Унаа сатуучу жай. Архивдик сүрөт

ЕАЭБге убактылуу автоунаа алып кирүү мөөнөтү узартылды

315
(жаңыланган 09:19 19.05.2020)
Үчүнчү өлкөлөрдөн убактылуу киргизилген транспорттордун ээси 30-сентябрга чейин техникасын ЕАЭБ аймагынан чыгарып кетпей эле койсо болот. Ошондой эле бул аралыкта кандайдыр бир айып пулга жыгылбайт.

БИШКЕК, 18-май — Sputnik. Евразия экономикалык комиссиясынын кеңеши ЕАЭБдин аймагына кирип, чыга албай калган автотранспорттор үчүн бирикме ичинде болуу мөөнөтүн 30-сентябрга чейин узартты. Бул тууралуу ЕЭКтен билдиришти.

Демек, үчүнчү өлкөлөрдөн убактылуу киргизилген транспорттордун ээси 30-сентябрга чейин техникасын ЕАЭБ аймагынан чыгарып кетпей эле койсо болот. Ошондой эле бул аралыкта кандайдыр бир айып пулга жыгылбайт.

“Ошондой эле чет өлкөдө ЕАЭБге туруктуу жашаганы келгендер же качкын статусу бар адамдардын жеке мүлкүн алып кирүү каралган пошлинасыз 18 айлык арзандатуу мөөнөтү токтотулуп, 30-сентябрдан баштап кайра иштемей болду”, — деп айтылат билдирүүдө.

Бул чечим 1-марттан 30-сентябрга чейинки учурларга тиешелүү.

Буга ЕАЭБ коронавирустан коргонуу үчүн кабыл алган чараларынан улам мүлкүн чыгарып кете албаган жарандарга жардам берүү максаты себеп болду.

315
Белгилер:
карантин, мыйзам, уруксат, автоунаа, Евразиялык экономикалык биримдик
Тема боюнча
Кучумкулов: автоунааларга электрондук паспорт берилет
Өзбекстандын ЕАЭБге байкоочу статусун сенат жактырды. Вице-премьердин билдирүүсү
Турусбеков: ЕАЭБдин алдыда чоң мүмкүнчүлүктөрү бар
Цехтин кызматкери. Архивдик сүрөт

Санитардык эрежени бузган ишканаларга миллион сомго чукул айып салынды

79
(жаңыланган 12:46 25.05.2020)
Республика боюнча жалпысынан жети миңге чукул объект текшерилди.  Бир нече ишкерлерге  эскертүү берилсе, бир тобуна протокол толтурулган.

БИШКЕК, 25-май — Sputnik. 1-майдан тарта ишмердүүлүгүн жанданткан объектилерди  текшерүүнүн жыйынтыгында санитардык ченемдерди сактабагандыгы үчүн 900 миң сомдон ашык суммага айып салынды. Бул тууралуу Республикалык штабдан билдиришти. 

“1-майдан 22-майга чейин  республикадагы оорулардын алдын алуу жана санитардык-эпидемиологиялык көзөмөл борборлорунун кызматкерлери коронавирустун жайылышын алдын алуу боюнча иштей баштаган ишканаларды текшерип турду”, — деп айтылат билдирүүдө.

Республика боюнча жалпы 6891 объект текшерилген. Аймактар боюнча ала келгенде төмөнкүчө:

  • Бишкек – 768 объект ;
  • Ош облусу – 2706;
  • Баткен облусу – 590;
  • Жалал-Абад облусу – 543;
  • Талас облусу – 180;
  • Ысык-Көл облусу – 1385;
  • Чүй облусу – 428;
  • Нарын облусу – 245.

Текшерүүлөрдүн жыйынтыгы боюнча, 2710 жазма эскертүү берилип,  707 протокол толтурулуп,  9 эскертүү жасалган.

Коопсуздук эрежелерин  бузгандыгы үчүн 680 объектинин ээлерине жалпы суммасы 977 миң сомго айып салынды. 15 материал баа берүү үчүн укук коргоо органдарына өткөрүп берилди.

Кыргызстандагы COVID-19

Кыргызстанда коронавирус жуктургандардын жалпы саны 1433 адамга жетти. Алардын ичинен 992 бейтап айыгып кетти. Тилекке каршы, он алты киши каза тапты.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

79
Белгилер:
айып пул, текшерүү, экономика, карантин, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
"Унаа" ишканасы менен 20 калкты тейлөө борбору ишин жандантты
Депутат: өкмөт бюджетке 6 млн. сом төлөчү ишкананы 60 миң сом төлөгүдөй кылды
Бал сатуу. Архивдик сүрөт

Андорра, Кытай, Сингапур... Кыргыз балын кайсы өлкөлөр сатып алат

94
(жаңыланган 11:09 25.05.2020)
Үстүбүздөгү жылдын январынан март айына чейин дээрлик 100 тонна бал сатылган. Аталган азык ондон ашык мамлекетке экспорттолгон.

БИШКЕК, 25-май — Sputnik. Кыргызстан ушул жылдын үч айында чет мамлекетке 99,5 тонна бал сатты. Бул тууралуу Улуттук статистика комитети кабарлады.

Ага ылайык, аталган азык жалпысынан 303 миң долларга, тагыраагы, 21,7 миллион сомго сатылган.

Төмөндө өлкөлөр боюнча бөлүштүрүлгөн:

  • Андорра —18,9 тонна;
  • Бахрейн — 0,1;
  • Иордания — 0,1;
  • Казакстан — 0,2;
  • Катар — 7 тонна;
  • Кытай — 5;
  • Кувейт — 2,6 тонна;
  • БАЭ — 15,2;
  • Оман — 2,8;
  • Түштүк Корея — 10,1;
  • Россия — 0,2;
  • АКШ — 6 тонна;
  • Сауд Аравиясы — 18,8 тонна;
  • Сингапур — 0,1;
  • Тайвань — 9,9;
  • Япония — 2,4;
  • өлкөсү көрсөтүлгөн эмес — 0,1 тонна.
94
Белгилер:
Экспорт, сатуу, бал, Кыргызстан
Тема боюнча
Сүт экспорттоону максат кылган фермер эмнеге көңүл бурушу керек
Россия президентинин маалымат катчысы Дмитрий Песков. Архивдик сүрөт

Путиндин маалымат катчысы коронавирустан айыгып, үйүнө чыкты

0
(жаңыланган 23:18 25.05.2020)
Дмитрий Песков өзү журналисттерге ооруканадан чыкканын жана азырынча үйдө иштей турганын тастыктады.

БИШКЕК, 25-май — Sputnik. Россия президентинин маалымат катчысы Дмитрий Песков коронавирустан сакайып, ооруканадан чыкты. Бул тууралуу РИА Новости жазды. 

Эске салсак, ал 12-май күнү коронавирус жуктуруп алганын билдирген. Ошондой эле анын жубайы, муз бийчиси Татьяна Навкадан дагы вирус аныкталган.

Песков өзү журналисттерге ооруканадан чыкканын жана азырынча үйдө иштей турганын билдирди.

0
Белгилер:
оорукана, коронавирус, Дмитрий Песков, Россия
Тема:
Кытайдагы жаңы типтеги коронавирус
Тема боюнча
Песковдун жубайы Навкадан да COVID-19 табылып, абалы кандай экени айтылды