Акча каражаттары жана калькулятор. Архив

Коронавирус: элден түшкөн акчаны бөлүштүрүү үчүн комиссия түзүлдү

143
(жаңыланган 10:29 29.03.2020)
Ишемби күнү алынган маалымат боюнча, эсепке 49 миллион 520 миң 447 сом келип түшкөн. Каражат коронавирус менен күрөшүү аракеттерине жумшалмакчы.

БИШКЕК, 29-мар. — Sputnik. Кыргыз өкмөтү коронавирус инфекциясы менен күрөшүү чараларын каржылоо үчүн ыктыярдуу жардам түрүндө жеке жана юридикалык жактардан түшкөн гуманитардык жардам жана акча каражаттарын бөлүштүрүү боюнча комиссия түздү. Бул тууралуу өкмөттүн маалымат кызматы билдирди.

Тиешелүү чечимге премьер-министр Мухаммедкалый Абылгазиев кол койгон.

"Комиссия элден чогулган акчаны сарамжалдуу жана натыйжалуу бөлүштүрүү максатында түзүлдү. Финансы министрлигине Саламаттык сактоо министрлиги үчүн депозиттик эсеп ачуу тапшырмасы берилди, эми чогулган каражат толугу менен ушул эсепке которулат", — деп айтылат маалыматта.

Бөлүштүрүү иштеринин ачык-айкын болушу үчүн Маалыматтык технологиялар жана байланыш мамлекеттик комитетинин алдындагы IT-штаб www.help.covid.kg онлайн ресурсун ишке киргизген. Анда келип түшкөн каражаттын көлөмү жана алар кайсы иш-чараларга жумшалары реалдуу режимде көрсөтүлүп турмакчы.

Эскерте кетсек, 28-мартта алынган маалымат боюнча, эсепке 49 миллион 520 миң 447 сом келип түшкөн.

143
Белгилер:
комиссия, өкмөт, күрөш, эсеп, акча, коронавирус
Тема:
Коронавируска байланыштуу Кыргызстандагы кырдаал (1803)
Тема боюнча
COVID-19 менен күрөшүү эсебине дээрлик 50 млн. сом түштү
Жумушчу алтын куйманы ороп жатат. Архив

Алтын сатылбайт, эски акчалар алмаштырылбайт. Улуттук банктагы өзгөрүүлөр

315
(жаңыланган 18:17 08.07.2020)
Улуттук банк койгон чектөөлөр өлкөдө эпидемиологиялык абал жакшырганга чейин болорун айтты. Кырдаал оңолгондо иштер кайра жанданмакчы.

БИШКЕК, 8-июл. — Sputnik. Улуттук банктын алтын куймаларын сатууну токтоткону аталган ведомствонун сайтында кабарланды.

Бул чечим Кыргызстандагы эпидемиологиялык кырдаалдан улам кабыл алынган.

"COVID-19дун таралуусун азайтуу максатында Улуттук банк эскирип калган акчаларды алмаштырууну жана алтын куймалары менен нумизматикалык баалуулуктарды сатууну убактылуу токтотот. Бул иштер өлкөдө эпидемиологиялык абал жакшыргандан кийин кайра улантылат", — деп айтылган маалыматта.

Sputnik агенттигинин "алтын куймаларын Улуттук банк сатып албай калдыбы?" деген суроосуна ведомствонун маалымат кызматы сатып алуу жана сатуу "абал турукташмайынча" болбой турганын билдирди.

Кыргызстанда алтын менен акча табууга болобу? Кеңири саресеп

315
Белгилер:
эпидемия, алмаштыруу, акча, алтын куймалары, Улуттук банк, Кыргызстан
Тема:
Коронавируска байланыштуу Кыргызстандагы кырдаал (1803)
Тема боюнча
Кыргызстанда алтындын запасы 2,6 млрд сомго азайды
Банктарга жана финансы уюмдарына жасалчу инспектордук текшерүү токтотулду
Акча. Архивдик сурөт

Мигранттар которгон акчанын көлөмү май айында кескин өстү

135
(жаңыланган 09:13 08.07.2020)
Майдагы акча которуу быйылкы жылдын мыкты көрсөткүчү. Анткени ага чейин сырттагы мекендештерден бир айда 76,3 миллион доллардан 165,1 миллион долларга чейин акча келген.

БИШКЕК, 8-июл. — Sputnik. Үстүбүздөгү жылдын май айында мигранттар Кыргызстанга 165,3 миллион доллар жөнөттү. Бул тууралуу Улуттук банктан кабарлашты.

Алар акчаларын атайын система аркылуу жөнөтүшкөн.

Төрт жылдан берки начар көрсөткүч. Мигранттар которгон каражат айтылды

Майдагы акча которуу быйылкы жылдын мыкты көрсөткүчү. Анткени ага чейин сырттагы мекендештерден бир айда 76,3 миллион доллардан (апрель айы) баштап, 165,1 миллион долларга чейин (февраль айында) акча келген.

Эске сала кетсек, өткөн жылдын май айында чет жактагы мигранттар 194,3 миллион доллар которушкан.

135
Белгилер:
Акча которуулар, Мигрант, Кыргызстан
Тема боюнча
Банктарга жана финансы уюмдарына жасалчу инспектордук текшерүү токтотулду
Жыл башынан бери мамлекеттик карызды төлөөгө канча акча жумшалды
Сазыков: алты айдын жыйынтыгы менен 5 млрд. сом салык чогулбай калды
РФтин Федералдык жыйынынын Федерация кеӊешинин төрайымы Валентина Матвиенко

Матвиенко Чыныбай Турсунбековдун туугандарына жана ЖК төрагасына көңүл айтты

33
(жаңыланган 20:55 08.07.2020)
Матвиенко жана анын кесиптештери Чыныбай Турсунбековдун каза болгондугу тууралуу кабарды терең кайгыруу менен кабыл алгандыгын билдирген. 

БИШКЕК, 8-июл. — Sputnik. РФтин Федералдык жыйынынын Федерация кеӊешинин төрайымы Валентина Матвиенко Жогорку Кеңештин мурдагы төрагасы, депутат Чыныбай Турсунбековдун дүйнөдөн мезгилсиз кайткандыгына байланыштуу төрага Дастанбек Жумабековго көңүл айтты. Бул тууралуу парламенттин маалымат кызматынан кабарлашты.

Эске салсак, Жогорку Кеңештин депутаты жана мурдагы төрага Чыныбай Турсунбеков 6-июль күнү пневмониядан каза болгон.

Анда ЖКнын мурдагы төрагасы Турсунбековдун каза болгондугу тууралуу кабарды терең кайгыруу менен кабыл алгандыктарын билдиришкен.

Абалы кескин начарлап кеткен. Чыныбай Турсунбеков реанимацияда үзүлгөн

"Биз Чыныбай Акуновичтин парламенттер аралык байланышты өнүктүрүүгө кошкон салымын жогору баалайбыз. Анткени ал Көз карандысыз мамлекеттер шериктештигине мүчө өлкөлөрдүн Парламенттер аралык ассамблеясынын ишине Кыргызстандын парламенттик делегациясынын жигердүү катышуусуна өзгөчө көңүл бурчу. Россия Федерациясынын Федералдык жыйынынын Федерация кеӊеши аталган асыл инсанды эч качан унутпайт", — деп айтылган телеграммада.

Матвиенко Турсунбековдун туугандарынын жана жакындарынын аза кайгысын тең бөлүшкөн.

"Федерация кеңешинин мүчөлөрүнүн жана жеке өзүмдүн атымдан Сизге, урматтуу Дастанбек Артисбекович, жана Жогорку Кеңештин депутаттарына терең кайгыруу менен көңүл айтабыз. Ошондой эле Чыныбай Акуновичтин туугандарынын жана жакындарынын аза кайгысын тең бөлүшөбүз", — деген төрайым.

Чыныбай Турсунбеков 57 жашта! Белгилүү саясий ишмер тууралуу 9 факты

Өткөн суткада Кыргызстанда 345 адам COVID-19 жугузуп алганы аныкталды. Азыркы тапта стационарда 592 киши бар, анын 17си реанимацияда. 4 799 адам үй карантининде дарыланып жатат. Бүгүн дагы 13 киши каза таап, жалпы саны 112 болду.

Ушуну менен Кыргызстандын аймагында коронавирусту илештирип алгандардын жалпы саны 8 486га жетти.

Өлкө аймагындагы соңку кабарлар менен биздин Telegram-каналдан таанышып туруңуз.

33
Белгилер:
өлүм, көңүл айтуу, пневмония, Жогорку Кеңеш, Чыныбай Турсунбеков, Валентина Матвиенко, Россия, Кыргызстан
Тема боюнча
34 жашта эле... "Манас" аэропортунун мурдагы вице-президенти көз жумду