Киши шаарда азык-түлүк менен бара жатат. Архив

Күнүмдүк акчага жашагандарга бийлик кантип жардам берет? Өкмөттүн жообу

615
(жаңыланган 12:14 07.04.2020)
Асрандиев азыркы учурда жергиликтүү бийлик органдары тарабынан тамак-ашы жок калган адамдардын тизмеси түзүлүп, аларга эки жумага жетчүдөй азык-түлүк топтому жеткириле баштаганын айтты.

БИШКЕК, 7-апр.— Sputnik. Вице-премьер Эркин Асрандиев брифинг учурунда күнүмдүк тапкан акчасына оокат кылгандарга бийлик кантип жардам берерин айтты.

Асрандиевдин билдиргенине караганда, аз камсыз үй-бүлөлөргө жардам өткөн жумада эле бериле баштаган.

"Эмгек жана социалдык өнүктүрүү министрлигинен жөлөк пул алгандардан башка күнүмдүк тапкан акчасына жашаган көп киши бар экенин билебиз, алардын абалын түшүнүп жатабыз. Мындан улам азыркы учурда жергиликтүү бийлик органдары тарабынан тамак-ашы жок калган адамдардын тизмеси түзүлүп, аларга эки жумага жетчүдөй азык-түлүк топтому жеткириле баштады. Каражат жергиликтүү бюджеттен жана ишкерлерден бөлүнүүдө", — деди Асрандиев.

Кыргызстандагы коронавирус

Учурда Кыргызстанда коронавирус жуктурган адамдардын саны 228ге жетти. Анын ичинен төрт киши көз жумуп, 33ү ооруканадан айыгып чыкты. Арасында 16 медик вируска кабылды.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна 25-марттан 15-апрелге чейин өзгөчө абал киргизилди. Бул аймактарда саат 20:00дөн 7.00гө чейин көчөгө чыгууга тыюу салынган. Күндүз ооруканага, дарыканага жана дүкөнгө гана барууга уруксат берилген.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

615
Белгилер:
тамак-аш, экономика, коронавирус, Кыргызстан
Тема боюнча
Кыргызстан Европа банкынан 150 млн. доллар алуу боюнча сүйлөшүп жатат
Асрандиев: ачык айтайын, бекер акча берип, салыктан толук бошото албайбыз
Жээнбеков: бул учурдан да өтөбүз, эртеӊки күн бар экенин унутпайлы!
Бизнес ассоциацияларынын улуттук биримдигинин төрагасы, экономист Искендер Шаршеев

Шаршеев: ишкерлик боюнча да жаңы көз караштар жаралууда

17
(жаңыланган 13:35 20.10.2020)
Бизнес ассоциацияларынын улуттук биримдигинин төрагасы, экономист Искендер Шаршеев 4-октябрдагы парламенттик шайлоодон кийинки башаламандык учурунда пайда болгон элдик кошуундар тууралуу пикирин билдирди.
Шаршеев: ишкерлик боюнча да жаңы көз караштар жаралууда

Митингдер учурунда өз ыктыяры менен чыгып ишкерликти коргоп берген элдик кошуундардын республика боюнча пайда болушу — бул феноменалдык көрүнүш. Мындай пикирин Искендер Шаршеев Sputnik Кыргызстан радиосунун эфиринде маек куруп жатып билдирди.

Анын айтымында, мезгилдин өтүшү менен бизнес тармагына да жаңы көз караштар жаралып жатат.

"Мурдагы башаламандыктарда көбүнесе чакан жана орто бизнес жабыркаса, бул ирет алар, тескерисинче, киреше тапты. Албетте, бул өз каалоосу менен чыгып аларды коргоп турган элдик кошуундардын аракети менен ишке ашты. Мындай кадам жалпы республикада жасалып, бир нече күн элдик кошуундардын бизнести коргоп бериши чоң үмүт жаратты. Алар деле жөнөкөй эле кыргызстандыктар, биздин катарыбызда жүргөн жаш балдар. Демек, бизнес деп эле талап-тоноп кетпей, алардын өсүшүнө шарт түзүү керектигин түшүнгөн муун өсүп келе жатат десек болот. Бул бир эле кыргызстандыктарды эмес, дүйнө элин таң калтыра турган феномен", — деди Шаршеев.

Экономист бизнесте алдын ала божомолдоо өтө татаал экендигин кошумчалады.

17
Белгилер:
ишкерлик, келечек, элдик кошуун, Искендер Шаршеев
Тема боюнча
Абдыров: акыркы саясий окуялар экономикага терс таасирин тийгизет
Европа биримдигинин желеги жана акча. Архив

Кыргызстан Европа биримдигинен каржылык жардам сурады

134
(жаңыланган 10:21 20.10.2020)
Министр ички саясий кырдаал тууралуу маалымат берип, өлкөдө легитимдүү бийлик орнотулганын белгилеген.

БИШКЕК, 20-окт. — Sputnik. Тышкы иштер министри Руслан Казакбаев Европа биримдигинин Борбор Азия боюнча атайын өкүлү Петер Буриан менен телефон аркылуу сүйлөштү. Бул туурасында ТИМдин маалымат кызматы билдирди.

Сүйлөшүүнүн алкагында Казакбаев Кыргызстандын бюджетин колдоого каржылык жардам көрсөтүү мүмкүнчүлүгүн карап чыгууну өтүнгөн. Ошондой эле каржылык макулдашуулар долбоорлору боюнча кыргыз жана европа тараптын жолугушуусун уюштурууну сунуштаган.

Кыргызстандын тышкы карызы тездик менен өсүүдө. Инфографика

Аны менен катар ТИМ башчысы ички саясий кырдаал тууралуу маалымат берип, учурда өлкөдө абал турукташканын, саясий процесстер укуктук талаага кайтарылып, легитимдүү бийлик орногонун, аткаруу органдары штаттык режимде иштеп жатканын белгилеген.

134
Белгилер:
Кыргызстан, каржылык, Европа биримдиги, Руслан Казакбаев
Тема боюнча
Өлкөдө бюджет тартыштыгынан айрым чыгымдар токтотулат
ТИМ башчысы Руслан Казакбаев Россиянын элчисин кабыл алды. Эмне талкууланды
Президенттин милдетин аткаруучу, премьер-министр Садыр Жапаров

Садыр Жапаров аны криминал колдоп жатат деген кептерге жооп берди

19
(жаңыланган 15:28 20.10.2020)
Президенттин милдетин аткаруучу мамлекетти криминалдардан тазалоо үчүн бар күчүн жумшай турганын айтууда.

БИШКЕК, 20-окт. — Sputnik. Президенттин милдетин аткаруучу, премьер-министр Садыр Жапаров Al Jazerra телеканалына маек курду.

"Разговор с..." деп аталган берүү 19-октябрда эфирге чыгып, телеканалдын YouTube каналына дагы жарыяланды.

Маек учурунда Жапаров өзү башында турган жаңы бийлик алдына кандай тапшырмаларды койгонун айтып берген. Анын алкагында коррупцияга каршы күрөшүү, кадрдык системадагы өзгөрүүлөр жана Кыргызстандын келечеги тууралуу пландарын ортого салган.

Райым Матраимов кантип колго түшүрүлдү. Сүрөттөр

Ал эми журналистин криминал менен байланышы туурасында берген суроосуна Жапаров "бул оппоненттери уюштурган кара пиар" деп жооп берген.

"Мени криминал колдоп жатканын айтышууда. Бул менин оппоненттеримдин кара пиары. Алар ушак таратып, элдин көңүлүн жаман нукка бурууну көздөп жатышат. Бул жөн гана сөз. Менин криминалга эч кандай тиешем жок", — деп айткан маегинде.

Ошондой эле ал мамлекетти криминалдардан тазалоо үчүн бар күчүн жумшай турганын кошумчалаган.

19
Белгилер:
пиар, байланыш, маек, криминал, Садыр Жапаров
Тема:
Парламенттик шайлоодон кийинки окуялар
Тема боюнча
Ташиев: мыйзам бузса Камчы Көлбаевди дагы камайбыз
Садыр Жапаров кримчөйрөнү түп тамыры менен жок кыларын айтты. Видео