Өкмөт 1-майдан тарта ишке кире турган тармактардын тизмесин жарыялады

© Sputnik / Максим Богодвид / Медиабанкка өтүүПроизводство жидких моющих средств компании "Нэфис Косметикс"
Производство жидких моющих средств компании Нэфис Косметикс - Sputnik Кыргызстан
Жазылуу
Өлкөдө биринчи майдан тарта курулуш, өнөр жай, соода тармактарында ишмердүүлүгүн жандантууга уруксат берилмей болду.

БИШКЕК, 28-апр. — Sputnik. COVID-19 вирусунун кесепетинен улам келип чыккан кыйынчылыктарды жоюу жана экономикалык зыянды азайтуу максатында ишмердүүлүктү жандандыруунун жол-жобосу иштелип чыкты. Бул туурасында өкмөттүн маалымат кызматы билдирди.

Премьер-министр Мухаммедкалый Абылгазиев Республикалык ыкчам штабдын жыйынын өткөргөн.

“Курулуш, айыл чарба, өнөр жай тармактарында илдетти жугузуунун тобокелдиги ортодон төмөн. Кызмат көрсөтүү тутумунда тобокелдик жогору. Ошондуктан бул этапта тейлөө тармагындагы ишканалардын ишмердүүлүгүн толук кандуу жандандыруу кооптуу”, — деп айткан Абылгазиев.

Өзгөчө абал режиминде 1-майдан тарта иштей турган тармактар тизмектелди.

1. Өнөр жай жана өндүрүш чөйрөсү:

  • энергетикалык өнөр жай; 
  • химиялык жана нефтегаз өнөр жайы;
  • машина куруу, прибор жасоо жана электр техникалык өнөр жай;
  • тоо кен өнөр жайы, түстүү жана кара металлургия;
  • текстилдик жана булгаары-бут кийим өнөр жайы;
  • эмерек өнөр жайы;
  • курулуш материалдарды өндүрүү жана башка өнөр жай жана өндүрүш түрлөрү.

2. Курулуш тармагы:

  • курулуш объектилери;
  • сугат, таза суу жабдуулары, ошондой эле каналдар, жолдор жана көпүрөлөр чөйрөсүндөгү подряддык иштер;
  • кошо аткарылуучу жумуштар жана кызмат көрсөтүүлөр.

3. Транспорттук каражаттарды оңдоо жана тейлөө боюнча кызмат көрсөтүү чөйрөсү:

  • техникалык тейлөө жана оңдоо, май алмаштыруу жана сырдоо;
  • дөңгөлөктөрдү желимдөө жана түздөө;
  • жууп-тазалоо жана химиялык тазалоо.

4. Жеке жана мамлекеттик нотариустардын кызмат көрсөтүүлөрү.

5. Соода чөйрөсү:

  • интернет дүкөндөр (электрондук коммерция), товарларды жеткирүү, анын ичинде курьердик кызматты кошо;
  • курулуш материалдарын дүңүнөн сатуу жана жеткирүү, дүкөндөрдү (дүң соода түйүндөрү/кампалар/курулуш материалдарын жеткирүүчүлөрдү) кошпогондо;
  • кездемелерди жана фурнитураларды дүңүнөн сатуу жана жеткирүү, дүкөндөрдү (дүң соода түйүндөрү/кампалар/курулуш материалдарын жеткирүүчүлөрдү) кошпогондо;
  • автотетиктер, велотетиктер, комплекттөөчүлөр, май жана автосырдоо дүкөндөрү.

6. Чач тарачтар жана салондордун кызмат көрсөтүүлөрү.

7. Уюшулган таксомотордук кызматтар (2ден ашык адам салбаганда).

Мындан сырткары фермерлерди колдоо үчүн айрым аймактарда мал базарлардын иштөөсүнө уруксат берилди. Шаарларда жана Бишкек, Ош, Токмок, Сокулуктагы эл көп топтолгон базарлар азырынча иштебейт.

Жаңылыктар түрмөгү
0