COVID-19: элден чогулган акчаны кимдер бөлүштүрө турганы белгилүү болду

© Sputnik / Жоомарт УраимовВыдача кредитов в КР
Выдача кредитов в КР - Sputnik Кыргызстан
Жазылуу
Азыркы тапта коронавирус инфекциясы менен күрөшүүгө көмөк көрсөтүү үчүн ачылган эсепке 55,8 миллион сом келип түштү.

БИШКЕК, 31-мар. — Sputnik. Жогорку Кеңештин вице-спикери Аида Касымалиева коронавируска каршы күрөшкө келип түшкөн акча жана гуманитардык жардамды бөлүштүрүү боюнча комиссиянын курамына кимдер киргенин жарыялады.

Эл өкүлү комиссиянын биринчи отуруму кечээ, 30-мартта, болгонун, бүгүн саат 16.00дө экинчи отурумга чогулушарын билдирди.

Комиссиянын курамы: 

  • Төрагасы — Самат Кылжыев, өкмөттүн аппарат жетекчиси;
  • Төраганын орун басары — Замирбек Аскаров, өзгөчө кырдаалдар министри;
  • Төраганын орун басары — Улукбек Кочкоров, эмгек жана социалдык өнүктүрүү министри;

Комиссиянын мүчөлөрү:

  • Аида Касымалиева, Жогорку Кеңештин вице-спикери;
  • Сайдулла Нышанов, Жогорку Кеңештин депутаты;
  • Бактыбек Турусбеков, Жогорку Кеңештин депутаты;
  • Улан Маматканов, өкмөттүн аппаратында бөлүм башчы;
  • Абдыбалы тегин Сүйөркул, каржы министринин орун басары;
  • Амангелди Исаев, айыл чарба министринин орун басары;
  • Максат Усубалиев, президенттин аппаратында бөлүм башчынын орун басары;
  • Мирлан Атакулов, Саламаттык сактоо министрлигинин өкүлү;
  • Назгүл Турдубекова, "Балдардын укугун коргоо лигасы" коомдук уюмунун директору;
  • Бурулсун Сүйүналиева, Социалдык кызматтарды өнүктүрүү фондунун өкүлү.

Белгилей кетсек, азыркы тапта коронавирус инфекциясы менен күрөшүүгө көмөк көрсөтүү үчүн ачылган эсепке 55,8 мллион сом келип түштү.

Коронавирус Кыргызстанда

Вице-премьер КР Эркин Асрандиев - Sputnik Кыргызстан
Асрандиев: интернетте убадаланган миллиондордун баары атайын эсепке түшкөн жок
Кыргызстанда коронавируска кабылгандардын саны 107ге жетти. Алардын 49у эркек, 58и аял. Ал эми кечээ Сузактын үч тургуну айыгып чыкканы кабарланган.

Бишкек, Ош, Жалал-Абад шаарларында жана Сузак, Ноокат, Кара-Суу райондорунда өзгөчө абал жарыяланган. Кечки саат 20.00дөн таңкы 7.00гө чейин коменданттык саат киргизилди. Мындай режим 15-апрелге чейин созулат. 

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот

Жаңылыктар түрмөгү
0