Банктан чыккан аял. Архивдик сүрөт

Өкмөт өзгөчө абал учурунда кайсы мекемелер иштээрин айтты

357
(жаңыланган 15:26 26.03.2020)
25-марттан тарта Бишкек, Ош, Жалал-Абад шаарларына, ошондой эле үч районго өзгөчө абал режими киргизилди. Бул режим 15-апрелге чейин күчүндө болот. Мурдагыдай күндүз баары каалаган жагына бара албайт, ары-бери жүрүүгө чектөө коюлду.

БИШКЕК, 26-мар. — Sputnik. Өзгөчө абал учурунда кайсы мекемелер ишмердүүлүгүн жүргүзө аларын брифинг учурунда вице-премьер-министр Эркин Асрандиев түшүндүрдү.

Анын айтымында, төмөндө аталган ишканаларда эмгектенгендер комендатуранын уруксаты, иштеген жеринен маалымат сыяктуу документтерди дайындап алышы керек.

  • Дүкөндөрдү азык-түлүк продукциясы менен камсыз кылгандар;
  • Дары-дармек каражаттарын жана медициналык коргонуучу каражаттарды ташыгандар;
  • Күйүүчү-майлоочу майларды жана газ баллондорду ташыгандар;
  • Турак жай-коммуналдык чарба боюнча бардык кызматтын түрлөрүн көрсөткөндөр;
  • Бул күндөрү иштеген мекемелерди кайтарган жеке менчик күзөт ишканалары;
  • Айрым бажы уюмдары;
  • Коммуникация чөйрөсүндө ТВ, радио, уюлдук тармак, интернет кызматтары, ошондой эле техникалык тейлөөчүлөр;
  • Бардык медициналык мекемелер;
  • Укук коргоо органдары;
  • Коммерциялык банктар.

Бирок микрокредиттик компаниялар, акча алмаштыруучу жайлар, камсыздандыруу компаниялар жана ломбарддар иштебейт.

Өзгөчө абал

25-марттан тарта Бишкек, Ош, Жалал-Абад шаарларына, ошондой эле үч районго өзгөчө абал режими киргизилди. Бул режим 15-апрелге чейин күчүндө болот. Мурдагыдай күндүз баары каалаган жагына бара албайт, ары-бери жүрүүгө чектөө коюлду.

Ошондой эле өзгөчө абал киргизилген аймактарда коменданттык саат жарыялангандыктан, тургундар кечки саат 20:00дөн таңкы 7:00гө чейин эч кайда чыкпашы керек. Күндүз дагы жашоочуларга өтө зарыл болгон учурда гана сыртка чыгууга уруксат берилген.

 

357
Белгилер:
ишкана, өзгөчө абал, Бишкек, Кыргызстан
Тема:
Кыргызстандагы коронавирус жуктуруп алгандар (1366)
Тема боюнча
Комендант Бишкекке азык-түлүк ташыган ишкерлер кайсы посттон өтө аларын айтты
Абылгазиев: вирустан улам экономика алсырайт, бирок элдин ден соолугу маанилүү
Бир миң сомдук купюралар. Архив

Райым Матраимов келтирген зыяндын ордун толтура баштады. 80 млн. сом которулду

7214
(жаңыланган 19:04 20.10.2020)
Жүргүзүлгөн тергөө иш-чараларынын алдын ала жыйынтыгы боюнча, Матраимов бюджетке 2 миллиард сом чыгым келтиргени аныкталды.

БИШКЕК, 20-окт. — Sputnik. Райым Матраимов тергөө менен кызматташа тургандыгын айтып, Кыргызстандын бюджетине келтирген эки миллиард сомду толугу менен атайын түзүлгөн графиктин негизинде 2020-жылдын ноябрь айынын аягына чейин төлөп берүүгө даяр экендигин билдирди. Бул тууралуу УКМКдан кабарлашты.

Маалыматка караганда, Матраимов көрсөтүлгөн сумманын 80 миллион сомун УКМКнын депозиттик эсебине которду.

“Жүргүзүлгөн тергөө иш-чараларынын алдын ала жыйынтыгы боюнча, Матраимов бюджетке 2 миллиард сом чыгым келтиргени аныкталды. Матраимовдун күнөөсүн аныктаган далилдердин негизинде ага Кылмыш-жаза кодексинин 319-беренеси ("Коррупция") боюнча кылмышка шектүү экендиги тууралуу билдирме берилген”, — деп айтылат маалыматта.

Ошондой эле Райым Матраимов тергөө менен кызматташа тургандыгын айтып, Кыргызстандын бюджетине келтирген зыянды, жогоруда айтылган сумманы толугу менен төлөп берерин билдиргени айтылды. Каражат атайын түзүлгөн графиктин негизинде 2020-жылдын ноябрь айынын аягына чейин төлөнмөй болду.

Райым Матраимов фамилиясын өзгөртүп алган. Мамкаттоо чоо-жайын айтты

УКМК бажы органдарындагы коррупциялык схемалардын башка катышуучуларын аныктап, мамлекетке келтирилген чыгымдарды кайтаруу чаралары менен бирге жоопкерчиликке тартуу багытындагы иш-аракеттерин улантат.

7214
Тема:
Райым Матраимовдун кармалышы
Тема боюнча
Райым Матраимов кантип колго түшүрүлдү. Сүрөттөр
Бизнес ассоциацияларынын улуттук биримдигинин төрагасы, экономист Искендер Шаршеев

Шаршеев: ишкерлик боюнча да жаңы көз караштар жаралууда

34
(жаңыланган 13:35 20.10.2020)
Бизнес ассоциацияларынын улуттук биримдигинин төрагасы, экономист Искендер Шаршеев 4-октябрдагы парламенттик шайлоодон кийинки башаламандык учурунда пайда болгон элдик кошуундар тууралуу пикирин билдирди.
Шаршеев: ишкерлик боюнча да жаңы көз караштар жаралууда

Митингдер учурунда өз ыктыяры менен чыгып ишкерликти коргоп берген элдик кошуундардын республика боюнча пайда болушу — бул феноменалдык көрүнүш. Мындай пикирин Искендер Шаршеев Sputnik Кыргызстан радиосунун эфиринде маек куруп жатып билдирди.

Анын айтымында, мезгилдин өтүшү менен бизнес тармагына да жаңы көз караштар жаралып жатат.

"Мурдагы башаламандыктарда көбүнесе чакан жана орто бизнес жабыркаса, бул ирет алар, тескерисинче, киреше тапты. Албетте, бул өз каалоосу менен чыгып аларды коргоп турган элдик кошуундардын аракети менен ишке ашты. Мындай кадам жалпы республикада жасалып, бир нече күн элдик кошуундардын бизнести коргоп бериши чоң үмүт жаратты. Алар деле жөнөкөй эле кыргызстандыктар, биздин катарыбызда жүргөн жаш балдар. Демек, бизнес деп эле талап-тоноп кетпей, алардын өсүшүнө шарт түзүү керектигин түшүнгөн муун өсүп келе жатат десек болот. Бул бир эле кыргызстандыктарды эмес, дүйнө элин таң калтыра турган феномен", — деди Шаршеев.

Экономист бизнесте алдын ала божомолдоо өтө татаал экендигин кошумчалады.

34
Белгилер:
ишкерлик, келечек, элдик кошуун, Искендер Шаршеев
Тема боюнча
Абдыров: акыркы саясий окуялар экономикага терс таасирин тийгизет
Паркттагы көгүчкөн

Түркияда эң ылдам учкан көгүчкөндүн ээси "алтын кур" тагынды

0
Эдирне провинциясында көгүчкөндөр жарышы өтүп, ага Түркия жана Болгариядан жалпысынан 1 172 канаттуу катышкан.

БИШКЕК, 21-окт. — Sputnik. Түркияда эң ылдам учкан көгүчкөн аныкталып, анын ээсине сыйлык катары "алтын кур" тагылды. Бул тууралуу "Анадолу" агенттиги жазды. 

Маалыматка ылайык, Түркиянын түндүк-чыгышындагы Эдирне провинциясында салтка айланган көгүчкөндөр жарышы өткөн. Ага Түркия жана Болгариядан жалпысынан 1 172 канаттуу катышкан.

Эрежеге ылайык, Болу провинциясынын Гереде районунан учурулган көгүчкөндөр 500 чакырым аралыкты басып өтүп, Эдирнедеги Караагаж районуна чейин учуп келиши керек болчу.

Мына чыныгы мелдеш! Пилдердин суудагы жарышы видеодо

Жергиликтүү жашоочу Манис Юнус Ташчы таптаган көгүчкөн биринчи болуп 7 саат 20 мүнөттө келген. Жеңүүчүнүн ээсине "алтын кур" жана кубок тапшырылган.

Бурсанын жашоочусу Озкан Эймен баккан канаттуу экинчи келсе, стамбулдук Ахмед Жавдардын көгүчкөнү үчүнчү болуп марага жетти.

Уюштуруучулар марага келген алдыңкы 30 көгүчкөндүн ээлерин да баалуу белек менен сыйлаган.

0
Белгилер:
сыйлык, мелдеш, көгүчкөн, Түркия
Тема боюнча
Индияда тыңчылыкка шектелген көгүчкөн камактан чыкты