Кыргыз Республикасынын Президенти Сооронбай Жээнбеков Кыргызстандын бизнес ассоциацияларынын өкүлдөрү менен жолугушуу учурунда

Жээнбеков бизнесмендерди чогултуп жыйын өткөрдү. Ажого айтылган сунуштар

524
(жаңыланган 13:50 11.05.2020)
Мамлекет башчы өкмөткө антикризистик программаларды иштеп чыгуу процессине бизнесмендерди дагы тартууну сунуштады.

БИШКЕК, 11-май — Sputnik. Президент Сооронбай Жээнбеков өлкөнүн бизнес-ассоциацияларынын өкүлдөрү менен жолугушуу өткөрүп, өлкө экономикасын кризистен чыгаруу маселесин талкуулады. Бул туурасында мамлекет башчынын маалымат кызматы билдирди.

Жээнбеков коронавирус инфекциясы өлкөнүн макроэкономикасына терс таасирин тийгизгенин белгилеген.

"Чек аралардын жабылышы сырткы соода менен болгон алакага кедергисин тийгизет. Башкы өнөктөш өлкөлөр менен товар жүгүртүүнүн көлөмү азайды, ошондой эле валюта рыногунда баалар, өсүп олку-солку болуп турганы байкалат. Муну менен мамлекетке гана эмес, бизнес үчүн да оор кырдаал жаралды", — деди президент.

Ошондой эле ал азыркы кырдаал атамекендик экономиканын структураларындагы кемчиликтерди жана көйгөйлөрдү ачыктап койгонун айтып, мындан сабак алуу керектигин билдирген. Аны менен катар эле экономикалык жоготуулар эркин жана ачык-айкын экономиканы түзүүгө өбөлгө болорун кошумчалаган.

Экономика министри Санжар Муканбетов республикадагы макроэкономикалык кырдаал жана өкмөттүн антикризистик пландары, алдыдагы божомолдор тууралуу маалымат берген.

Ишкерлердин эл аралык кеңешинин аткаруучу директору Аскар Сыдыков кризис бизнести оор абалга кептегенин, бирок ошол эле учурда экономика жаатында реформа жүргүзүүгө шарт түзөрүн белгилеп, бир нече сунуштарын айткан.

Өлкөнүн бизнес-омбудсмени Робин Орд-Смит ишкерликке салыктык жеңилдиктерди берүү маселесин ортого салды.

Премьер-министр Мухаммедкалый Абылгазиев
© Фото / пресс-служба правительства/ Алишер Алиев
Инвестиция жана бизнести өнүктүрүү кеңешинин катчылыгынын жетекчиси Талайбек Койчуманов ишкерлердин ортосунда атаандаштыкты жогорулатуу боюнча айрым мыйзамдарды иретке келтирүү керектигин айтып өттү.

Мындан башка дагы бир нече бизнес-ассоциациялардын өкүлдөрү да өз көйгөйлөрүн, сунуштарын айтышкан.

Соңунда мамлекет башчы кыска жана узак мөөнөттүү антикризистик программаларды иштеп чыгуу процессине бизнесмендерди дагы тартууну өкмөткө сунуштады.

Жыйынга өкмөттүн айрым мүчөлөрү дагы катышкан.

524
Белгилер:
план, программа, колдоо, ишкердик, Сооронбай Жээнбеков
Тема:
Коронавируска байланыштуу Кыргызстандагы кырдаал (2342)
Тема боюнча
Ар бир кардарга өзүнчө мамиле кылгыла. Жээнбеков Абдыгуловду кабыл алды
Кыргызстандын тышкы иштер министри Руслан Казакбаев Нур-Султанга болгон иш сапарынын алкагында Казакстандын өкмөт башчысы Аскар Мамин менен жолугушуусу

Жардам суралды. Руслан Казакбаев Казакстандын премьер-министри менен жолукту

86
(жаңыланган 21:44 29.10.2020)
Министр Казакбаев коңшу өлкөдөн Кыргызстандын социалдык-экономикалык абалын эске алып каржылык жардам көрсөтүү мүмкүнчүлүгүн карап чыгууну өтүнгөн.

БИШКЕК, 29-окт. — Sputnik. Өлкөнүн тышкы иштер министри Руслан Казакбаев Нур-Султанга болгон иш сапарынын алкагында Казакстандын өкмөт башчысы Аскар Мамин менен жолукту. Бул тууралуу ТИМдин маалымат кызматы кабарлады.

Коңшу өлкөнүн өкмөт башчысы Казакбаевди тышкы саясат мекемесинин жетекчиси болуп дайындалышы менен куттуктап, ишине ийгиликтерди каалады.

Өз кезегинде КРдин ТИМ башчысы президенттин милдетин аткаруучу, премьер-министр Садыр Жапаровдун атынан салам айтты.

"Ошондой эле ал Кыргызстандагы кырдаал турукташып баштаганын, саясий процесстердин укуктук талаага кайтып келе жатканын айткан. Кыргыз тарап өзүнүн бардык эл аралык милдеттенмелерин жана буга чейин кол коюлган бардык эки жана көп тараптуу эл аралык келишимдердин так аткарылышын камсыздай турганына ишендирди. Мындан тышкары, өкмөт өлкөнүн мыйзамдарына ылайык, казак инвестицияларынын коопсуздугун камсыз кылуу боюнча зарыл чараларды көрөрүн билдирди", — деп айтылат маалыматта.

ТИМ жетекчиси Казакбаев: өлкөдөгү башаламандыкка сырткы күчтөр да аралашты

Сүйлөшүүлөрдүн жүрүшүндө тараптар саясий, соода-экономикалык, суу-энергетикалык, транспорт, логистика жана маданий-гуманитардык чөйрөлөрдөгү кыргыз-казак кызматташтыгынын актуалдуу маселелерин талкуулашкан.

Тараптар өзгөчө көңүлдү COVID-19 пандемиясынын жайылышына каршы күрөшүү маселелерине бурушту.

"Министр Казакбаев казак тарапты өлкөнү дары-дармек жана жеке коргонуу каражаттары менен камсыздоо мүмкүнчүлүгүн сураган. Ошондой эле Кыргызстандын социалдык-экономикалык абалын эске алуу менен өлкөнүн бюджетин колдоо жана азык-түлүк коопсуздугун камсыз кылуу үчүн каржылык жардам көрсөтүү мүмкүнчүлүгүн карап чыгууну өтүндү", — деп айтылат билдирмеде.

Жолугушуунун аягында жакынкы аралыкта эки тараптуу жолугушууларды жогорку деңгээлде өткөрүүнү макулдашты.

86
Белгилер:
экономика, коронавирус, жардам, Руслан Казакбаев, Казакстан, Кыргызстан
Тема боюнча
Министрлер ЕАЭБ менен Кытай кызматташтыгын талкуулайт
Кайсы өлкөлөрдүн жарандары Кыргызстанга кирип-чыга алат? Тизме 
Кыргыз сом монеталары. Архив

Кыргызстан 4,1 млрд. сом карызын төлөбөй турууга макулдашып жатат. Шарттары

566
(жаңыланган 16:57 29.10.2020)
Министр өлкөнүн ички жана сырткы карызы азыркы тапта 4,8 миллиард доллар (378 миллиард сом) экенин кошумчалады.

БИШКЕК, 29-окт. — Sputnik. Өлкөдөгү кырдаалга байланыштуу Кыргызстан чет элдик донорлордон алган карызынын төлөө мөөнөтүн жылдыруу боюнча макулдашып жатат. Бул тууралуу финансы министри Кыялбек Мукашев өкмөттүн жыйынында билдирди.

Анын айтымында, Париж клубу жана донорлор менен түздөн-түз сүйлөшүү жүрүп жатат.

"Учурда 4,1 миллиард сом төлөөнү кийинки жылга жылдыруу боюнча келишимдер каралып жатат. Ага ылайык, быйыл жана эмдиги жылы төлөбөй тура алабыз. Бирок кийинки үч жылда жеңилдик берилген мөөнөттө төлөнбөй калган каражатты кошуп төлөйбүз", — деди Мукашев.

Кыргызстандын тышкы карызы тездик менен өсүүдө. Инфографика

Ошондой эле министр өлкөнүн ички жана сырткы карызы азыркы тапта 4,8 миллиард доллар (378 миллиард сом) экенин кошумчалады.

566
Белгилер:
Финансы министрлиги, өкмөт, жылдыруу, мөөнөт, карыз
Тема боюнча
Жээнбеков мамлекеттик карызды кечүүнү суранды. Эмнеге алмашууну сунуштады?
Кыргыз өкмөтү COVID кесепетинен канча карыз алып, кайда жумшап жатат. Саресеп
Карета скорой помощи, разбитый жителем Кара-Суйского района Ошской области

Кара-Суу: чакырылган тез жардам унаасы талкаланып, кызматкерлер качып кутулду

0
(жаңыланган 22:55 29.10.2020)
Териштирүү иштеринде медиктердин унаасынын терезесин талкалаган адам мас болгону аныкталып, өзү кызматкерлер кеч келгени үчүн мындай кадамга барганын айткан.

БИШКЕК, 29-окт. — Sputnik. Кара-Суу районунда чакырууга барган Тез жардам кызматынын унаасын талкалап салышты. Бул тууралуу Sputnik агенттигине Ош шаардык Тез жардам кызматы билдирди.

Ага ылайык, бүгүн, 29-октябрда, саат 18:30дар чамасында Кара-Суу районунун Бирлешкен айылынын тургуну апасынын кан басымы көтөрүлгөндүктөн Тез жардам кызматын чакырган.

"Унаа 11 мүнөттүн аралыгында жетип барып, аялдын кан басымын өлчөп жатканда медиктерди чакырган жаран айдоочуну ур-токмокко алган. Андан соң автоунааны талкалап салган. Ал жерден фельдшер менен айдоочу араң качып чыгышкан", — деп айтылат маалыматта.
Карета скорой помощи, разбитый жителем Кара-Суйского района Ошской области
© Фото / Зульфия Тургунова
Ош облустук милициясынын билдиришинче, териштирүү иштеринде медиктердин унаасынын терезесин талкалаган 56 жаштагы киши мас болгону аныкталып, өзү мындай кадамга кызматкерлер кеч келгени үчүн барганын айткан

Түндө Бишкекте тез жардам унаасы оодарылып, 4 киши жабыркады. Видео

Ош облустук милициясынын билдиришинче, териштирүү иштеринде медиктердин унаасынын терезесин талкалаган 56 жаштагы киши мас болгону аныкталып, өзү мындай кадамга кызматкерлер кеч келгени үчүн барганын айткан. Учурда ал Кара-Суу РИИБге алынып келип, сурак берүүдө. Ошондой эле Тез жардам кызматынын айдоочусу менен дарыгери көрсөтмө берип жатышат.

Аталган окуя Кара-Суу РИИБ тарабынан Кылмыш жана жоруктардын бирдиктүү реестрине "Ээнбаштык" беренеси менен катталып, сотко чейинки өндүрүш иши башталды.

0
Белгилер:
айдоочу, тез жардам, Кара-Суу району
Тема боюнча
Араванда милиционерди себепсиз уруп жиберди делген киши кармалды