Кыргыз Республикасынын вице-премьер-министри Эркин Асрандиев. Архив

Асрандиев: өкмөт Россия менен газдын баасын арзандатууну сүйлөшүүдө

69
(жаңыланган 17:43 21.05.2020)
Көгүлтүр оттун баасын жөнгө салуу Россия менен түзүлгөн эки тараптуу келишимдин негизинде жүргүзүлмөкчү.

БИШКЕК, 21-май — Sputnik. Өкмөт Россия тарап менен жаратылыш газынын баасын төмөндөтүү боюнча сүйлөшүүлөрдү жүргүзүүдө. Бул маалыматты вице-премьер Эркин Асрандиевге таянып өкмөттүн маалымат кызматы кабарлады.

"Бүгүн COVID-19 пандемиясына байланыштуу дүйнөлүк экономикалык кризис экономикабызга бир кыйла таасир берүүдө. Муну менен бирге АКШ долларына карата улуттук валютанын курсу дагы төмөндөдү. Мунун баары экономикалык ишмердүүлүктүн басымдуу бөлүгүнүн ишин токтотууга алып келди. Калктын сатып алуу жөндөмдүүлүгү да төмөндөдү. Ошондуктан биз Россия менен жаратылыш газынын чыккан баасын төмөндөтүү жана эсептешүүлөрдү улуттук валюта менен жүргүзүү үчүн сүйлөшүүлөрдү активдүү жүргүзүп жатабыз. Бул биз үчүн өтө аярлуу маселе болуп саналат", — деди вице-премьер.

Эркин Асрандиев бүгүнкү күндө көгүлтүр оттун баасын жөнгө салуу Россия менен түзүлгөн эки тараптуу келишимдин негизинде жүргүзүлөрүн эске салды.

"ЕАЭБ алкагындагы келишимге ылайык, газдын жалпы рыногун түзүү 2025-жылга пландалууда. Учурда Кыргызстан өзүнүн чек арасында газды кыргыз өкмөтүнүн жана Россия өкмөтүнүн ортосундагы жаратылыш газын ташуу, бөлүштүрүү жана сатуу чөйрөсүндө кызматташуу тууралуу Келишимге ылайык сатып алат", — деди ал.

Учурда ЕАЭБдин 2025-жылга чейинки стратегиялык багыттары тууралуу документти иштеп чыгуу аяктап, анын алкагында газ ташуунун тарифи талкууланууда. Айтмакчы, бул маселени 19-майда мамлекет башчылары Жогорку евразиялык экономикалык кеңештин отурумунда талкуулашкан. Анда Кыргызстан газды ташып жеткирүү тарифтерин чыгарылган өлкөгө карабастан, дискриминациялык эмес мамилелерди колдору белгиленген.

69
Белгилер:
сүйлөшүүлөр, баа, тариф, газ, Эркин Асрандиев, Евразиялык экономикалык биримдик, Кыргызстан
Тема боюнча
Каатчылык коркунучу жана ЕАЭБдин жаңы стратегиясы. Жыйынга сереп
Жаңы кооптуулук: Катар газ "согушуна" кирүүгө ниеттенип жатат
Кумтөр Голд Компани ишканасы. Архив

9 млрд. сом салык төлөгөн эмес. "Кумтөрдүн" Финполдун айыптоосуна комментарийи

428
(жаңыланган 13:14 27.10.2020)
Компания Салык кызматы жана Социалдык фонддун кызматтагы адамдары менен жең ичинен сүйлөшүп алганы белгиленген.

БИШКЕК, 27-окт. — Sputnik. "Кумтөр Голд Компани" ишканасы Экономикалык кылмыштарга каршы күрөшүү кызматы (Финпол) тарабынан эч кандай билдирүү алган эмес. Бул туурасында компаниянын маалымат кызматынын жетекчиси Марина Гаврилова билдирди.

Финпол бүгүн алтын казуучу "К.Г.К." жабык акционердик коому бюджетке 9 миллиард сомдон ашык зыян келтиргени аныкталганын жарыялады. Ага ылайык, компания Салык кызматы жана Социалдык фонддун кызматтагы адамдары менен жең ичинен сүйлөшүп, салык жана камсыздандыруу төлөмдөрүн толук төлөбөй келген.

Буга байланыштуу "К.Г.К." деген аббревиатура менен жазылган "Кумтөр Голд Компани" гана бар экени айтылып жатат.

Садыр Жапаров: "Кумтөрдү" мамлекетке алайын деген оюм жок

Аталган факт Кылмыш жана жоруктардын бирдиктүү реестрине Жазык кодексинин 319-беренеси ("Коррупция") менен катталды. Учурда тергөө жүрүп жатат.

428
Белгилер:
компания, финансы полициясы, Кумтөр, салык
Тема боюнча
Финпол: тез жардам унааларын 1 млн. долларга кымбат алгандарга иш козголду
УКМК: коррупциялык иштерге күбө болгондор үчүн ишеним телефондор иштей баштады
Алтын кениндеги оор жүк ташуучу самосвалдар. Архив

Финпол: алтын казган компаниянын 9 млрд. сом салык төлөбөй жүргөнү аныкталды

1292
(жаңыланган 11:43 27.10.2020)
Аталган факт Кылмыш жана жоруктардын бирдиктүү реестрине Жазык кодексинин 319-беренеси ("Коррупция") менен катталды.

БИШКЕК, 27-окт. — Sputnik. Социалдык фонд жана Салык кызматында иштеген кызматкерлер аралашкан коррупциялык схема аныкталды. Бул туурасында Экономикалык кылымыштарга каршы күрөшүү кызматы (Финпол) билдирди.

Маалыматта мындай коррупциялык иштердин кесепетинен мамлекеттик бюджетке 9 миллиард сомдон ашуун каражат түшпөй калганы айтылат.

Сыймык Жапыкеев: Финпол ишкерлер менен ачык диалогго даяр

"Жогоруда белгиленген кызмат адамдары колундагы бийлигин пайдаланып жең ичинен каражат алып туруу үчүн мыйзамга каршы келген байланыш түзгөн. Бул үчүн коомчулуктун жана мамлекеттин кызыкчылыгына кооптуулук жараткан алтын казуучу "КГ.К." компаниясына артыкчылыктарды берген. Мунун натыйжасында компания салык жана камсыздандыруу төлөмдөрүн төлөбөй келген", — деп айтылат маалыматта.

Аталган факт Кылмыш жана жоруктардын бирдиктүү реестрине Жазык кодексинин 319-беренеси ("Коррупция") менен катталды. Учурда тергөө жүрүп жатат.

1292
Белгилер:
коррупция, бюджет, салык, компания, финансы полициясы
Тема боюнча
Башкы прокуратура: Атамбаев, Шадиев сыяктуулар өлкөгө 13,6 млрд. сом зыян келтирген
Финпол: тез жардам унааларын 1 млн. долларга кымбат алгандарга иш козголду

Бишкекте абаны булгаган автоунааларды аныктоо үчүн рейд жүрүүдө. Видео

0
(жаңыланган 14:47 27.10.2020)
Рейдге Жол кыймылы коопсуздугун камсыздоо башкармалыгынын кызматкерлери да чыгып жатканы кошумчаланды.

Абага зыяндуу заттарды нормадан ашык чыгарып жаткан автоунааларды аныктоо максатында борбор калаада атайын рейд жүрүүдө. Бул тууралуу Экологиялык жана техникалык коопсуздук боюнча мамлекеттик инспекциядан билдиришти.

Маалым болгондой, Мамэкотехинспекциянын жетекчисинин тапшырмасы менен Бишкектеги экологиялык абалды жакшыртуу боюнча комплекстүү чара көрүү планы иштелип чыккан. Рейд ошол пландын алкагында жүрүп жатат.

Автоунаалардын зыяндуулугу газ анализдеген автотест ченегичтер менен текшерилип жатканы айтылды.

"Азыр көп автоунаалардын катализатор системасы жок. Бул атмосфераны булгайт. Ошондуктан абага чыгып жаткан зыяндуу заттарды азайтуу үчүн машиналарыңарга катализатор системасын орнотууңуздарды суранабыз", — деп айтылат маалыматта.

Бишкек: рейд учурунда коронавирустун жайылышына шарт түзгөндөр аныкталды

Рейдге Жол кыймылы коопсуздугун камсыздоо башкармалыгынын кызматкерлери да чыгып жатканы кошумчаланды.

0
Белгилер:
Экологиялык жана техникалык коопсуздук боюнча Мамлекеттик инспекция, зыян, автоунаа, тазалык, аба
Тема боюнча
Кыргызстандын шаарларындагы аба канчалык кир экени айтылды