канчалык таасир эткенин айтууга азырынча эрте. Анткени коңшу өлкөдө коронавирус чыгышы салтка айланган жаңы жыл майрамы менен туш келип калды", — деди Иманалиев.

Ошондой эле ал Дүйнөлүк саламаттыкты сактоо уюмунун сунуштамасы боюнча коронавирустун алдын алуу максатында көрүлүп жаткан чаралар соода-сатыкка жана товардын айлануусуна таасир этпеши керектигин кошумчалады.

Коронавирус тууралуу

Кыргызстан Кытай желектери. Архивдик сүрөт
© Пресс-служба правительства / Сабыр Аильчиев
Кытай бийлиги 2019-жылдын 31-декабрында Дүйнөлүк саламаттыкты сактоо уюмуна (ДСУ) өлкөнүн борбордук бөлүгү Ухань шаарында белгисиз пневмония оорусу күч алганын билдирген. Адистер оорунун козгогучу коронавирус nCoV 2019 экендигин аныктап, эл аралык деңгээлдеги өзгөчө кырдаал деп жарыялады.

Акыркы маалыматтарга караганда, Кытайда коронавирустан каза тапкандардын саны 1113кө жетти. Ал эми жалпы жуктургандар 46,6 миң болсо, сакайып кеткендер 4740 киши экени айтылды.

4760
Белгилер:
коронавирус, дефицит, ишкердик, чек ара, товар, Кытай, Кыргызстан
Тема:
Коронавируска байланыштуу Кыргызстандагы кырдаал (2247)
Тема боюнча
Ишкер: "Бишкек" ЭЭАда карантинден толук өтпөгөн кытай жарандары бар
Алтын куйма. Архивдик сүрөт

КРдин алтын кору бир айда 16 миллиард сомго кымбаттады

59
(жаңыланган 11:02 26.09.2020)
Жакында эле Улуттук банктын алтын валюталык корунун көлөмү 3 миллиард доллардан ашып, тарыхый рекордго жеткен. Бул жерде бир гана алтын кору тууралуу маалыматтар айтылууда.

БИШКЕК, 26-сен. — Sputnik. Улуттук банктын алтын запасынын баасы бир айда дээрлик 16 миллиард долларга көбөйдү. Бул тууралуу маалымат Улуттук банктын расмий сайтында айтылат.

Август айынын башында алтындын кору 56 миллиард 893 миллион сомго бааланган, сентябрь айынын башында анын наркы 82 миллиард 824,8 миллион сомго жетти. Бул рекорддук көрсөткүч катары саналууда. Жыл башындагы баага салыштырмалуу 34 миллиард сомго өсүү бар.

Лондондогу баалуу металлдар рыногунун ассоциациясынын кечки фиксинги (иш жүзүндө дүйнөлүк баа үч күн сайын жаңыланып турат) бул мезгил аралыгында 14 долларга жогорулап, 1 972,35 долларды түздү. Кеп трой унциясынын наркы — 31,1 грамм жөнүндө болуп жатат.

Улуттук банк сомдун кунун түшүрбөй сакташ үчүн 11,2 миллион доллар сатты

Улуттук банктын төрагасы жакында эле алтын валютанын резерви тарыхый рекордду камсыздап, 3 миллиард доллардан ашканын билдирген болчу. Бул көбүнесе ички рыноктогу алтындарды сатып алуудан болгон. Акыркы маалыматтарга ылайык, Улуттук банкта баш-аягы 16 тонна алтын бар.

Алтын валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат, алар: CDR (Атайын карыз алуу укугу – Эл аралык валюта фондунун (ЭВФ) жасалма резерв жана төлөө каражаттары) жана алтын.

59
Белгилер:
Кыргызстан, Улуттук банк, валюта, экономика, алтын
Тема боюнча
Россияда доллардын баасы кескин кымбаттап кетти
Боронов алтын казып иштеген компаниялар канча салык төлөгөнүн айтты
Калькулятордо саноо. Архивдик сүрөт

2021-жылдан тарта айрымдар салык отчетун электрондук форматта берүүгө өтөт

49
(жаңыланган 13:47 25.09.2020)
Мамлекеттик салык кызматы ишкерлер менен уюмдарды электрондук кол тамганы эмитен сатып алууга чакырды. Мындай эреже өкмөттүн 2018-жылы кабыл алган токтомунда бекитилген.

БИШКЕК, 25-сен. — Sputnik. Уюмдар менен жеке ишкерлер 2021-жылдын 1-январынан тартып салык отчетторун квалификациялуу электрондук кол тамганы колдонуу менен электрондук форматта берүүгө милдеттүү болушат. Бул тууралуу Салык кызматынан билдиришти.

Маалыматка караганда, отчетту электрондук түрдө берүүгө милдеттүү болгон салык төлөөчүлөргө квалификациялуу электрондук кол тамганы алдын ала, азыртан баштап сатып алуу сунушталат.

"Электрондук кол тамганы Мамлекеттик каттоо кызматынын алдындагы Инфоком, Dostek, Ubr ишканаларынан алууга болот", — дешти Салык кызматынан.

Өкмөттүн "Салыктык отчеттуулукту электрондук документ түрүндө берүүгө өтүүнүн тартиби жана мөөнөттөрү" жөнүндөгү токтому 2018-жылдын 12-декабрында кабыл алынган.

Отчетту электрондук форматта берүүнүн негизги максаты — кызматтарды онлайн көрсөтүүгө өткөрүү менен ишкерлер үчүн жагымдуу шарт түзүп берүү.

Эки күн мурда Финпол колго түшүргөн салыкчы кызматтан алынды

Белгилей кетсек, жогорудагы токтомго ылайык, 2019-жылдын 1-июлунан тартып товарларды импорттоочулар жана экспорттоочулар электрондук кол тамганы колдонуу менен салык отчетун электрондук форматта тапшырып келишет.

Кошумча маалыматты 1240 номери же www.sti.gov.kg сайты аркылуу алууга болот.

49
Белгилер:
отчет, салык, Кыргызстан
Тема боюнча
Келерки жылдын бюджетин түзүүгө үн кошууну каалагандар онлайн талкууга катыша алат
ӨКМ кызматкеринин издөө иштери. Архивдик сүрөт

Аламүдүн суусуна түшүп кеткен кыздын сөөгү 41 күндөн кийин табылды

0
(жаңыланган 17:46 26.09.2020)
Кыз августтун ортосунда "Теплые ключи" эс алуу жайында жүргөндө сууга түшүп кеткен. Аны табууга бүгүн 95 куткаруучу тартылган.

БИШКЕК, 26-сен. — Sputnik. Чүйдүн Аламүдүн суусуна түшүп кеткен 26 жаштагы кыздын сөөгү бир айдан ашык убакыттан кийин табылды. Бул тууралуу ӨКМдин маалымат кызматы кабарлады.

Кыз 15-август күнү "Теплые ключи" эс алуу жайында жүргөндө Аламүдүн суусуна түшүп кеткен. Куткаруучулар анын денесин бүгүн, 26-сентябрда, саат 14:40тар чамасында тапты.

Чоң Чүй каналына чөгүп кеткен бөбөктүн сөөгү 8 күндөн кийин табылды

Аны табууга бүгүн Өзгөчө кырдаалдар министрлигинен 95 куткаруучу тартылган. Кыздын сөөгү ИИМ кызматкерлерине өткөрүп берилгени кабарланды.

0
Белгилер:
издөө, кыз, Суу, ӨКМ, Аламүдүн району, Чүй облусу
Тема боюнча
Аламүдүн: көлмөгө чөгүп кеткен эки жигиттин сөөгү табылды