Былтыр Кыргызстанда канча алтын казылып, канча акча түшкөнү белгилүү болду
(жаңыланган 10:57 13.05.2020)
Казып алынган алтындан Кыргызстандын казынасына 12,9 миллиард сом түшкөн. Анын негизгиси Кумтөр кени экени маалым.БИШКЕК, 13-май — Sputnik. Былтыр Кыргызстанда 26,1 тонна алтын казып алынды. Бул туурасында премьер-министр Мухаммедкалый Абылгазиев парламентте 2019-жылга карата өкмөттүн отчетун берип жатып билдирди.
Анын айтымында, казылган алтындан казынага 12,9 миллиард сом түшкөн. Бул 2018 жылга салыштырмалуу 1,5 миллиард сомго көбүрөөк. Ошол эле учурда былтыр андан мурунку жылга караганда 2,9 тоннага көбүрөөк алтын казылган.
Алтындын негизги бөлүгү Кумтөр кенинен алынса, калган 7,4 тоннасы Куру-Тегерек, Жер-Үй сыяктуу башка кендерден казып алынганын белгиледи өкмөт башчы.
Буга чейин Sputnik Кыргызстан агенттиги курамында алтын, күмүш, жез өңдүү баалуу металлдар бар концентрат кайсы өлкөлөргө кетип жаткандыгы тууралуу материал даярдаган.
Белгилер:
Миллиард сомго чыгым болгону бар. Пандемия банктарга кандай таасир этти
(жаңыланган 11:10 17.04.2021)
Өткөн жылы пандемия Кыргызстандын экономикасына олуттуу таасирин тийгизип, ички дүң продукция тогуз пайызга төмөндөдү.БИШКЕК, 17-апр — Sputnik. Кыргызстандагы банктардын бири узаган жылы чыгымга учураса, калганынын иши кирешелүү болду. Бул тууралуу Улуттук банк кабарлады.
Өлкөдө 23 банк иш алып барат. Анын 22си жалпысынан 4 миллиард 124,2 миллион сом тапкан.
Узаган жылдын жыйынтыгы боюнча бир каржы-насыялык мекеме 1 миллиард 551,5 миллион сомго чыгымга учурады. Кайсы банк экени көрсөтүлгөн эмес.
Мындан тышкары, беш банктын лицензиясы артка кайтарылып же такыр берилбей калуу алдында турат. Алардын экөө жалпысынан 3,8 миллион сом пайда тапса, үчөө 4,3 миллион сомго чыгашага учураган.
Эске салсак, өткөн жылы пандемиянын кесепетинен дүйнөлүк, анын ичинде ички экономика жабыр тартты. Натыйжада өлкөнүн ИДПсы 9 пайызга төмөндөдү. Ошондой эле өткөн жылы өкмөт бир катар насыяларды төлөө мөөнөтүн узарткан.
Белгилер:
Ысык-Көлгө туристтик комплекс куруу пландалууда. ЕАЭБдин бизнес-долбоору
(жаңыланган 19:19 16.04.2021)
Бир жыл мурун евразиялык ишкер-демилгечилердин сынагы жарыяланган. Ага Кыргызстандан үч долбоор түшүп, бирөө азыр каралууда.БИШКЕК, 16-апр. — Sputnik. Кыргызстандык ишкерлер евразиялык ишкерлер жана демилгечилер сынагынын алкагында үч долбоор сунуштады. Бул тууралуу ЕЭК коллегиясынын өндүрүш жана агроөндүрүш комплекси боюнча министр Артак Камалян Sputnik агенттигинде өткөн видеокөпүрөдө билдирди.
Сынак былтыр май айында жарыяланган. Жакшы долбоорлорго инвестициялык колдоо көрсөтүү каралууда.
Камаляндын айтымында, өткөн жылы күзүндө 80ден ашуун долбоор келип түшкөн. Мындай конкурс жыл сайын өтүп турмакчы.
"Кыргызстандан үч долбоор келген. Экөө курулушка, бири жаңгакты кайра иштетүүгө байланыштуу. Менин билишимче, Кыргызстандын бийлиги менен Евразия өнүктүрүү банкы Ысык-Көлдө туристтик эс алуу комплексин куруу боюнча долбоорду карап жатышат. Бул абдан жакшы иш", — деди ЕЭК министри.
Камалян жеңүүчүлөргө долбоорлорду жүзөгө ашыруу үчүн жеңилдетилген насыя берилерин белгиледи.
Белгилер:
Тема:
ФСБ: Лукашенкону өлтүрүүгө камданып, Беларуста төңкөрүш даярдагандар кармалды
(жаңыланган 03:18 18.04.2021)
Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан.БИШКЕК, 18-апр. — Sputnik. Москвадан 9-май күнү Беларусь президенти Александр Лукашенкону жок кылып, өлкөдө аскердик төңкөрүш жасоого камданып жүргөндөр кармалды. Бул тууралуу ФСБнын коомдук байланыш борборуна таянуу менен РИА Новости жазды.
Маалыматта колго түшүрүлгөндөр Беларусь менен Россиянын жарандыгын алган Юрий Зенкович менен беларусиялык Флександр Федута аттуу адамдар экени айтылат.
Россиянын атайын кызматы коңшу өлкөнүн Мамлекеттик коопсуздук комитети менен биргеликте иш алып барган.
"Беларустук кесиптештердин берген маалыматы боюнча, Зенкович менен Федута мессенжерлердин биринде аскердик төңкөрүштүн планын талкуулап, Москвада оппозициялык маанайдагы генералдар менен жолугууну көздөгөн", — деп айтылат кабарда.Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан. Түзүлгөн план боюнча радио жана теле борборлорду басып алып, ички аскер бөлүктөрүнүн жолун тосуу каралган. Күч структураларынын ишин токтотуу үчүн электр энергияны өчүрүү даярдалганы маалым болду.
Натыйжада конституциялык түзүлүш өзгөрүп, бийлик "Улуттук элдешүү комитетине" өтмөк.
Зенкович менен Федутага карата Беларустун тергөө органдары 357-беренесинин ("Мамлекеттик бийликти басып алууга аракет кылуу") негизинде иш алып барууда.