Медициналык бет капт.ар. Архив

Кытайдан медициналык товар алган ишкерлерге жаңы талаптар коюлат

121
1-апрелден тарта Кытай Эл Республикасында медициналык товарларды экспорттоо боюнча жаңы эрежелер киргизилди.

БИШКЕК, 14-апр. — Sputnik. Кыргызстандын Тышкы иштер министрлиги мындан ары Кытайдан медициналык товарларды ташыган мекемелерге бул өлкөнүн экспорт боюнча жаңы шарттары менен таанышып алууга чакырды. Бул тууралуу ведомствонун сайтында жазылган.

Маалыматка караганда, коңшу өлкөдөн 10-апрелден тарта төмөндөгү медициналык товарлар экспортко чыгып бара жатканда сапатын жана коопсуздугун текшерүү үчүн Башкы бажы кызматы тараптан экспертизадан өткөрүлөт:

  • медициналык бет каптар;
  • коргоочу костюмдар;
  • термометрлер;
  • дем алдыруучу аппараттар;
  • медициналык хирургиялык баш кийимдер;
  • медициналык көз айнектер;
  • медициналык кол каптар;
  • медициналык мониторлор;
  • медициналык дезинфекциялоочу майлыктар;
  • медициналык дезинфекциялоочу каражаттар.
“1-апрелден тарта Кытайда медициналык товарларды экспорттоо боюнча жаңы эрежелер киргизилди. Андыктан коңшу өлкөдөн аталган товарларды ташып келчү кыргызстандык ишкерлерге жаңы эрежелер менен таанышып, аны карманууга чакырабыз”, — деп айтылат билдирүүдө.

Ошондой эле элчилик товарды Кытайдан алып чыгуу үчүн бардык зарыл болгон документтерди алдын ала толугу менен дайындап алууну сунуштайт.

121
Белгилер:
экспорт, товар, медицина, Кыргызстан, Кытай
Тема боюнча
Кытай ноябрда коронавирустун жаңы толкунун божомолдоодо
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

66
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

66
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады
Чек ара бекетинде жүк ташуучу унаа. Архив

Асрандиев: КМШ аймагында жүктү тоскоолдуксуз ташууга шарт түзүшүбүз керек

22
(жаңыланган 18:34 29.05.2020)
Асрандиев коронавирус инфекциясына каршы күрөшүүдө кыргыз тарапка берген жардамы үчүн өнөктөш өлкөлөргө ыраазычылык билдирди.

БИШКЕК, 29-май — Sputnik. COVID-19 менен күрөшүү өз ара соодага, жүк ташууга тоскоол болбошу керек. Бул тууралуу вице-премьер-министр Эркин Асрандиев КМШга мүчө өлкөлөрдүн премьер-министрлердин саммитинде айтканын өкмөттүн маалымат кызматы кабарлады.

Ал COVID-19га каршы күрөшүү боюнча биргелешкен аракеттер белгиленген өндүрүштүк-кооперациялык чынжырчалардын үзгүлтүккө учурашына алып келбөөгө тийиш экендигин айткан

"Жалпы обочолонуу жана чек араларды аргасыздан жабуу шартында биз үчүн өлкөлөр ортосундагы, алыскы чет мамлекеттерге жүк ташууну тоскоолдуксуз ишке ашырууну камсыз кылуу маанилүү. Макроэкономикалык туруктуулукту камсыз кылууда өлкөлөрдүн ырааттуулугу чоң роль ойнойт. Биз КМШга мүчө-өлкөлөрдүн аймагы боюнча жүктү тоскоолдуксуз ташууну шарттаган жашыл коридорду уюштуруубуз керек", — деген вице-премьер-министр.

Асрандиев коронавирус инфекциясына каршы күрөшүүдө кыргыз тарапка берген жардамы үчүн өнөктөш өлкөлөргө ыраазычылык билдирди.

"Кырдаал биздин бири-бирибизге байланыштуу жана бири-бирибизге көз каранды экенибизди көрсөттү. Андыктан өлкөнүн экономикалык, финансылык, социалдык жана гуманитардык чөйрөсү үчүн кесепеттерди жоюу тууралуу жамааттык чараларды иштеп чыгуу боюнча документ маанилүү жана аны кабыл алууну колдойбуз. Ошондой эле кыргыз тарап учурда КМШ өлкөлөрүндө экономиканын реалдуу секторун калыбына келтирүү жана ишкердик жигердүүлүктү өркүндөтүү боюнча тажрыйба алмашуу убактысы келди деп эсептейт", — деген Асрандиев.

Вице-премьер ошол эле учурда кризистен кийинки өнүгүүдө Шериктештик мейкиндигинде экономикалык активдүүлүктү этап-этабы менен калыбына келтирүү маселелери боюнча өз ара иштөө маанилүү экендигин айткан.

Асрандиев кызматташтыктын башка тармактарында, анын ичинде спорт, туризм жана жаштар саясатындагы маселелерди илгерилетүү боюнча иштер улантыларына ишеним арткан.

22
Белгилер:
каатчылык, коронавирус, экономика, Эркин Асрандиев, КМШ, Кыргызстан
Тема боюнча
Каржы министри: тышкы карызды төлөөдө алгачкы кадамдар жасалды