Вице-мэр: Бишкекте азык-түлүккө болгон баа 7-15 пайызга өстү

© Sputnik / Евгений Епанчинцев / Медиабанкка өтүүАял супермаркетте азык-түлүк тандап жатат. Архив
Аял супермаркетте азык-түлүк тандап жатат. Архив - Sputnik Кыргызстан
Жазылуу
Шаардыктар үчүн гумжардамга каражатты мамлекет, ишкерлер жана араб фонддору бөлүп жатат. Учурда 50 миллион сомдук азык-түлүк таратылып бүттү.

БИШКЕК, 7-май — Sputnik. Борбор калаада өзгөчө абал режими учурунда азык-түлүккө болгон баа орточо эсеп менен 7-15 пайызга өстү. Бул тууралуу Бишкек шаарынын вице-мэри Алмаз Бакетаев брифинг учурунда билдирди.

Ал коронавирустан улам жаралган кризис шаардыктардын да экономикалык абалына таасир эткенин белгиледи.

"Көптөрдүн туруктуу иштен айрылып калган учурларга деп сактап койгон акчасы жок болуп калды. Айрыкча жаңы конуштарда жашагандар арасында кыйналгандар көп болууда", - деди Бакетаев.

Вице-мэр жардамга муктаж болгондорго азык-түлүк алып берүү боюнча чечим кабыл алынганын кошумчалады. Айтымында, гумжардамга каражатты мамлекет, ишкерлер жана араб фонддору бөлүп жатат. Учурда калаада жалпы жонунан 50 миллион сомдук гумжардам таратылып бүттү.

Эске салсак, коронавирус жуктургандардын эң көбү Бишкекте. Алардын саны 257ге жетти.

Коронавирустун кесепети

Шаардык борбор базары жашылчалар саткан жайда. Архив - Sputnik Кыргызстан
ЕАЭБдин аймагынан айрым товарларды чыгарууга чектөө коюлду. Себеби
Кыргызстанда коронавируска кабылгандардын саны 895ке жетип, анын ичинен 637си айыгып чыкты. Тилекке каршы, 12 бейтап каза болуп калды.

Ушу тапта Кыргызстанда абал кандай болуп жатканын Sputnik агенттиги жүргүзүп жаткан тексттик баяндамадан билүүгө болот.

Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Жаңылыктар түрмөгү
0