ЕАЭБ мамлекет мүчөлөрүн желектери. Архив

Жээнбеков ЕАЭБ аймагында товарлардын тоскоолдуксуз өтүү зарылдыгын белгиледи

89
(жаңыланган 18:43 19.05.2020)
Сооронбай Жээнбеков бул сапар ЕАЭБдин ички бажы аймагындагы тоскоолдуктарды жоюу маселесине көңүл бурду.

БИШКЕК, 19-май — Sputnik. Бүгүнкү шартта ЕАЭБ ичинде товарлардын эркин жүрүүсү азык-түлүк коопсуздугун камсыздоо үчүн актуалдуу болуп калды. Бул туурасында президент Сооронбай Жээнбеков бүгүн, 19-майда, Жогорку евразиялык экономикалык кеңештин кезектеги жыйынында айтты.

Мамлекет башчы биримдиктин ички бажы аймагындагы тоскоолдуктарды жоюу маселесине көңүл бурду.

"Биринчи керектелчү продукцияларды жеткирүүдө "жашыл коридорлорду" түзүү жөнүндө макулдашууга жетишкенбиз. Ага карабастан, биримдиктин айрым мүчө-мамлекеттери тарабынын көзөмөл күчөтүлүп, азык-түлүктөрдү жеткирүүгө чектөөлөр киргизилүүдө", — деген Жээнбеков.

Мамлекет башчы Евразия экономикалык комиссиянын коллегиясынын ыйгарым укуктары жетишсиз болгондуктан, тоскоолдуктарды жоюунун колдо бар механизмдери натыйжасыз болуп жаткандыгын белгиледи.

"Комиссиянын тоскоолдуктарды жоюу боюнча чечимдери кээ бир мүчө-мамлекеттер тарабынан толук түрдө аткарылбай жатат. Аны менен катар эле ЕЭК коллегиясына тоскоолдуктарды жойбогондорго айып пул санкцияларын колдонуу боюнча ЕАЭБ сотуна кайрылуу укугун берүү керек", — деди президент.

Жээнбеков Европадан жана Украинадан Кыргызстанга келе турган товарлар менен жүктөрдүн эркин транзитин камсыз кылуу мүмкүнчүлүгүн карап чыгууну сунуш кылган.

ЖЕЭКтин кезектеги жыйыны бүгүн, 19-майда, видеоконференция режиминде өттү. Кыргызстандын, Белоруссиянын, Казакстандын, Россиянын президенттери жана Армениянын премьер-министри ЖЕЭК мүчөлөрү болуп саналат.

ЖЕЭК жыйынына байкоочу өлкөнүн башчысы катары Молдованын президенти катышкан.

89
Белгилер:
биримдик, экономика, транзит, Евразиялык экономикалык биримдик, Кыргызстан
Тема боюнча
Жээнбеков ЕАЭБ жыйынында КР жарандарын мекенине кайтаруу маселесин көтөрдү
Мамлекеттик ипотекалык компаниянын төрайымы Элмира Абжапарова ЕАЭБ

Абжапарова: ипотекалык насыя боюнча Кыргызстан ЕАЭБде үчүнчү орунда

17
(жаңыланган 14:01 21.09.2020)
Мамлекеттик ипотекалык компаниянын төрайымы Элмира Абжапарова ЕАЭБ өлкөлөрүндөгү турак жай менен камсыздоо программаларына саресеп салды.
Абжапарова: ипотекалык насыя боюнча Кыргызстан ЕАЭБде үчүнчү орунда

Мамлекет тарабынан калкты үй менен камсыздоо саясаты Кыргызстанда Евразия экономикалык биримдигине кирген өлкөлөр арасында жаман эмес позицияда турат. Мындай иликтөөсү менен Элмира Абжапарова Sputnik Кыргызстан радиосунун "Ачык кеп" программасында бөлүштү.

Абжапарова: 10 пайыз менен каалаган жаран ипотека ала алат

Анын айтымында, ЕАЭБ өлкөлөрүндө ИДП менен алганда Армения биринчи орунга чыгып, жалпы ички дүң продукциясынын 5,5 пайызын ипотека берүүгө жумшайт. Экинчиде 2,7 пайыз менен Россия турса, Кыргызстан жарандарын турак жай менен камсыз кылууга ИДПсынын 1,6 пайызын коротот.

"ЕАЭБ мамлекеттеринин калкты турак жай менен камсыздоо программалары бири-биринен кескин айырмаланып турат. Бул калкынын санынан, географиялык жайгашуусунан жана кардарлардын төлөө мүмкүнчүлүгүнөн, өлкөнүн ички экономикасынан көз каранды. Кыргызстан бул багытта өтө эле артта эмес. Жалпысынан алганда уюмга мүчө-өлкөлөрдө ипотекалык насыянын орточо пайызы Россия, Казакстанда төрт, Кыргызстанда алты пайыз, Арменияда жети, Беларуста 11 пайызга жакындап барат. Ал эми төлөө мөөнөтү да 10-30 жылды камтып, ар өлкөнүн өзүнө ылайыкташкан программасы бар. Ошондой эле уюмга мүчө бизден башка мамлекеттерде калкты турак жай менен камсыздоо багытында бир гана компания алектенбей, комплекстүү иш алып барышат. Маселен, документтерин чогулткан өзүнчө мекеме болсо, курулуш жагын караган башка ишкана жардамдашат. Кыргызстандан башка өлкөлөрдө мына ушундай системалашкан. Бизде азырынча болгону жалгыз МИК иштеп жатат, себеби өлкөнүн ипотекалык саясатты баштаганына беш гана жыл болду", — деди Абжапарова.

Ал Кыргызстанда МИК тарабынан берилчү ипотеканын мөөнөтүн кийинки беш жылдыктан тарта 20 жылга узартуу сунушу өкмөткө жиберилгендигин кошумчалады.

17
Белгилер:
Элмира Абжапарова, Мамлекеттик ипотекалык компания, Евразиялык экономикалык биримдик, ипотекалык насыя
Тема боюнча
Бизде акча бар! МИК жарандарды мамлекеттик ипотека алууга чакырды
Кыргызстандын банктар союзунун президенти Анвар Абдраев

Абдраев: банк сектору анчалык деле пайдалуу эмес

19
(жаңыланган 13:58 21.09.2020)
Кыргызстандын банктар союзунун президенти Анвар Абдраев өлкөдө айрым кредиттер КМШ мамлекеттерине салыштырмалуу төмөн пайызда бериле турганын белгиледи.
Абдраев: банк сектору анчалык деле пайдалуу эмес

Банк аманаттарды чогултуп, насыяга берет. Ортодо түшкөн каражат ар кандай кызматтарга бөлүнүп отуруп, банктардын пайдасы өтө деле чоң эмес. Бул тууралуу Анвар Абдраев Sputnik Кыргызстан радиосуна маек берип жатып билдирди.

Анын айтымында, насыянын пайызына таасир берүүчү бир нече объективдүү жана субъективдүү себептер бар.

Кыргызстанда пандемия маалында кредит алгандар менен депозиттердин саны өстү

"Айыл чарбаны колдоо максатында ипотека боюнча насыялардын пайыздары Кыргызстанда КМШ боюнча төмөн болуп эсептелет. Өнөктөш мамлекеттердин ичинде кредиттердин пайызы деле биздегиден бир аз эле жогору. Айрымдарында төмөнүрөөк, мындайча айтканда, чоң айырма жок. Алсак, Россияда пайыздык чен орточо 8,11 пайыз, Беларуста 10,4 пайыз, Арменияда 10,5 пайыз. Ал эми калган өлкөлөрдө биздегиден жогору. Ал тургай бизден экономикасы күчтүү Казакстанда 16,7 пайыз менен берилет. Ал эми бизде орточо көрсөткүч 16,75 пайыз. Дүйнө боюнча ала турган болсок, бизде жогору делинет. Буга бир канча себеп бар. Алсак, Кыргызстанда аманаттардын пайызы 13 пайызга чейин жетип, салыштырмалуу кыйла жогору. Банк ортомчу катары иш алып барып, элден аманаттарды алат. Ага ар кандай банктык кызматтарды кошуп, бир аз пайдасын эсептеп, насыяга берет. Бул жагдайдан алганда банк сектору анчалык деле киреше таппайт. Демек, өлкөдө насыянын пайызы төмөн болуш үчүн аманаттардын пайызы дагы ылдый болушу керек", — деди Абдраев.

Ошондой эле ал өлкөдөгү 23 банктын экөө мамлекеттик, бирөө Улуттук банкка караса, калгандары менчик болуп саналарын кошумчалады.

19
Белгилер:
аманат, насыя, банк
Тема боюнча
Кыргызстанда сомдун көлөмү 150 миллиарддан ашып, жаңы рекорд койду
Бишкекте республика боюнча өспүрүм балдардын футболдук мелдеши жыйынтыкталды

Бишкекте тынчтыкты даңазалаган футбол майрамы өттү. Сүрөттөр

0
(жаңыланган 16:03 21.09.2020)
Мелдеште 2010-2011-жылы туулган балдардан куралган 16 команда оюн талаасына чыгып, мөрөй талашты. Жалпысынан 40 беттеш өттү.

БИШКЕК, 21-сен. — Sputnik. Бишкекте республика боюнча өспүрүм балдардын футболдук мелдеши жыйынтыкталды. Бул тууралуу Россиялык илим жана маданият борбору билдирди.

"Биз бүткүл дүйнөдөгү тынчтык үчүн" деген ураандын астында өткөрүлгөн мелдеш Улуу Ата Мекендик согуштагы жеңиштин 75 жылдыгына карата жана Эл аралык тынчтык күнү салтанатынын алкагында өттү.
  • В Бишкеке состоялся турнир по футболу среди детей, посвященный 75-летию Победы в Великой Отечественной войне. 21 сентября 2020 года
    Бишкекте республика боюнча өспүрүм балдардын футболдук мелдеши жыйынтыкталды
    © Фото / пресс-служба РЦНК в Бишкеке
  • В Бишкеке состоялся турнир по футболу среди детей, посвященный 75-летию Победы в Великой Отечественной войне. 21 сентября 2020 года
    Жаш футболчуларды Россотрудничество федералдык агенттигинин Кыргызстандагы өкүлчүлүгүнүн жетекчиси Виктор Нефёдов, өкүлчүлүктүн жаштар жана ыктыярчылар долбоорлорунун куратору Баира Буваева, "Спартак Юниор" футболдук мектебинин директору Константин Шубин куттукташты
    © Фото / пресс-служба РЦНК в Бишкеке
  • В Бишкеке состоялся турнир по футболу среди детей, посвященный 75-летию Победы в Великой Отечественной войне. 21 сентября 2020 года
    Мелдеште 2010-2011-жылы туулган балдардан куралган 16 команда оюн талаасына чыгып, мөрөй талашты
    © Фото / пресс-служба РЦНК в Бишкеке
  • В Бишкеке состоялся турнир по футболу среди детей, посвященный 75-летию Победы в Великой Отечественной войне. 21 сентября 2020 года
    Мелдеште "Мыкты дарбазачы", "Мыкты оюнчу" аныкталып, белектер берилди
    © Фото / пресс-служба РЦНК в Бишкеке
  • В Бишкеке состоялся турнир по футболу среди детей, посвященный 75-летию Победы в Великой Отечественной войне. 21 сентября 2020 года
    Турнир по футболу среди детей, посвященный 75-летию Победы в ВОВ
    © Фото / пресс-служба РЦНК в Бишкеке
  • В Бишкеке состоялся турнир по футболу среди детей, посвященный 75-летию Победы в Великой Отечественной войне. 21 сентября 2020 года
    Турнир по футболу среди детей, посвященный 75-летию Победы в ВОВ
    © Фото / пресс-служба РЦНК в Бишкеке
1 / 6
© Фото / пресс-служба РЦНК в Бишкеке
Бишкекте республика боюнча өспүрүм балдардын футболдук мелдеши жыйынтыкталды

Жаш футболчуларды Россотрудничество федералдык агенттигинин Кыргызстандагы өкүлчүлүгүнүн жетекчиси Виктор Нефёдов, өкүлчүлүктүн жаштар жана ыктыярчылар долбоорлорунун куратору Баира Буваева, "Спартак Юниор" футболдук мектебинин директору Константин Шубин куттукташты.

FIFA футбол командаларынын рейтингин жаңылап, Кыргызстан бир сапка көтөрүлдү

Мелдеште 2010-2011-жылы туулган балдардан куралган 16 команда оюн талаасына чыгып, мөрөй талашты.

"2011-жылы туулган жаш футболчулар арасында "Дордой" командасы чемпион болду. "Азия Гол" командасы экинчи орунду ээлесе, үчүнчү сапка "Илбирс" клубу чыкты", — деп айтылат маалыматта.

Мелдеште "Мыкты дарбазачы", "Мыкты оюнчу" аныкталып, белектер берилди. Дарбазачыларга сыйлыкты Кыргызстандын футбол боюнча улуттук курама командасынын дарбазачысы Павел Матьяш тапшырды.

0
Белгилер:
мелдеш, тынчтык, футбол
Тема боюнча
Гүлжигит Алыкулов "Кайраттын" УЕФА мелдешиндеги голуна жардам берди. Видео