Улуттук банктын имараты. Архивдик сүрөт

Акча алмаштыруу жайларын жабуу мыйзамы боюнча Улуттук банк комментарий берди

1042
(жаңыланган 13:19 17.04.2020)
Мыйзам долбоору Улуттук банк тарабынан демилгеленбегендиги, документти депутаттар иштеп чыкканы айтылат.

БИШКЕК, 17-апр. — Sputnik. Улуттук банк акча алмаштыруу жайларын жабууну демилгелеген Жогорку Кеңештин айрым депутаттарынын мыйзам долбоору боюнча комментарий берди.

Белгилей кетсек, өлкөдөгү акча алмаштыруу жайларын жабууга багытталган мыйзам долбоору коомдук талкууга чыккан. Эл өкүлдөрү менчик бюролор операциялар тууралуу маалыматты жашырып, валюта курсун негизсиз жогорулатып, мындай аракети менен сомдун кунун кетирүүдө деген жүйө келтирген.

Sputnik Кыргызстан өлкөнүн башкы банкына кайрылып, бул демилге тууралуу пикирин сурады.

Улуттук банк тарабынан 2016-жылы алмаштыруу бюролору ишмердүүлүгү тууралуу күнүгө отчет бере турган автоматтык система иштелип чыккан. Бул система акча алмаштыруу жайларынын ишине көзөмөлдү жакшыртууга өбөлгө болгону айтылат. Мунун натыйжасында отчетунда коммерциялык банктар менен болгон операцияларын жашырып, толук маалымат бербеген фактылар аныкталган. Аларга карата мыйзам чегинде чара көрүлгөнү белгиленет.

“Валюта курсун коюу маселеси боюнча акча алмаштыруу бюролору валюта рыногунун башка катышуучулары сыяктуу эле сырткы жана ички факторлордун таасирине таянып чет элдик валютага суроо-талапты жаратат”, — деп жооп берди Улуттук банк.

Сурамжылоо

Акча алмаштыруу бюролорун жабуу демилгесин колдойсузбу?
  • Жабыш керек! Акча алмаштыруу жайларын банктарга салыштырмалуу көзөмөлдөө оор
    18.0% (57)
  • Мен каршымын. Валюта рыногунда атаандаштык болушу керек
    66.9% (212)
  • Азыр ишсиз отургандар ансыз да көп. Дагы башкаларды жумушсуз калтыруунун эмне кереги бар?
    10.7% (34)
  • Мага баары бир, менин киреше-чыгашамдын бардыгы сом менен
    4.4% (14)
Добуш бергендер: 317
Ошондой эле үстүбүздөгү жылдын биринчи кварталында 15 ирет текшерүү жүрүгүзүлгөнүн кабарлашты. Анын жыйынтыгы менен 50 жазуу түрүндөгү эскертүү, сегиз оозеки эскертүү берилген, 10 бюронун лицензиясы убактылуу токтотулуп, бирөөнө айып салынган.

“Бул мыйзам долбоору Улуттук банк тарабынан демилгеленген эмес. Аны Жогорку Кеңештин депутаттары иштеп чыккан. Улуттук банктын кароосуна келип түшө элек. Расмий түрдө жиберилгенден кийин мыйзамдын нормаларына ылайык корутунду чыгарылат”, — деп жазылат билдирүүдө.

Ошондой эле Улуттук банк 2015-жылы акча алмаштыруу жайларын жабуу боюнча мыйзам долбоорун иштеп чыкканын эске салды. Бирок коомдук талкуунун, министрлик жана ведомстволор менен макулдашуунун натыйжасында башкы көзөмөл банктын демилгеси колдоо таппай калганы белгиленди.

Мурдараак акча алмаштыруу жайларында иштегендер да пикирин билдиришкен. Алар аталган мыйзам долбоору негизсиз экенин айтып, коюлган айыптоолордун баарына жооп берген.

1042
Белгилер:
Улуттук банк, Акча алмаштыруу жайлар, текшерүү, мыйзам, сунуш, демилге
Тема боюнча
Жалаа жаппасын! Акча алмаштыруу жайлары мыйзам жазган депутаттарга жооп берди
Доллар менен еврого кошулуп, алтын дагы кымбаттады. 17-апрелдеги баа
Чек ара көзөмөл пунктундагы жүк ташуучу унаа. Архив

Импорттоочулар электрондук коштомо кагазды кантип тариздей алары айтылды

26
(жаңыланган 16:13 04.08.2021)
Мекеме ЕАЭБге мүчө-өлкөлөрдөн Кыргызстандын аймагына товар ташып кирген салык төлөөчүлөр үчүн керектүү маалыматы менен бөлүштү.

БИШКЕК, 4-авг. — Sputnik. Импорттоочулар "Жыйынды пост" автоматташтырылган маалымат системасынан "Жеке кабинет" аркылуу электрондук коштомо кагаздарды тариздей алышат. Бул тууралуу Мамлекеттик салык кызматынан кабарлашты.

ЕАЭБге мүчө-өлкөлөрдөн Кыргызстандын ичине товар ташып келген салык төлөөчүлөр электрондук коштомо кагаздарды тариздөө үчүн www.sti.gov.kg сайтынын "Электрондук сервистер" бөлүмүндөгү "Жыйынды пост" системасына кирип, жеке кабинетин пайдаланса болот. 

"Жеке кабинеттен" коштомо кагаздарды тариздөөгө, зарыл болгон маалыматтарды аралыктан туруп эле суроого жана алууга, таризделген документтин статусун байкап турууга, башка келип чыккан маселелерди ыкчам чечүүгө болот", — деп айтылат маалыматта.

www.sti.gov.kg сайтынан электрондук коштомо кагаздарды пайдалануунун колдонмосу менен таанышып, толук маалымат алса болору кошумчаланды.

Эскерте кетсек, Кыргызстандын аймагына ЕАЭБ өлкөлөрүнөн  ташылып келген товарларды эсепке алуу үчүн  "Чалдыбар", "Ак-Тилек", "Ак-Жол", "Чоң-Капка" өткөрмө пунктулары, "Аламүдүн", "Кара-Балта", "Бишкек-1", "Кара-Суу" темир жол станциялары жана "Манас", "Ош" аэропорттору 2021-жылдын 1-январынан бери дал ушул "Жыйынды пост" автоматташтырылган маалымат системасы менен иштеп жатат.

26
Белгилер:
Мамлекеттик салык кызматы, документ
Тема боюнча
Жыл башынан бери импорттон алынган салыктын көлөмү 5,2 млрд. сомго көбөйдү
Бизнес өкүлдөрү Садыр Жапаровго кайрылды. Себеби
Экономика жана финансы министрлигине караштуу Туризм департаментинин директорунун орун басары Кыял Кенжематова

Кенжематова: ички туризмди өнүктүрүү үчүн кызуу аракеттер көрүлүүдө

20
Экономика жана финансы министрлигине караштуу Туризм департаментинин директорунун орун басары Кыял Кенжематова өлкөдө ички туризмге көңүл буруу аркылуу чет элдик туристтерге кызыгуу жаратуу мүмкүн экендигин айтты.

Жер кыдырып, эс алгандарга ыңгайлуу шарттарды түзүп берүү максатында тарыхый жерлерге  онлайн-саякаттоо мүмкүнчүлүктөрү түзүлгөн. Ал үчүн https://map.tourism.gov.kg/ веб-сайтына кирип, туристтик аймактар тууралуу кенен маалымат алса болот. Мындай маалыматты Кыял Кенжематова Sputnik Кыргызстан радиосунун эфиринде маек куруп жатып билдирди.

Кенжематова: ички туризмди өнүктүрүү үчүн кызуу аракеттер көрүлүүдө

Анын айтымында, тоо туризми өлкөдөгү негизги багыт катары каралып, ишкерлерге да көп жолдорду ачууда.

"2020-жылы пандемия башталганда чектөөлөргө байланыштуу чет өлкөдөн келген туристтердин агымы дээрлик токтоп калды. Мындан улам ички туризмди өнүктүрүү боюнча иштер жасала баштаган. Туризм департаменти жаңы веб-сайт даярдап, бардык маалыматтарды алып, 3D форматында онлайн-саякаттоо жолдору ачылды. Бул санариптештирүүнүн алкагында ийгиликтүү долбоор катары жыйынтык көрсөтүүдө. Эл аралык өнөктөштөрдүн көмөгү менен маалыматтар улам толукталып турат. Керектүү маалыматты оңой эле алса болот", — деди Кенжематова.

Ошондой эле адис туристтик гиддердин билимин жакшыртуу максатында сертификациялоодон өткөрүү пландалып жаткандыгын кошумчалады.

20
Белгилер:
Кыял Кенжематова, туризм, пандемия, санарип, Өнүгүү
Тема боюнча
Туризм департаменти: россиялыктардын Кыргызстанга кызыгуусу артып жатат

О, кудай! Садыр Жапаров жубайы менен Айсулуунун беттешин көргөн видеосу

0
(жаңыланган 21:39 04.08.2021)
Президенттин маалымат катчысы Facebook баракчасына мамлекет башчы Садыр Жапаровдун кыргызстандык балбан Айсулуу Тыныбекованын финалдык беттешин көргөн видеосун жарыялады.

Жапаров мелдешти жубайы Айгүл Жапарова менен чогуу көргөн. Күрөш башталганда президент "О, кудай Айсулуу кызыбызга күч-кубат бере көр" деп айткан. Видеодо көрүнүп тургандай, кыргызстандык балбан кызга президент менен кошо канайым да жан үрөгөн.

Мелдеш аяктаган соң Садыр Жапаров Айсулуу Тыныбековага чалып, "алтынга жетпей калдым деп эч капа болбоңуз, бул дагы чоң жетишкендик" деп айтып, күмүш медалы менен куттуктаган.

0
Белгилер:
Садыр Жапаров, Айсулуу Тыныбекова, куттуктоо, видео, мелдеш, финал
Тема боюнча
Айсулуунун жашы токтобой. Бүткүл Кыргызстанды ыйлаткан видео
Жапаров Айсулуунун беттешин үй-бүлөсү менен көрүп, балбанды телефондон куттуктады