Девушка считает на калькуляторе. Иллюстративное фото

Өкмөт жеке компанияларды да Эсеп палатасына текшертүү мыйзам долбоорун сунуштады

334
(жаңыланган 15:04 12.03.2020)
Бул мыйзам долбооруна депутаттардын дээрлик баары каршы чыгып, муну менен бизнесмендерге басым күчөй турганын айтышты.

БИШКЕК, 12-мар. — Sputnik. Парламентте өкмөттүн Эсеп палатасына жеке компанияларды дагы текшерүүгө укук берүүнү сунуштаган мыйзам долбоору кызуу талкуу жаратты.

Буга чейин Эсеп палатасы жеке компанияларга кылмыш иши козголуп, укук коргоо органдары текшерип берүүгө сурам жөнөткөндөн кийин гана аудит жүргүзө алчу. Ал эми сунушталган мыйзам долбоорунда кайсы бир жеке компаниянын үстүнөн арыз түшөрү менен текшерип баштайт.

Өкмөттүн мындай сунушу депутаттар арасында чуу түшүрүп, талаш-тартышка жем таштады.

"Эсеп палатасынын негизги милдети — эффективдүү аудит жүргүзүү. Эгер ар бир арыз боюнча текшерүү жүргүзө берсе, негизги жумуш калып кетет. Андыктан мыйзам долбоорунан "арыз түшөрү менен текшерет" деген пунктун алып салуу керек. Бул "Ата Мекен" фракциясынын сунушу. Эсеп палатасы президент менен Жогорку Кеңешке баш ийген орган, өкмөттүк органдар буларга тапшырма бербеши керек", — деди депутат Искендер Гайыпкулов.

Президент Сооронбай Жээнбеков Өнөр жайды жана ишкерликти өнүктүрүү боюнча комитеттин биринчи жыйынында
© Пресс-служба президента КР / Султан Досалиев
Ал эми депутат Айсулуу Мамашева ансыз да жеке компанияларды 12 орган текшерүүгө укуктуу экенин айтып, 13-органды кошуу ашыкча экенин белгиледи.

Алтынбек Сулайманов Эсеп палатасы бизнеске тийишпей, бюджеттик мекемелерди гана текшериши керектигин айтып чыкты. Ошондой эле өкмөт текшерүү менен алектенбестен, өлкөнү өнүктүрүүгө багытталган иштерди жасашын талап кылды.

Натыйжада мыйзам долбоорунун концепциясы биринчи окууда жактырылып, экинчи окууда жогоруда белгиленген пункттарды алып салууну сунушташты.

334
Белгилер:
сунуш, долбоорлор, мыйзам, текшерүү, Эсеп палатасы, эсеп, өкмөт
Тема боюнча
Маморгандар бизнесмендерди эки жыл текшербей турган болду. Бирок бир шарты бар
Жээнбеков Кыргызстандагы бизнес чет жакка "качып" жатканын айтты