Доллар акчасы. Архивдик сүрөт

Кыргызстанда бир доллардын баасы 74 сомдон ылдыйлады

303
(жаңыланган 16:04 21.05.2020)
Бүгүн эртең менен Бишкектин банк жана акча алмаштыруу пунктуларында доллар 74,5 сомго сатып алынып, 74,7 сомго сатылып жаткан.

БИШКЕК, 21-май — Sputnik. Бейшемби, 21-май күнү, Кыргызстанда доллардын баасы улам төмөндөп жатат. Бул тууралуу Valuta.kg порталындагы саат 15:00гө карата маалыматка таянып айтсак болот.

Бүгүн эртең менен Бишкектин банк жана акча алмаштыруу пунктуларында доллар 74,5 сомго сатып алынып, 74,7 сомго сатылып жаткан.

15:00гө карата доллардын курсу төмөнкүдөй болду:

  • сатып алуу — 73төн 73,3 сомго чейин;
  • сатуу — 73,6дан 74 сомго чейин.
  • Москва биржасындагы доллар баасы (Бишкек убактысы боюнча саат 14:40):
  • бүгүнкүгө — 70,87 рубль;
  • эртеңкиге — 70,87 рубль.

Мурдагы суткага салыштырмалуу доллар 1,25-1,26 рублге арзандады.

Июль айында сатылчу нефтиге коюлган баалар (Бишкек убактысы боюнча 15:00):
Brent үлгүсү (Европа жана Азиядагы баанын түзүлүшүнө таасир этет) — 36,53 (1,58 пайызга кымбаттады);

Light Sweet Crude Oil үлгүсү (Батыш жарым шарындагы баанын түзүлүшүнө таасир этет) — 34,8 (2,27 пайызга кымбаттады).

Быйыл ОПЕК+ өлкөлөрүнүн келишими бузулуп, натыйжада Brent жана WTI маркаларынын наркы кыйла арзандаган. Жыйынтыгында рублдин курсу долларга карата арзандап, анын арты менен сомдун баасы түшкөн. Ал эми доллар эки ирет 85 сомго чейин кымбаттоого жетишти.

Бирок кийин ОПЕК+ кызматташтык тууралуу сүйлөшүүлөрүнөн кийин 2020-жылдын 1-майынан баштап нефть казуунун көлөмүн суткасына 9,7 миллион баррелге азайтуу чечими кабыл алынган

303
Белгилер:
баа, доллар, Бишкек, Кыргызстан
Тема боюнча
Дизель майы менен бензин 3 сомго арзандады
Коронавирус менен күрөшкөн медиктер. Архивдик сүрөт

G20 өлкөлөрү коронавирус менен күрөшүүгө 21 миллиард доллар бөлөт

74
(жаңыланган 19:33 06.06.2020)
Дүйнөлүк саламаттыкты сактоо уюмунун соңку маалыматы боюнча, вирус 6,5 миллиондон ашуун адамга жугуп, 387 миң бейтап каза тапты.

БИШКЕК, 6-июн. — Sputnik. G20 мамлекеттери коронавирус менен күрөшүүгө 21 миллиард доллар бөлөт. Бул туурасында РИА Новости жазды.

Бул каражаттар вакцина чыгарууга, диагнозду аныктоого, дарылоого жана иликтөөлөрдү жүргүзүүгө жумшалат.

"G20 чакырылган өлкөлөр менен биргеликте COVID-19 пандемиясына каршы күрөшүүнү колдоо боюнча өз күчүн жумшайт. Азыркы тапта G20 мүчөлөрү жана чакырылган өлкөлөр дүйнөдөгү бардык саламаттык сактоо тармагына каржылык колдоо көрсөтүү үчүн 21 миллиард доллар бөлөт", — деп жазылат билдирүүдө.

Бүгүнкү күндө COVID-19 планетадагы бардык мамлекеттерди каптады. Дүйнөлүк саламаттыкты сактоо уюмунун соңку маалыматы боюнча, вирус 6,5 миллиондон ашуун адамга жугуп, 387 миң бейтап каза тапты.

74
Белгилер:
G20, каражат, вакцина, коронавирус
Тема:
Кытайдагы жаңы типтеги коронавирус
Тема боюнча
Кыргызстанда өткөн суткада 20 бейтап коронавирустан айыкты
Россияда коронавируска каршы вакцина кийинки жумада чыгып, акысыз берилет
Москвада коронавирустан улам кирген чектөөлөр качан алынары айтылды
Казакстан менен чектешкен “Чоң-Капка” көзөмөл өткөрмө бекети. Архивдик сүрөт

11 эсе көп жыйналды. Таластын башчысы “Чоң-Капкадагы” контрабанда тууралуу айтты

1083
(жаңыланган 13:50 06.06.2020)
2017-жылы “Чоң-Капкадан” бир жылда бюджетке 11 миллион сом гана түшкөн. Быйыл төрт айда эле 94,1 миллион сом жыйналганы айтылат.

БИШКЕК, 6-июн. — Sputnik. Талас облусунун Казакстан менен чектешкен “Чоң-Капка” көзөмөл өткөрмө бекетинен былтыр мурункуга салыштырмалуу 11 эсеге көп салык жыйналды. Бул туурасында өкмөттүн Талас облусундагы өкүлү Марат Мураталиев брифинг учурунда билдирди.

Ал акыркы үч жылда “Чоң-Капка” өткөрмө постундагы коррупциялык иштерге каршы күрөшүү максатында бир топ иштер жасалганын белгилеп өттү.

“Өзүңүздөр билесиздер, экспорт-импорттон салык түшө турган облустагы негизги постубуз “Чоң-Капка”. 2017-жылы бул жерден бир жылда бюджетке 11 миллион сом эле чегерилген. 2018-жылы президенттин тапшырмасы менен ошол жердеги коррупциялык иштерге каршы күрөшүүнүн алкагында 41 миллион сом салык чогулттук. Ал эми 2019-жылы 133,9 миллион сомго жеткирдик. Контрабандалык товарларды ташууга бөгөт коюп, бюджетке көп салык жыйноого аракет кылып жатабыз”, — деди Мураталиев.

Мындан сырткары ал быйылкы жылдын төрт айында эле “Чоң-Капкадан” 94,1 миллион сом салык чогултулуп, бул өткөн жылда топтолгон салыктын дээрлик 70 пайызын түзөрүн билдирди.

1083
Белгилер:
жыйноо, "Чоң-Капка" көзөмөл өткөрүү жайы, салык, Талас, Марат Мураталиев
Тема боюнча
Бишкекте аткезчилик менен алып келинген бензинди сатуу эмнеге токтобойт? Жооп
Баткен облусунун башчысы аткезчиликтен канча акча өндүрүлгөнүн айтты
Медициналык беткаптагы балдар ойноп жатышат

COVID-19: Кытайда эпидемиологиялык кооптуулук төмөндөдү

0
Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталган.

БИШКЕК, 7-июн. — Sputnik. Кытайдагы аймактардын баарында коронавирус боюнча эпидемиологиялык кооптуулук төмөндөдү. Бул тууралуу РИА Новости жазды.

Билдирмеге ылайык, жекшемби күнү Цзилинь шаарынын бийлиги райондордогу эпидемиологиялык кооптуулукту жогорку көрсөткүчтөн төмөнкү, ортоңкудан төмөнкү көрсөткүчтөргө ылдыйлата алышкан.

Жыйынтыгында Кытайда коронавирус боюнча эпидемиологиялык абал кооптуу делген бир да район калган эмес.

Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталгандыктан, айрым шаарлар кайра кооптуу аймакка кирген.

Коронавирус тууралуу

2019-жылдын декабрь айынын аягында Кытайдын Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган.

0
Белгилер:
кооптуулук, эпидемия, коронавирус, аймак, Кытай
Тема:
Кытайдагы жаңы типтеги коронавирус
Тема боюнча
Казакстан президентинин маалымат катчысынан COVID табылды
G20 өлкөлөрү коронавирус менен күрөшүүгө 21 миллиард доллар бөлөт