Россиялык рубл жана АКШ доллар купюралар. Архив

Доллардын сом менен рублга болгон наркы арзандай баштады

824
(жаңыланган 19:04 06.04.2020)
Бир нече күн мурун Кыргызстанда доллардын баасы 85 сомго чейин көтөрүлдү. Улуттук валютанын курсу рублдин абалынан дагы көз каранды.

БИШКЕК, 6-апр. — Sputnik. Сом менен рублдин долларга карата позициясы жогорулап жатат.

Россиянын Борбордук банкынын доллардын 7-апрелге карата койгон расмий курсу 1,32 рублга арзандап, 76,40 рублди түзсө, евро 3,1 рублга түшүп, 82,63 болуп калды. Буга чейинки курс 28-мартта Россияда карантин башталган учурда коюлган.

Москва биржасында саат 14.37ге (17.37 бшк) карата доллардын баасы бүгүн жана эртең 74,4 рублдан ашпай турганы көрсөтүлөт. Ал эми 1-апрелде ушул эле биржада доллар 79 рублга бааланып жаткан.

2-апрелде Кыргызстанда америкалык валютанын наркы 85 сомго чейин көтөрүлгөн. Бирок кайра төмөндөп отуруп азыр 83,2 сомдун тегерегинде сатылууда.

Brent үлгүсүндөгү мунай 33 доллардан ашыгыраак турат. Доллардын куну жогорулап жатышына мунайдын баасы төмөндөп кеткени себеп. Мындай кырдаал Россия валютасын алсыздандырат. Ал эми рублдин арзандаганы кыргыз сомуна да таасирин тийгизет.

824
Белгилер:
арзандоо, биржа, Рубль, сом, доллар
Тема боюнча
БУУ Кыргызстанга коронавирус менен күрөшүүдө көмөк көрсөтөт
Бакетаев: алтынга басым жасап экономикалык каатчылыктын алдын алса болот
Россиялыктар жарым жылдык насыялык каникулга укук алышты. Путин мыйзамга кол койду
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

131
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

131
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп

Кыргызстанда майды аз ичкен автоунаалардын наркы кандай өзгөрдү? Инфографика

289
Sputnik Кыргызстан автоунаа базарындагы бааларды талдап, эң көп сатылган чакан автокөлүктөрдүн орточо наркы кандайча өзгөргөнүн билип көрдү.
Май аз ичкен унаа баасы 2020-жылдын декабрынан бери кандай өзгөрдү

Инфографикада автоунаалардын эң көп чыгарылган жылы көрсөтүлгөн. Талдоо 2020-жылдын 3-декабрынан 2021-жылдын 22-январына чейинки аралыкта autobaza.kg, cars.kg, turbo.kg жана mashina.kg ресурстарындагы маалыматтардын негизинде жүргүзүлгөн (көрсөткүчтөр дээрлик окшош).

Окурмандарга ыңгайлуу болуш үчүн ар бир автоунаанын орточо наркы өлкөнүн Улуттук банкынын 22-январда аныкталган курсу (бир доллар 84,7 сом) боюнча жүргүзүлдү.

Көп сатылган алдыңкы топ-9га төмөнкүлөр кирди:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Volkswagen Golf;
  • Chevrolet Spark;
  • Honda Civic;
  • Toyota Prius.

Тизмеде Lada 2107 унаасы дагы деле эң арзан болуп калууда: 2001-жылы чыккан машина 1 100 доллар, акыркы бир нече айда ал 80 долларга арзандаган. Жеткиликтүүлүгү жагынан экинчиге Daewoo Matiz чыкты. 2001-жылда чыккан унаа базарда 1 700 долларга сатылууда. Декабрда анын баасы 70 долларга кымбаттаган.

Toyota Prius күйүүчү майды аз талап кылган эң кымбат унаа катары эсептелет. 2010-жылы чыгарылган машина 9 500 доллар турат. Декабрдан тарта баа 356 долларга жогорулаган.

289
Белгилер:
Бишкек, Кыргызстан, нарк, баа, автоунаа
Тема боюнча
Кыргызстандагы эң өтүмдүү минивэн, универсал унаалардын баасы. Инфографика