Газ трубадагы манометр. Архив

Өзбекстан 5 жылдан кийин газ экспортун токтотобу? "Газпромдун" жообу

152
Буга чейин Өзбекстандын ЖМКлары өлкө 2025-жылы жаратылыш газын экспорттоону токтотууну пландап жатканын жазышкан. Кыргызстанда колдонулган газдын 10-12 пайызы коңшу мамлекеттен импорттолот.

БИШКЕК, 24-мар. — Sputnik. Өзбекстандан жаратылыш газын экспорттоону токтотуу боюнча расмий билдирүү "Газпром Кыргызстан" ишканасына келген эмес. Бул тууралуу аталган компаниядан билдиришти.

Белгилей кетсек, буга чейин Өзбекстандын ЖМКлары премьер-министр Абдулла Ариповго таянуу менен өлкө 2025-жылы жаратылыш газын экспорттоону токтотууну пландап жатканын жазышкан.

"Кыргызстандын түштүк тарабындагы колдонуучуларга газ "Газпром экспорт" ишканасы менен түзүлгөн келишимдин негизинде алып келинет. Ал келишим быйыл бүтөт, бирок дагы эки жылга узартылышы мүмкүн. Өзбекстан тараптан жаратылыш газын экспорттоону токтотуу боюнча расмий билдирүү "Газпром Кыргызстан" ишканасына келген эмес", — деп жооп берди компания.

Ошондой эле коңшу өлкөдөн келген газды колдонуунун үлүшү КРде 10-12 пайыз экендигин кошумчалашты.

152
Белгилер:
Газпром, газ, Өзбекстан
Тема боюнча
Кыргызстандан товар алган 15 өлкө. Таң калтырчу рейтинг
Мунай баасынан улам Америка Россияны кантип жазалоону ойлонуштурат
Мунай россиялык газдын да баасын түшүрөбү? Серепчинин ой толгоосу
Алтын куйма. Архивдик сүрөт

КРдин алтын кору бир айда 16 миллиард сомго кымбаттады

59
(жаңыланган 11:02 26.09.2020)
Жакында эле Улуттук банктын алтын валюталык корунун көлөмү 3 миллиард доллардан ашып, тарыхый рекордго жеткен. Бул жерде бир гана алтын кору тууралуу маалыматтар айтылууда.

БИШКЕК, 26-сен. — Sputnik. Улуттук банктын алтын запасынын баасы бир айда дээрлик 16 миллиард долларга көбөйдү. Бул тууралуу маалымат Улуттук банктын расмий сайтында айтылат.

Август айынын башында алтындын кору 56 миллиард 893 миллион сомго бааланган, сентябрь айынын башында анын наркы 82 миллиард 824,8 миллион сомго жетти. Бул рекорддук көрсөткүч катары саналууда. Жыл башындагы баага салыштырмалуу 34 миллиард сомго өсүү бар.

Лондондогу баалуу металлдар рыногунун ассоциациясынын кечки фиксинги (иш жүзүндө дүйнөлүк баа үч күн сайын жаңыланып турат) бул мезгил аралыгында 14 долларга жогорулап, 1 972,35 долларды түздү. Кеп трой унциясынын наркы — 31,1 грамм жөнүндө болуп жатат.

Улуттук банк сомдун кунун түшүрбөй сакташ үчүн 11,2 миллион доллар сатты

Улуттук банктын төрагасы жакында эле алтын валютанын резерви тарыхый рекордду камсыздап, 3 миллиард доллардан ашканын билдирген болчу. Бул көбүнесе ички рыноктогу алтындарды сатып алуудан болгон. Акыркы маалыматтарга ылайык, Улуттук банкта баш-аягы 16 тонна алтын бар.

Алтын валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат, алар: CDR (Атайын карыз алуу укугу – Эл аралык валюта фондунун (ЭВФ) жасалма резерв жана төлөө каражаттары) жана алтын.

59
Белгилер:
Кыргызстан, Улуттук банк, валюта, экономика, алтын
Тема боюнча
Россияда доллардын баасы кескин кымбаттап кетти
Боронов алтын казып иштеген компаниялар канча салык төлөгөнүн айтты
Калькулятордо саноо. Архивдик сүрөт

2021-жылдан тарта айрымдар салык отчетун электрондук форматта берүүгө өтөт

49
(жаңыланган 13:47 25.09.2020)
Мамлекеттик салык кызматы ишкерлер менен уюмдарды электрондук кол тамганы эмитен сатып алууга чакырды. Мындай эреже өкмөттүн 2018-жылы кабыл алган токтомунда бекитилген.

БИШКЕК, 25-сен. — Sputnik. Уюмдар менен жеке ишкерлер 2021-жылдын 1-январынан тартып салык отчетторун квалификациялуу электрондук кол тамганы колдонуу менен электрондук форматта берүүгө милдеттүү болушат. Бул тууралуу Салык кызматынан билдиришти.

Маалыматка караганда, отчетту электрондук түрдө берүүгө милдеттүү болгон салык төлөөчүлөргө квалификациялуу электрондук кол тамганы алдын ала, азыртан баштап сатып алуу сунушталат.

"Электрондук кол тамганы Мамлекеттик каттоо кызматынын алдындагы Инфоком, Dostek, Ubr ишканаларынан алууга болот", — дешти Салык кызматынан.

Өкмөттүн "Салыктык отчеттуулукту электрондук документ түрүндө берүүгө өтүүнүн тартиби жана мөөнөттөрү" жөнүндөгү токтому 2018-жылдын 12-декабрында кабыл алынган.

Отчетту электрондук форматта берүүнүн негизги максаты — кызматтарды онлайн көрсөтүүгө өткөрүү менен ишкерлер үчүн жагымдуу шарт түзүп берүү.

Эки күн мурда Финпол колго түшүргөн салыкчы кызматтан алынды

Белгилей кетсек, жогорудагы токтомго ылайык, 2019-жылдын 1-июлунан тартып товарларды импорттоочулар жана экспорттоочулар электрондук кол тамганы колдонуу менен салык отчетун электрондук форматта тапшырып келишет.

Кошумча маалыматты 1240 номери же www.sti.gov.kg сайты аркылуу алууга болот.

49
Белгилер:
отчет, салык, Кыргызстан
Тема боюнча
Келерки жылдын бюджетин түзүүгө үн кошууну каалагандар онлайн талкууга катыша алат
Сан-Сальвадордогу коронавирустан каза болгондор үчүн даярдалган көрүстөн. Архивдик сүрөт

ДССУ: коронавирустан дагы миллион адам ажал табышы мүмкүн

0
(жаңыланган 17:57 26.09.2020)
ДССУнун өкүлү бүгүнкү күндө вакцинаны каржылоо, өндүрүү жана ага баа берүү негизги көйгөй болуп жатканын белгилеген.

БИШКЕК, 26-сен. — Sputnik. Дүйнөлүк саламаттык сактоо уюму коронавируска каршы вакцина калың элге жеткиликтүү болгонго чейин бул оорудан дүйнө боюнча эки миллион адам көз жумат деген маалыматты четке кага албайт. Бул туурасында ДССУнун саламаттык сактоо жаатындагы өзгөчө кырдаалдар программасынын директору Майкл Райан брифингде билдирди.

Ал ушул тапта вакцинаны каржылоо, өндүрүү жана ага баа берүү негизги көйгөй болуп жатканын белгилеген.

"Албетте, муну элестетүү кыйын, бирок андан кача албайбыз. Себеби биз тогуз айда миллион адамды жоготтук, вакцинанын калың элге жайылышына дагы тогуз ай кетерин болжоп жатабыз", — деди Райан "вакцина жалпы массага жеткенге чейин өлгөндөрдүн саны эки миллионго жетиши мүмкүнбү?" деген суроого жооп берип жатып.

ДССУ COVID-19га каршы чыгарылып жаткан вакциналардын санын айтты

Ошондой эле ал ооруканага жаткырылган бейтаптардын арасында каза болгондор азайып калганын белгиледи. Дүйнө эли массалык өлүмгө жол бербөө үчүн артта калган тогуз айдан сабак алышы керектигин кошумчалады.

0
Белгилер:
өлүм, коронавирус, вакцина, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Вирус боюнча тараган жалган маалымат менен күрөшөлү. ДССУ жана БУУнун чакырыгы
Европада эпидемиологиялык абал эмнеге начарлап баратат. ДССУнун түшүндүрмөсү