Жүз долларлык банкноталар пачкалар менен чогулуп жатат. Архив

Эгемендүү Кыргызстан энергетика тармагына 1,4 млрд. доллар насыя жана грант алды

96
(жаңыланган 14:22 20.05.2020)
Кыргызстан өз алдынча мамлекет болгондон бери жалпы суммасы 2 миллиард 152,8 миллион долларга бааланган 42 келишимге кол коюлган. Анын ичинен дээрлик 300 миллиону грант, калганы насыя түрүндө.

БИШКЕК, 20-май — Sputnik. Эгемендүүлүк жылдарында Кыргызстан энергетика тармагына 1 миллиард 434,8 миллион долларды кредит жана грант түрүндө алып, пайдаланды. Бул тууралуу Өнөр жай, энергетика жана жер казынасын пайдалануу мамлекеттик комитетинин долбоорлорду ишке ашыруу боюнча адиси Мухаммедимин Аскаров билдирди.

Бул темада энергетика тармагындагы кредиттер боюнча онлайн-сессияда сөз болду.

Анын айтымында, Кыргызстан өз алдынча мамлекет болгондон бери жалпы суммасы 2 миллиард 152,8 миллион долларга бааланган 42 келишимге кол коюлган. Анын ичинен дээрлик 300 миллиону грант, калганы насыя түрүндө келген.

"Быйылкы жылдын 1-январындагы маалымат боюнча, жогорудагы сумманын 1 миллиард 434,8 миллион доллары өздөштүрүлдү. Ошол учурдагы курс менен алганда бул 99,7 миллиард сом", — деди Аскаров.

Адистин айтымында, келишимде көрсөтүлгөн сумма менен өздөштүрүлгөн сумманын ортосундагы айырма долбоорлорду ишке ашыруудагы же тендерлердеги үнөмдөөдөн улам келип чыкты. Экинчиден, айрым долбоорлор аягына чыга элек.

96
Белгилер:
энергетика, грант, кредит, Кыргызстан
Тема боюнча
Жанар Акаев: өкмөт 5 млрд. сомдук жыштыктарды 1700 сомго сатып жиберген
Казакстан менен чектешкен “Чоң-Капка” көзөмөл өткөрмө бекети. Архивдик сүрөт

11 эсе көп жыйналды. Таластын башчысы “Чоң-Капкадагы” контрабанда тууралуу айтты

302
(жаңыланган 13:50 06.06.2020)
2017-жылы “Чоң-Капкадан” бир жылда бюджетке 11 миллион сом гана түшкөн. Быйыл төрт айда эле 94,1 миллион сом жыйналганы айтылат.

БИШКЕК, 6-июн. — Sputnik. Талас облусунун Казакстан менен чектешкен “Чоң-Капка” көзөмөл өткөрмө бекетинен былтыр мурункуга салыштырмалуу 11 эсеге көп салык жыйналды. Бул туурасында өкмөттүн Талас облусундагы өкүлү Марат Мураталиев брифинг учурунда билдирди.

Ал акыркы үч жылда “Чоң-Капка” өткөрмө постундагы коррупциялык иштерге каршы күрөшүү максатында бир топ иштер жасалганын белгилеп өттү.

“Өзүңүздөр билесиздер, экспорт-импорттон салык түшө турган облустагы негизги постубуз “Чоң-Капка”. 2017-жылы бул жерден бир жылда бюджетке 11 миллион сом эле чегерилген. 2018-жылы президенттин тапшырмасы менен ошол жердеги коррупциялык иштерге каршы күрөшүүнүн алкагында 41 миллион сом салык чогулттук. Ал эми 2019-жылы 133,9 миллион сомго жеткирдик. Контрабандалык товарларды ташууга бөгөт коюп, бюджетке көп салык жыйноого аракет кылып жатабыз”, — деди Мураталиев.

Мындан сырткары ал быйылкы жылдын төрт айында эле “Чоң-Капкадан” 94,1 миллион сом салык чогултулуп, бул өткөн жылда топтолгон салыктын дээрлик 70 пайызын түзөрүн билдирди.

302
Белгилер:
жыйноо, "Чоң-Капка" көзөмөл өткөрүү жайы, салык, Талас, Марат Мураталиев
Тема боюнча
Бишкекте аткезчилик менен алып келинген бензинди сатуу эмнеге токтобойт? Жооп
Баткен облусунун башчысы аткезчиликтен канча акча өндүрүлгөнүн айтты
Салык кызматкери рей учурунда. Архив

Салыкчылар аймактагы бизнес менен элдеги мүлктүн эсеп-чотун алууга киришти

55
Салык жана камсыздандыруу төгүмдөрүн төлөөдөн качкан мүлк ээлерине карата административдик чара көрүлөрү эскертилип жатат.

БИШКЕК, 6-июн. — Sputnik. Аймактык салык органдары жакынкы эки жуманын ичинде салык төлөөчүлөргө инвентаризация жүргүзөт. Бул туурасында Салык кызматы билдирди.

Аталган кызматтын төрагасы Кабыл Абдалиев жер-жерлердеги салык органдары салыктын суммасын так эсептөө үчүн зарыл болгон мүлктүн аянтын, коюм жана коэффициенттерди конкреттүү түрдө көрсөтүү менен салык төлөөчүлөргө инвентаризация жүргүзүүгө тапшырма бергени айтылат.

Буга турак жайлар, батирлер, пансионаттар, эс алуу үйлөрү, санаторийлер, курорттор, өндүрүштүк, администрациялык, өнөр жай жана башка ишкердикке багытталган имараттар жана курулмалар, анын ичинде металл жана башка конструкциялардан жасалган убактылуу жайлар кирет. Ошондой эле жер үлүшү, анын ичинде айыл чарба жерлери жана айыл чарба багытындагы эмес жерлер, бак чарба, короо-жай участоктору бар.

"Мында инвентаризация Мамлекеттик каттоо кызматы жана "Кадастр" мамлекеттик мекемеси менен тыгыз байланышта жүргүзүлүүгө тийиш. Салык кызматкерлери инвентаризациялоонун жүрүшүндө мүлк ээси алмашкандыгы же параметрлеринин өзгөргөндүгү боюнча маалыматтарды да жаңылайт", — деп айтылат маалыматта.

Ошондой эле салык жана камсыздандыруу төгүмдөрүн төлөөдөн качкан мүлк ээлерине карата административдик чара көрүлөрү эскертилип жатат.

55
Белгилер:
ишкердик, мүлк, инвентаризациялоо, салык
Тема боюнча
Бюджетти толтуруу үчүн ички киреше булактары аныкталууда. Алар кайсылар?
Жогорку Кеңештин төрагасы Дастан Жумабеков. Архивдик сүрөт

Дастан Жумабеков көк бөрүчү Кушчубай Илис уулуна автоунаа белек кылды. Видео

0
(жаңыланган 16:39 06.06.2020)
Спикер 2019-жылдагы мыкты көк бөрүчүлөрдүн бирине Volkswagen Vento үлгүсүндөгү автоунаа тартуулаган.

БИШКЕК, 6-июн. — Sputnik. Жогорку Кеңештин төрагасы Дастан Жумабеков "Ынтымак" командасынын улакчысы Кушчубай Илис уулуна автоунаа белек кылды. Бул туурасында спикер Instagram баракчасына жарыялады.

Посмотреть эту публикацию в Instagram

Публикация от Дастанбек Джумабеков (@dastanbek_djumabekov_official)

Анда төрага 2019-жылдагы мыкты көк бөрүчүлөрдүн бири Илис уулуна Volkswagen Vento үлгүсүндөгү автоунаа тартуулаганы айтылат.

"Төрага Дастан Жумабеков эл аралык класстагы спорт чебери, жаш улакчыга ийгиликтерди жана жаңы жеңиштерди каалады", — деп жазылган.

Автокөлүктүн ачкычын Бишкекте Жогорку Кеңештин имаратынын жанында тапшырганын көрүүгө болот.

0
Белгилер:
белек, автоунаа, улакчы, Дастанбек Жумабеков
Тема боюнча
Германияга чейин барган. Төрага Жумабеков чоң атасы тууралуу айтып берген видео
Президент Аалы Туткучев баштаган сыймыктуу уул-кыздардын энелерин сыйлады. Сүрөт