Улуттук банктын алтын куймалары. Архивдик сүрөт

Улуттук банктын алтын куймаларынын баасы бүгүн рекорд койду

690
(жаңыланган 22:46 08.04.2020)
Кыргызстандын Улуттук банкы дээрлик беш жылдан бери алтын куймаларын сатып келет. Ошондон бери алардын баасы бир топ өстү.

БИШКЕК, 8-апр. — Sputnik. Бүгүн, 8-апрелде, Улуттук банктын алтын куймалары аларды сатуу жана сатып алуунун тарыхында рекорддук баага жетти.

Эске салсак, 2015-жылдан тарта Улуттук банк алтын куймаларын сатыкка чыгара баштаган. Бул кыргызстандыктардын топтогон акчасын алтынга салууга көмөктөшүү максатында жасалган болчу. Алар ар башка граммдагы алты түрдүү уютмадан турат, салмагы бирден 100 граммга чейин. Уютма сатуу башталгандан бери 220 кг алтын соодаланган.

Мамлекеттин башкы банкы алтын уютмаларын элге сатып гана тим болбостон, аны сатып да алат. Баа Лондондогу Баалуу металлдар ассоциациясынын кечки фиксингине карата ар күн сайын коюлуп турат.

8-апрель күнкү баалар (10 граммдык куйманын баасы көрсөтүлгөн жок, анткени акыркы жолу бул өлчөмдөгү куйма 14-февралда сатылган):

  • 1 грамм — 6 013,5 сом;
  • 2 грамм — 10 909,5;
  • 5 грамм — 25 923;
  • 31,1 грамм (унция) — 157 628,5;
  • 100 грамм — 467 000.

Алтын куймаларын эң төмөнкү баасы 2016-жылдын 27-июлунда катталган:

  • 1 грамм — 3 633,5 сом;
  • 2 грамм — 6 154,5;
  • 5 грамм — 13 973,5;
  • 31,1 грамм (унций) — 81 381;
  • 100 грамм — 219 193,5.
690
Белгилер:
баа, алтын, Улуттук банк, Кыргызстан
Тема боюнча
Доллар арзандады, бир катар банктар 80 сомдон төмөн сатууда
вице-премьер-министр Эркин Асрандиев Ак-Тилек көзөмөл-өткөрүү жайында

Жагдай оор. Асрандиев кыргыз-казак чек арасындагы тыгындын себебин айтты

253
(жаңыланган 22:33 04.06.2020)
Асрандиев Кыргызстан былтыртан бери ЕАЭБ регламентинин алкагында Коллегияга кайрылып жатканын айтты. Ал чек арадагы кырдаалды жасалган тоскоолдук катары баалай турганын билдирди.

БИШКЕК, 4-июн. — Sputnik. Кыргыз-казак чек арасындагы абал союздаш мамлекеттердин келишимдерине карама-каршы келет. Бул тууралуу вице-премьер-министр Эркин Асрандиев "Ак-Тилек" көзөмөл-өткөрүү жайында өткөн көчмө жыйында билдирди.

"Казакстан менен чек арада көптөн бери кыйынчылыктар болуп келүүдө. Абал былтыртан бери начарлап кетти. 300-400 автоунаа көп күндөн бери кезек күтүп турат. Жеке өзүм айдоочуларды Казакстандын чек арасынан Кыргызстанга өткөрүү тартибин көрдүм. Ал паспорттук көзөмөлдөн, андан аркы көзөмөлдөө үчүн медицина кызматкерлеринин анкеталык маалыматтарын топтоодон, вирустун бар-жогуна анализ тапшыруудан турат. Андан соң жүк ташуучу Кыргызстандын аймагында тесттин жыйынтыгын күтөт. Өлкөгө кирүү тартиби дагы татаал эмес. Ал эми казак тараптан бардыгы жай жүргүзүлүүдө", —  деди Асрандиев.

Асрандиев белгилегендей, Кыргызстан ЕАЭБ аянтында тоскоолдуктарды четтетүү үчүн иштерди жүргүзүп жатат.

  • Вице-премьер-министр КР Эркин Асрандиев во время выездного совещания на контрольно-пропускном пункте Ак-Тилек — Автодорожный.
    Кыргыз-казак чек арасындагы абал союздаш мамлекеттердин келишимдерине карама-каршы келет. Бул тууралуу вице-премьер-министр Эркин Асрандиев "Ак-Тилек" көзөмөл-өткөрүү жайында өткөн көчмө жыйында билдирди.
    © Фото / Пресс-служба правительства/ Алишер Алиев
  • Стоящие в очереди фуры на контрольно-пропускном пункте Ак-Тилек — Автодорожный на кыргызско-казахской границе
    Асрандиев белгилегендей, Кыргызстан ЕАЭБ аянтында тоскоолдуктарды четтетүү үчүн иштерди жүргүзүп жатат.
    © Фото / Пресс-служба правительства / Алишер Алиев
  • Стоящие в очереди фуры на контрольно-пропускном пункте Ак-Тилек — Автодорожный на кыргызско-казахской границе
    "Ак-Тилек" көзөмөл-өткөрүү жайындагы абал
    © Фото / Пресс-служба правительства/ Алишер Алиев
  • Вице-премьер-министр КР Эркин Асрандиев во время выездного совещания на контрольно-пропускном пункте Ак-Тилек — Автодорожный.
    Вице-премьер-министр Эркин Асрандиев "Ак-Тилек" көзөмөл-өткөрүү жайында
    © Фото / Пресс-служба правительства/ Алишер Алиев
  • Стоящие в очереди фуры на контрольно-пропускном пункте Ак-Тилек — Автодорожный на кыргызско-казахской границе
    "Ак-Тилек" көзөмөл-өткөрүү жайындагы абал
    © Фото / Пресс-служба правительства/ Алишер Алиев
1 / 5
© Фото / Пресс-служба правительства/ Алишер Алиев
Кыргыз-казак чек арасындагы абал союздаш мамлекеттердин келишимдерине карама-каршы келет. Бул тууралуу вице-премьер-министр Эркин Асрандиев "Ак-Тилек" көзөмөл-өткөрүү жайында өткөн көчмө жыйында билдирди.
"Тилекке каршы, союздун ички чек арасында жагдай кыйын. Тышкы чек арага караганда бир кыйла татаал. Биз өткөн жылдан бери ЕАЭБ регламентинин алкагында Коллегияга кайрылып жатабыз, анткени кырдаалды тоскоолдук катары баалайбыз. Жана бул биздин ички союздук макулдашууларга каршы келет. Жакын арада маселе чечилет деп ишенебиз", - деп жыйынтыктаган ал.

Эске салсак, бир нече күндөн бери "Ак-Тилек" көзөмөл өткөрүү жайында жүк ташуучу автоунаалардын чек арадан өтө албай, кезеги бир нече чакырымга созулуп кеткендигин көрүүгө болот.

Sputnik Кыргызстан бул боюнча видеорепортаж жасаган.

253
Белгилер:
жүк ташуучулар, кезек, узундук, коронавирус, Ак-Тилек, чек ара, Казакстан, Кыргызстан
Тема боюнча
Ысыкта зарыгып, күнгө какталган айдоочулар. Кыргыз-казак чек арасынан сүрөт баян
Казакстанга өткөрчү "Акжол" бекетинде ремонт качан бүтөрү айтылды
Табло курса доллара, евро, рубля и тенге на обменном бюро в Бишкеке

Ката кеткен. Акча алмаштыруу жайларын жабуу мыйзам долбоору ЖКга киргизилди

213
(жаңыланган 13:23 04.06.2020)
Мыйзам долбоору үстүбүздөгү жылдын апрель айында коомдук талкууга коюлуп, бир топ сын-пикирлерди жараткан.

БИШКЕК, 4-июн. — Sputnik. Кыргызстандагы акча алмаштыруу жайларын жабуу боюнча мыйзам долбоору Жогорку Кеңештин кароосуна киргизилди. Бул тууралуу парламенттин сайтында жарыяланды.

Сурамжылоо

Акча алмаштыруу бюролорун жабуу демилгесин колдойсузбу?
  • Жабыш керек! Акча алмаштыруу жайларын банктарга салыштырмалуу көзөмөлдөө оор
    0% (0)
  • Мен каршымын. Валюта рыногунда атаандаштык болушу керек
    0% (0)
  • Азыр ишсиз отургандар ансыз да көп. Дагы башкаларды жумушсуз калтыруунун эмне кереги бар?
    0% (0)
  • Мага баары бир, менин киреше-чыгашамдын бардыгы сом менен
    0% (0)
Добуш бергендер:
Аталган документ үстүбүздөгү жылдын апрель айында коомдук талкууга коюлган. Мыйзамды демилгелеген депутаттар менчик бюролор операциялар тууралуу маалыматты жашырып, валюта курсун негизсиз жогорулатып, мындай аракети менен сомдун кунун кетирет деген жүйө келтирген.

Долбоордун негиздемесинде 2015-жылы Улуттук банк акча алмаштыруу жайларын жабууга аракет кылып, бирок коомдук талкуу учурунда колдоо таппай калганы жазылган.

"Акча алмаштыруу операцияларын банктар, кредиттик союздар, чакан финансылык жана кредиттик компаниялар гана жүргүзүшү сунушталууда. Бул улуттук валюта рыногунун коопсуздугун, валюта операцияларынын ачык-айкындуулугун камсыздоого жана көбүрөөк салык түшүшүнө шарт түзөт", — деп жазылган мыйзам долбоорунда.

Документтеги ката

Деген менен мыйзам долбоорунун расмий тилде жазылган негиздемесинде ката кетип калган. Мүмкүн болуучу терс кесепеттердин болжолу бөлүмүндө "Мыйзам долбоорду кабыл алуу "Медицина кызматкерлеринин макамы жөнүндө" КР мыйзамдарына өзгөрүтүүлөрдү киргизүү" терс кесепеттерди алып келбейт" деп жазылып турат. Чынында бул мыйзам валюта рыногуна эмес, медицина тармагына тиешелүү.

Ал эми жөндөө таасирин талдоо жөнүндө маалыматында "Мыйзам долбоору жөндөө таасирине талдоо жүргүзүүнү талап кылбайт, себеби ал ишкердик ишти жөнгө салууга багытталган эмес" деп жазылган.

Законопроект о закрытии обменных пунктов в Кыргызстане
скриншот с сайта Жогорку Кенеша
Акча алмаштыруу жайларын жабуу боюнча мыйзам

Мыйзам долбоорун депутаттар Гүлшат Асылбаева, Алиярбек Абжалиев, Салайдин Айдаров, Искендер Гайпкулов, Пархат Тулендыбаев, Айнура Осмонова, Экмат Байбакпаев сунуштаган. Негизги демилгечиси Гүлшат Асылбаева.

213
Белгилер:
Жогорку Кеңеш, депутат, мыйзам, акча алмаштыруу жайы
Тема боюнча
Акча алмаштыруу жайларын жабуу мыйзамы боюнча Улуттук банк комментарий берди
Жалаа жаппасын! Акча алмаштыруу жайлары мыйзам жазган депутаттарга жооп берди
Машыгып жаткан спортчу. Архив

Спорт агенттиги: "Жаштык" балбандарга берилбейт, гимнасттар өздөрү машыгат

18
(жаңыланган 10:48 05.06.2020)
Буга чейин Жогорку Кеңештин айрым депутаттары менен активисттер Спорт агенттиги гимнасттар менен акробаттар машыккан "Жаштык" дирекциясын балбандарга берерин айтып чыгышкан.

БИШКЕК, 5-июн. — Sputnik. Жаштар иши, дене тарбия жана спорт агенттиги "Жаштык" дирекциясы балбандарга берүү боюнча чечим чыгарган эмес. Бул тууралуу аталган мекеменин маалымат кызматы кабарлады.

Белгилей кетсек, буга чейин Жогорку Кеңештин айрым депутаттары жана активисттер Спорт агенттиги гимнасттар менен акробаттар машыккан "Жаштык" дирекциясын балбандарга берет экен деп айтып чыгып, бул билдирүүлөр социалдык тармактарда талкууланып, нааразычылыгын айтып чыккан ата-энелер болгон.

Бирок агенттик бул айткандар чындыкка дал келбей турганын кабарлады. Учурда "Жаштык" дирекциясында ремонт иштери жүрүп жатканын, ал аяктап, карантиндик чектөөлөр алынгандан кийин гимнасттар өздөрү машыга турганын айтты.

"Коронавирусту алдын алуу максатында спорт мектептердеги бардык машыгуулар токтоп, анын ичинде балбандарды чыгарган Шералы Сыдыков атындагы Республикалык спорт колледжи да иштебей турду. Балдар башка залда машыгуусун уланткан эмес. Азыркыга чейин үйлөрүндө машыгып жатышат. Ал эми "Жаштык" дирекциясында спортчулар жок кезде ремонт иштерин кылып алалы дегенбиз, ал жыл сайын жүргүзүлүп келет. Оңдоп-түзөө иштери бүткөндөн кийин зал гимнасттар менен акробаттардын өзүнө берилет. Бизде залды балбандарга берели деген чечим болгон эмес", — деп айтылат маалыматта.

"Жаштык" спорттук иш-чараларды өткөрүү жана жаштар менен иш алып баруу дирекциясы 2016-жылдан бери Мамлекеттик агенттиктин карамагында экендиги кошумчаланды.

Мамлекеттик агенттик республика боюнча балдардын 74 спорт мектебин каржылайт. Тараптардын макулдашуусу боюнча "Жаштык" дирекциясынын залында көркөм гимнастика, спорттук акробатика, сууда сүзүү, футбол, грек-рим күрөшү боюнча машыгуулар акысыз өткөрүлүп келет.

18
Белгилер:
гимнастчылар, балбан, Дене тарбия жана спорт агенттиги, спорт
Тема боюнча
Балаңыз спортко шыктуубу? Мамагенттик сынак жарыялап, шартын түшүндүрдү
Кыргыз спортчулары олимпиадага 1-июндан тарта даярдана баштайт