Катардын борбору Доха шаары. Архив

Жаңы кооптуулук: Катар газ "согушуна" кирүүгө ниеттенип жатат

240
(жаңыланган 18:00 18.05.2020)
Катар мамлекети же өндүрүштүн көлөмүн азайтат, же болуп көрбөгөндөй жеңилдиктерди сунуштап, баа боюнча "согушту" баштайт. Антпесе Катар газ рыногунан сүрүлүп калышы мүмкүн.

БИШКЕК, 18-май — Sputnik. Дүйнөдө газдын баасы түшүп кетти, кыш жылуу болуп, көгүлтүр отту сактаган кампалар толтура бойдон калды, ал эми пандемия суроо-талапты дагы азайтты.

Учурда баарынан кыйын кырдаалга суюлтулган жаратылыш газын саткан Катар мамлекети кабылды. Аналитиктер каатчылыктан кутулуу үчүн падышалык рыноктогу баа боюнча Сауд Аравиясы сыяктуу "салгылашка" барат деген божомолдорун айтышууда. Анын Россияга кандай таасирин тийгизерин РИА Новости агенттигинин материалынан окусаңыз болот.

Кыйын кырдаал

Жыл башынан тарта баа эки ирет түштү: Европа менен АКШда көгүлтүр от 1999-жылдагы төмөнкү баа менен сатылып келди.

© Sputnik / Константин Михальчевский
"Газ рыногу бир эле учурда сунуштун ашып калганы менен ысып кеткен аба ырайын — эки нерсени көтөрө албайт", — деген эскертүү болгон. Муну январда эле Нью-Йорктогу Statar Capital деп аталган газ боюнча хедж-фонддун жетекчиси Рон Озер айткан.

Пандемия да буга өзүнүн "салымын" кошуп, Катарды туңгуюкка кептеди.

Падышалык болуп көрбөгөндөй чыгымга учурап, жакында аргасыз кадамга барганы турат. Же өндүрүштүн көлөмүн азайтат, же алуучуларга жеңилдиктерди сунуштап, баа боюнча "согушту" баштайт. Антпесе Катар баалардын кымбаттыгынан улам рыноктон сүрүлүп чыгып, Австралияга лидерликти алдырып жибериши мүмкүн.

"Суроо-талаптын аздыгынан, продукцияны сактоого кеткен чыгымдын көптүгүнөн суюлтулган газдын дүйнөдөгү ири экспортчусу рынок үчүн салгылашка кирет", — деп эскерткен Bloomberg.

Тээ февраль айында эле Доха газдын агымын коронавирустун алоосунда калган Азиядан Европага бурган. Бирок бул абалга аралжы боло алган эмес. Пандемия Европаны да каптап, алар да аргасыздан энергоресурсту сатып алууну чектеди.

Катар үчүн абалдан чыгуунун жолдорунун бири — өндүрүштү азайтуу болуп турат. Бирок бул анын айбаты асманды чапчыган дымагынын басылышына барабар. Былтыркы жылдын январь айында падышалык ОПЕКтен чыгарын айткан, анда дал ушул газ боюнча маселеде позициясын чечип алышы керек эле. Сыртка сатууну 2024-жылга чейин 77 миллион тоннадан 110го жеткирүүнү пландаган. Ал эми 2027-жылы бул сумма 126 миллион тоннага өсмөк.

Анда энергетика министри Саад бен Шрид Аль-Кааби бул үчүн ресурстар бар экендигин айткан. Тагыраагы, түндүк жактагы Рас-Лаффан шаарына жакын жердеги тилкелер туурасында кеп болгон. Мындан сырткары аталган өлкө 2024-жылы дал ушул суюлтулган газ боюнча атайын төрт өндүрүш линиясын ишке киргизүүнү пландап жаткан.

"Экспорттун кыскарышы мамлекеттин бюджетинин кирешесин азайтат. Ал эми Австралия чындыгында Катарды четке сүрүп коюшу мүмкүн", — деген Bloomberg.

Анткен менен серепчилер падышалыкка акыр аягында баары бир алкымын бир аз тыйганга туура келет деп божомолдоп жатат.

"Газ ташыгычтардын тартыштыгы 2018-жылдан бери байкалып эле келе жатат. Буга деңиз жолу менен ташыган баанын өсүшү мисал. Катар азыр да бул маселе менен бет келиши мүмкүн. Учурдагы кырдаалда Катардын суюлтулган газдын баасын арзандатышы кымбаттоого тушуктурат, эмне болгон күндө да ага суу транспортторунун ижарасы кошо эсептелет", — деп белгилеген өнөр жай боюнча көз карандысыз эксперт Леонид Хазанов.

Эгерде Катар баары бир бул "согушка" кире турган болсо, бычылган баа терс жыйынтыгын берет, тагыраагы, нефтинин апрелдеги абалы кайталанат. Бирок башкы жагымсыз нерсе — аны казып алуу өндүрүштүн өз баасынын анча кымбат эместигине карабай рентабелдүү болбой калат.

Ким утулат?

Эксперттер Катар бааны төмөндөтүп жиберсе, ансыз да толтура болуп турган рынокко терс таасирин тийгизет деп эсептешет. Анткен менен Россия башкаларга салыштырмалуу көп деле чыгым тартпайт.

"Россияда суюлтулган газдын жергиликтүү өндүрүшкө, сатууга карата ролу өтө деле зор эмес. Ал эми түтүк менен ташып келинген продукция боюнча айтсак, ал узак мөөнөттүү келишимдер менен экспорттолуп, баш тарткан учурда ири тарифтер пайда болмок. Андыктан бул жааттан алып караганда, көмүр суутектүү күйүүчү заттарды сатуудан көбүрөөк киреше түшкөн россиялык бюджет үчүн болочоктогу кыйынчылык туурасында айтуу эртелик кылат", — деген Хазанов.

Эгерде газ түтүгүн XXI кылымдын биринчи он жылдыгында пландалгандай падышалыктан Түркияга алып, андан ары Nabucco долбооруна бириктирген болсо, Катар Россиянын газдан түшкөн кирешесин уратмак. Бирок Катар менен Сауд Аравиясынын пикир келишпестиги жана Сириядагы жарандык согуш бул долбоорго тоскоол болгон. Жайында Nabucco "Түрк агымына" жол бошотуп берген...

Катардын бул кадамынан биринчи иретте акыркы жылдары суюлтулган газды Европа өлкөлөрүнө жеткирүүгө абдан кызыкдар болуп жүргөн америкалыктар кыйналат.

Бул стратегия туңгуюкка кептелди: европалык колдонуучулар океан ары жагынан келген сырьёдон баш тартып жатат, себеби аларга жанында турган Россиянын жаратылыш газын сатып алган алда канча пайдалуу.

240
Белгилер:
пандемия, баа, газ, ОПЕК, Европа, АКШ, Австралия, Россия, Катар
Тема боюнча
Орус-араб күчүнө каршы чыккан АКШ революциясы тизелеп калдыбы
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

135
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

135
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады
Чек ара бекетинде жүк ташуучу унаа. Архив

Асрандиев: КМШ аймагында жүктү тоскоолдуксуз ташууга шарт түзүшүбүз керек

22
(жаңыланган 18:34 29.05.2020)
Асрандиев коронавирус инфекциясына каршы күрөшүүдө кыргыз тарапка берген жардамы үчүн өнөктөш өлкөлөргө ыраазычылык билдирди.

БИШКЕК, 29-май — Sputnik. COVID-19 менен күрөшүү өз ара соодага, жүк ташууга тоскоол болбошу керек. Бул тууралуу вице-премьер-министр Эркин Асрандиев КМШга мүчө өлкөлөрдүн премьер-министрлердин саммитинде айтканын өкмөттүн маалымат кызматы кабарлады.

Ал COVID-19га каршы күрөшүү боюнча биргелешкен аракеттер белгиленген өндүрүштүк-кооперациялык чынжырчалардын үзгүлтүккө учурашына алып келбөөгө тийиш экендигин айткан

"Жалпы обочолонуу жана чек араларды аргасыздан жабуу шартында биз үчүн өлкөлөр ортосундагы, алыскы чет мамлекеттерге жүк ташууну тоскоолдуксуз ишке ашырууну камсыз кылуу маанилүү. Макроэкономикалык туруктуулукту камсыз кылууда өлкөлөрдүн ырааттуулугу чоң роль ойнойт. Биз КМШга мүчө-өлкөлөрдүн аймагы боюнча жүктү тоскоолдуксуз ташууну шарттаган жашыл коридорду уюштуруубуз керек", — деген вице-премьер-министр.

Асрандиев коронавирус инфекциясына каршы күрөшүүдө кыргыз тарапка берген жардамы үчүн өнөктөш өлкөлөргө ыраазычылык билдирди.

"Кырдаал биздин бири-бирибизге байланыштуу жана бири-бирибизге көз каранды экенибизди көрсөттү. Андыктан өлкөнүн экономикалык, финансылык, социалдык жана гуманитардык чөйрөсү үчүн кесепеттерди жоюу тууралуу жамааттык чараларды иштеп чыгуу боюнча документ маанилүү жана аны кабыл алууну колдойбуз. Ошондой эле кыргыз тарап учурда КМШ өлкөлөрүндө экономиканын реалдуу секторун калыбына келтирүү жана ишкердик жигердүүлүктү өркүндөтүү боюнча тажрыйба алмашуу убактысы келди деп эсептейт", — деген Асрандиев.

Вице-премьер ошол эле учурда кризистен кийинки өнүгүүдө Шериктештик мейкиндигинде экономикалык активдүүлүктү этап-этабы менен калыбына келтирүү маселелери боюнча өз ара иштөө маанилүү экендигин айткан.

Асрандиев кызматташтыктын башка тармактарында, анын ичинде спорт, туризм жана жаштар саясатындагы маселелерди илгерилетүү боюнча иштер улантыларына ишеним арткан.

22
Белгилер:
каатчылык, коронавирус, экономика, Эркин Асрандиев, КМШ, Кыргызстан
Тема боюнча
Каржы министри: тышкы карызды төлөөдө алгачкы кадамдар жасалды
Ошто Ломоносов атындагы Москва мамлекеттик университетинин филиалынын имараты курула баштады

ММУнун Оштогу филиалына Москвадан 100гө чукул адис келип, сабак бермекчи

17
(жаңыланган 20:38 29.05.2020)
Окуу жайга алгач 90го чейин абитуриентти кабыл алуу пландалып жатат. Студенттер бир нече адистик боюнча билим алат.

БИШКЕК, 29-май — Sputnik. ОшМУнун алдында ачыла турган Ломоносов атындагы Москва мамлекеттик университетинин филиалынын имараты аталган калаада курула баштады. Келечекте ал жерге Россиядан жүзгө чукул адис келип билим берет. Бул тууралуу ОшМУнун маалымат кызматы билдирди.

  • ОшМУнун алдында ачыла турган Ломоносов атындагы Москва мамлекеттик университетинин филиалынын имараты аталган калаада курула баштады
    © Фото / пресс-служба ОшГУ
  • Келечекте ал жерге Россиядан жүзгө чукул адис келип билим берет
    © Фото / пресс-служба ОшГУ
  • Бул тууралуу ОшМУнун маалымат кызматы билдирди
    © Фото / пресс-служба ОшГУ
1 / 3
© Фото / пресс-служба ОшГУ
ОшМУнун алдында ачыла турган Ломоносов атындагы Москва мамлекеттик университетинин филиалынын имараты аталган калаада курула баштады

Анда курулуш иштерине Ош мамлекеттик университетинин бюджеттен 76 миллион сом бөлүнгөнү айтылган.

"Окуу жайдын филиалы күз айларында курулуп бүтүп калат. Капсула салуу аземине ОшМУнун профессордук-окутуучулук курамы жана Россиянын Ош шаарындагы башкы консулу Роман Свистин катышты. Филиал ОшМУнун алдында ачылат. Алгач 60тан 90го чейин абитуриентти кабыл алуу пландалып жатат. Студенттерге Москвадан келген жүзгө жакын адис билим берет", — деп айтылат маалыматта.

Университеттин филиалында студенттер колдонмо математика жана информатика, геология, орус тили жана адабияты адистиктерине билим ала алышат. Аны ачуу демилгеси 2019-жылы Кыргызстан менен Россия президенттеринин жолугушуусунда колдоого алынган.

ОшМУнун маалымат кызматы 28-май күнү Ош мамлекеттик университетинин 80 жылдык мааракесинин алкагында Россиянын Түштүк Урал мамлекеттик университети менен ОшМУнун биргелешкен кыргыз-орус факультетин ачуу жөнүндөгү келишимге кол коюлгандыгын да билдирди.

Ломоносов атындагы Москва мамлекеттик университети – дүйнөдөгү эң чоң жана тарыхый университеттердин катарына кирет. Курамында 15 илимий-изилдөө институт, 43 факультет бар. Ошондой эле Казакстан (Нур-Султан), Өзбекстан (Ташкент), Азербайжан (Баку), Тажикстан (Душанбе), Армения (Ереван) жана Словенияда (Копер) филиалдары бар.

17
Белгилер:
Ош мамлекеттик университети (ОшМУ), Москва, курулуш, окуу жай, Ош, Кыргызстан, Россия
Тема боюнча
Кеңсенин доору бүттүбү? Кыргызстандыктар аралыктан иштөөгө кандай карайт