Бирдиктүү салык декларациясын тапшыруу үчүн документтер. Архив

Кыргызстанда декларация тапшыруу мөөнөтү жылдырылмай болду

116
(жаңыланган 15:07 19.03.2020)
Жеке жактар декларацияны 1-апрелге чейин тапшырышы керек эле, бирок премьер-министр мөөнөтү жылганын кабарлады.

БИШКЕК, 19-мар. — Sputnik. Кыргызстанда Бирдиктүү салык декларация кампаниясынын экинчи этабынын мөөнөтү (2019-жылдын жыйынтыгы боюнча) жылдырылат. Бул тууралуу премьер-министр Мухаммедкалый Абылгазиев Жогорку Кеңеште коронавируска каршы күрөш боюнча отчёт берип жатып билдирди.

Мамлекеттик салык кызматынын маалымат катчысы Эркин Сазыков эми өкмөт декларация тапшыруунун жаңы мөөнөтүн аныкташы керектигин Sputnik агенттигине билдирди.

Негизи кампания 1-апрелге чейин созулмак. Бирдиктүү салык декларациясын мамлекеттик жана муниципалдык кызматкерлер, жеке ишкерлер, патент алгандар, жеке жактар, транспорт, батир, үй жана жер участогу барлар тапшырышы керек.

Мындан сырткары, юридикалык жакты түзбөстөн эле айыл жана фермердик чарба жүргүзгөндөр дагы декларация тапшырууга милдеттүү.

116
Белгилер:
коронавирус, Жогорку Кеңеш, өкмөт, декларация, Кыргызстан
Тема:
Коронавируска байланыштуу Кыргызстандагы кырдаал (746)
Тема боюнча
Кыргызстанда доллар тартыш болуп жатабы? Бир катар банктар сатпай жатат
Кредит алгандардын карызы өспөйт! Улуттук банктын жаңы токтому чыкты
Коронавирустан улам Билим берүү министрлиги кайрылууларды онлайн кабыл алат