Долларларды санап жаткан киши

Доллардын абалы кандай? 16-мартка карата алтын, күйүүчү май жана валюта баасы

108
(жаңыланган 11:46 16.03.2020)
Sputnik Бишкектин акча алмаштыруу жайларындагы валюта курсун, алтын жана күйүүчү майга болгон бааларды сунуштайт.

БИШКЕК, 16-мар. — Sputnik. Өткөн жуманын акыркы күндөрүнө салыштырмалуу валюта рыногундагы абал анчалык өзгөргөн жок.

Доллар жалпысынан мурдагы эле баасында кармалып турат. Акча алмаштыруу жайларында сатып алуу 72.81 сом болсо, сатуу 73 сом. Евро бир аз арзандады — сатып алуу 80.18, сатуу 81.20 сом. Рубль сомго карата бир деңгээлде кармалып турат (сатып алуу 0.992, сатуу 1.018 сом).

Күйүүчү майдын жана алтын куймаларынын баасы дагы мурдагы аптадагы абалында калды.

Эске салсак, 2015-жылдан тарта Улуттук банк алтын куймаларын сатыкка чыгара баштаган. Бул кыргызстандыктардын топтогон акчасын алтынга салууга көмөктөшүү максатында жасалган болчу. Алар ар башка граммдагы алты уютмадан турат, салмагы бирден тарта 100 граммга чейин. Уютма сатуу башталгандан бери 220 килограмм алтын соодаланган.

Мамлекеттин башкы банкы алтын уютмаларын элге сатпастан, аны сатып да алат. Бааны Лондондогу Баалуу металлдар ассоциациясынын кечки маалыматына карата күн сайын коюп турат.

108
Белгилер:
баа, валюта, Күйүүчү май, Кыргызстан
Тема боюнча
Коронавирус боюнча өкмөттүн брифинги өттү. Видео
Коронавирус акча аркылуу жугары аныкталды. Вирус кагазда канча күн жашайт
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

160
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

160
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты
ТИМ имараты. Архивдик сүрөт

ТИМ: жылдын аягына чейин бюджет дефицити 450 млн. долларга жетет

81
(жаңыланган 18:20 24.10.2020)
Руслан Казакбаев Россияга эки күндүк иш сапары менен барган. Ал жактан РИА Новости агенттигине маек курду.

БИШКЕК, 24-окт. — Sputnik. Пандемия жана шайлоодон кийинки саясий кризистин кесепетинен жылдын аягында Кыргызстандын бюджетинде 400-450 миллион долларлык дефицит болушу күтүлүүдө. Бул тууралуу тышкы иштер министри Руслан Казакбаев РИА Новости агенттигине берген маегинде айткан.

Анын айтымында, чек аралар жабылганда айрым коңшулар жана ЕАЭБдин алкагындагы өнөктөш мамлекеттер менен товар айлануунун көлөмү төмөндөп кеткен.

Лавров Кыргызстанга финансылык колдоо көрсөтүү боюнча суроого жооп берди

"Жылдын аягына чейин бюджетте 35-45 миллиард сом же 400-450 миллион долларлык тартыштык болору күтүлүүдө. Кыргызстан үчүн бул бир топ эле сезилерлик сумма", — деди министр.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

81
Белгилер:
дефицит, бюджет, Руслан Казакбаев, Кыргызстан, Россия
Тема боюнча
Казакбаев бюджетти колдоо боюнча РФ президентинин өкүлү Козак менен сүйлөштү