Май куйуучу жай. Архив

Жазда күйүүчү май тартыштыгы жаралбайбы? Нефтетрейдерлердин жообу

95
(жаңыланган 10:43 13.03.2020)
Алдын ала маалыматтарга караганда, 2020-жылдын өткөн эки айында 214,7 миң тонна нефть продуктулары келген. Анын 106,8 миң тоннасы бензин, 107,8 миң тоннасы дизель майы жана 9,8 миң тоннасы суюлтулган автогаз экени айтылды.

БИШКЕК, 13-мар. — Sputnik. Кыргызстанга күйүүчү май жетиштүү көлөмдө алып келинүүдө, баасы марттын экинчи жарымында 1,5-2 пайызга арзандайт. Бул тууралуу Нефтетрейдерлер ассоциациясынан билдиришти.

Баанын арзандоо себептеринин бири дүйнөлүк биржаларда нефтиге болгон баанын төмөндөшү экени айтылды. Мындан тышкары, Россиядагы нефть иштетүүчү ишканаларда дүң баанын төмөндөшү жана доллардын сомго карата наркы көтөрүлүп кеткендиги жүйө болууда.

Алдын ала маалыматтарга караганда, Кыргызстанга 2020-жылдын өткөн эки айында 214,7 миң тонна нефть азыктары келген. Анын 106,8 миң тоннасы бензин, 107,8 миң тоннасы дизель майы жана 9,8 миң тоннасы суюлтулган автогаз экени айтылды.

"Бул көрсөткүч былтыркы жылдын ушул убагына салыштырмалуу 126 пайызды түздү. Андыктан республикада күйүүчү май боюнча эч бир тартыштык жаралбайт", — деп айтылат билдирүүдө.

Ошондой эле бир катар компаниялар быйыл дагы жазгы талаа иштери учурунда дыйкандарга колдоо иретинде күйүүчү майдын ар бир литрине 40 тыйындан арзандатуу кылып берери кошумчаланды.

95
Белгилер:
баалар, бензин, Күйүүчү май, Кыргызстан
Тема боюнча
Кыргызстанда күйүүчү май арзандап, себеби айтылды
Киши алтын кармап турат. Архив

Алтын камтылган кенди казуу жана сатууда киреше салыгы жогорулады

123
(жаңыланган 15:35 22.10.2020)
Салыктын коюму 2023-жылга чейин жети пайызга, ал эми андан кийинки жылдан тартып 10 пайызга көбөйөт.

БИШКЕК, 22-окт. — Sputnik. Кыргызстанда алтын кенин жана концентратты казып алуу, ошондой эле сатуу менен алектенгендер үчүн киреше салыгы жогорулатылды. Бул тууралуу Мамлекеттик салык кызматынын маалымат бөлүмү кабарлады.

Салыктын коюму 2023-жылга чейин жети пайызга, ал эми андан кийинки жылдан тартып 10 пайызга көбөймөкчү.

Мындан тышкары, 2020-жылдын 22-августундагы № 141 мыйзамга ылайык, роялти боюнча салыктык база металл камтылган кенде же биржалык металлдын концентратында камтылган химиялык таза металлдын наркы болуп саналат.

Ибраев: былтыр 73 400 тонна концентрат өлкөдөн чыгарылган

Роялти боюнча киргизилген өзгөртүүлөрдү эсепке алуу менен төмөнкүдөй бирдиктүү ставка белгиленет:

  • алтын, күмүш жана платина, ошондой эле металл камтылган кендер жана алтындын, күмүштүн жана платинанын концентраттары үчүн – 5 пайыз өлчөмүндө;
  • алтынды, күмүштү жана платинаны кошпогондо, металлдар, металл камтылган кендер жана металлдардын концентраттары үчүн – 3 пайыз өлчөмүндө.

Мыйзам 2020-жылдын 1-ноябрынан тартып күчүнө кирет.

123
Белгилер:
экономика, мыйзам, салык, сатуу, казуу, кен, алтын
Тема боюнча
30 күн убакыт берем, уурдаган акчаңарды кайтаргыла! Жапаровдун видеокайрылуусу
Кыргызстан миллиондогон доллар жоготобу? Эксперттердин кооптонуусу

Бишкек менен Ошто ижарага берилчү батирлердин ушул аптадагы баасы. Инфографика

60
Бул жумада борбордогу эмереги менен берилүүчү бир бөлмөлүү батир 10 миңден 20 миң сомго чейин болду. Ошто бир бөлмөлүү батирди 7-16 миңге ижарага алууга болот.

Sputnik Кыргызстан агенттигинин кабарчысы жума сайын Бишкек жана Оштогу батирдин ижара акысына ачык маалыматтар аркылуу байкоо салып турат.

Бул аптада борбордон эмереги жок бир бөлмөлүү батирди 9 миңден 13 миңге чейин, эмереги менен 10 миңден 20 миңге чейин ала аласыз. Баага үй жайгашкан район жана жасалгасы таасир этет.

Ал эми эки бөлмөлүүлөр 12 миңден 21 миңге, үч бөлмөлүү батирлер 16 миңден 40 миңге чейин болууда.

Ошто эмереги жок бир бөлмөлүү батирлер жети миңден сегиз миңге чейин, эмереги бары жети миңден он алты миңге жетүүдө. Эки бөлмөлүү батирди сегиз миңден 20 миңге чейин, үч бөлмөлүүлөрдү жети миңден 30 миңге чейин тапса болот.

60
Белгилер:
баа, ижара, батир, Ош, Бишкек, Кыргызстан
Тема боюнча
Кыргызстанда көпчүлүктү кызыктырган автоунаалар канчадан сатылууда. Саресеп
Кыз парктта кол чатыр менен бара жатат. Архив

Жумага карата аба ырайы

0
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

0
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди