Сом. Архивдик сүрөт

Былтыр Кыргызстанга инвестиция кайдан келип, кайсы тармакка жумшалды

102
Инвестициялардын негизги көлөмү геологиялык чалгындоо, өндүрүш ишканалары, курулуш, электр энергия, газ, байланыш чөйрөсүнө, ошондой эле финансылык ортомчулук жана камсыздандырууга багытталган.

БИШКЕК, 6-мар. — Sputnik. Алдын ала маалыматтар боюнча, былтыр тикелей жасалган чет өлкөлүк инвестициялардын көлөмү 876,2 миллион долларды түзүп, 2018-жылга салыштырмалуу 2,9 пайызга көбөйдү. Бул тууралуу Улуттук статистика комитети кабарлады.

Чет өлкөлүк инвестициялардын негизги көлөмү геологиялык чалгындоо, өндүрүш ишканалары, курулуш, электр энергия, газ, байланыш чөйрөсүнө, ошондой эле финансылык ортомчулук жана камсыздандырууга багытталган.

Келип түшкөн инвестициялардын эң көбү Кытайдан (жалпы инвестициянын 34,3 пайызы), андан кийинки орундарда Канада (13,2 пайызы), Швейцария (11,8 эсеге), Түркия (8,6 пайызы), Улуу Британия (8,3 пайызы) жана Нидерланддар (7,2 пайызы) турат.

Каражат Бишкек шаарынын ишканаларына (40 пайызы), Жалал-Абад облусуна (26 пайызы), Чүй (20 пайызы) жана Ысык-Көл облустарына (13 пайызы) бөлүнгөн.

102
Белгилер:
Кыргызстан, инвестициялар, экономика
Тема боюнча
Товарды көзөмөлдөөнүн жаңы түрү. ЕЭК кеңеши кабыл алган чечим
Адилбек уулу: энергетикага инвестиция тартуу үчүн бардык шарттар бар
Жээнбековдун Сауд Аравия сапары: инвестиция, айыл чарба, түз каттам
Самоа, Куба, Марокко... Кыргызстанга инвестиция салган өлкөлөр

Майды аз ичкен өтүмдүү автоунаалардын баасы. Инфографика

187
(жаңыланган 19:51 05.12.2020)
Sputnik Кыргызстан унаа базарларындагы бааларды карап чыгып, майды аз ичкен жеңил автокөлүктөрдүн орточо наркын эсептеди.

Агенттик autobaza.kg, cars.kg, turbo.kg жана mashina.kg ресурстарына таянды. Бул жактагы баалар бири-биринен дээрлик айырмаланбайт. Окурманга ыңгайлуу болсун үчүн ар бир автонун Улуттук банктын 4-декабрдагы курсу менен белгиленген баасын киргиздик.

Эл көп алган 10 автоунаа төмөнкүдөй болду:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Mazda Demio;
  • Volkswagen Golf;
  • Chevrolet Spark;
  • Honda Civic;
  • Toyota Prius.

Тизмедеги эң арзан машина Lada 2107 болду. 2001-жылы чыгарылган үлгүсү 1 179 доллар деп бааланууда. Экинчи орунда Daewoo Matiz турат, колдон 1 754 долларга сатып алууга болот. Эң кымбаты — Toyota Prius. 2010-жылы чыгарылганы 9 670 доллар турса, ал эми 2014-жылкысы 11 147 доллардан сатылууда.

187
Белгилер:
май, Кыргызстан, базар, баа, автоунаа
Тема боюнча
Бишкектеги батирлер канча турат? Ноябрь айындагы баалар
Тышкы иштер министри Руслан Казакбаев. Архивдик сүрөт

Кыргызстан референдум өткөрүүгө БУУдан техникалык жардам сурады

120
(жаңыланган 12:56 05.12.2020)
Жолугушуунун негизги темасы өлкөдөгү конституциялык реформа жана БУУнун Кыргызстанга көмөктөшүүсү болгон.

БИШКЕК, 5-дек. — Sputnik. Тышкы иштер министри Руслан Казакбаев БУУнун Кыргызстандагы туруктуу координатору Озонниа Ожиелону кабыл алды. Бул тууралуу ведомствонун маалымат кызматы билдирди.

Жолугушуунун негизги темасы өлкөдөгү конституциялык реформа жана БУУнун Кыргызстанга көмөктөшүүсү тууралуу болгону айтылат.

"Министр жакынкы айларда башкаруу формасын тандоо, Конституцияны кабыл алуу, президенттик жана парламенттик шайлоолорду өткөрүү пландалып жатканын айтты. Буга байланыштуу ал БУУнун туруктуу өкүлүнө аталган маанилүү жалпы элдик иш-чараларды өткөрүүгө техникалык жардам көрсөтүү өтүнүчү менен кайрылды", — деп айтылат маалыматта.

Ал эми Ожиело Баш мыйзамдын жаңы редакциясын иштеп чыгуу эгемендүү мамлекеттин укугу экенин айтып, ошону менен бирге адамдардын эркиндиги жана укуктарын сактоого маани берүү керектигин белгилеген.

Ошондой эле ал Бириккен Улуттар Уюму Кыргызстанга конституциялык реформанын алкагында документтерди иштеп чыгуунун сапаттуулугун арттырууга көмөктөшүүгө даяр экенин билдирген.

120
Белгилер:
референдум, жардам, Кыргызстан, БУУ, Руслан Казакбаев
Тема:
Кыргызстандагы президенттик шайлоо – 2021
Тема боюнча
Министр Казакбаев АКШ элчиси менен сүйлөштү. Ортодо эмне кеп болду
Кыргызстан чет өлкөлүк донорлордон дагы 429 млн. доллар күтүп жатат
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен