Жогорку Кеңештин депутаты Канат Исаев

Депутат: өкмөт бюджетке 6 млн. сом төлөчү ишкананы 60 миң сом төлөгүдөй кылды

254
(жаңыланган 18:21 21.05.2020)
Парламентте пандемия шартында бюджетке түшкөн кирешелердин өлчөмү кескин кыскарып кеткендиктен, быйылкы жылдын бюджетине өзгөртүүлөрдү киргизүү боюнча мыйзам долбоору экинчи окууда каралып жатат.

БИШКЕК, 21-май — Sputnik. Өкмөт учурда жылына бюджетке 100 миллион сомго чейин төлөп берүүгө кудурети жеткен "Бишкек" эркин экономикалык аймагы (БЭА) жылына 60 миң сом төлөгүдөй кылып койду. Бул тууралуу парламентте өкмөт мүчөлөрүнө суроо берип жатып депутат Канат Исаев айтты.

Эске салсак, учурда Жогорку Кеңеште 2020-жылдын бюджетин өзгөртүү боюнча мыйзам долбоору каралып жатат.

"2020-жылдын 5-мартында өкмөттүн 130-токтому менен "Бишкек" эркин экономикалык аймагынын бюджетке төлөмү 2 пайыздан 0,02 пайызга төмөндөтүлүптүр. Билишимче, жылына 300 миллион сом чогулткан аймак 6 миллион сом мамлекетке төлөмөк экен. Эми аны силер 60 миң сомго түшүрүп жатасыңар. "Дордойдогу" бир контейнер айына 10 миң, жылына 120 миң сом төлөсө, биздин 300 гектар аянты бар эркин экономикалык аймак 60 миң сом төлөй турган кылып койдуңар. Чындыгында 300 миллион сом тапкан жерден 100 миллион сомго чейин алып, бюджетти толтурса болот", — деди депутат.

Жыйында отурган премьер-министр Мухаммедкалый Абылгазиев бул боюнча маалыматты тактап, кемчиликтер болсо өзгөртүүлөр киргизилерин айтты.

Ал эми Исаев өзгөртүүлөр гана киргизилбей, буга юридикалык жактан дагы баа берилиши керектигин белгиледи.

Айта кетсек, эркин экономикалык аймактардын негизги максаты — чет элдик инвестицияларды тартуу, сапаттуу жана экспорттук продукцияларды өндүрүү, жумушчу орундарын түзүү, калктын турмуш деңгээлин жакшыртууга салым кошуу.

254
Белгилер:
каражат, киреше, Мухаммедкалый Абылгазиев, Бишкек
Тема боюнча
Асрандиев: өкмөт Россия менен газдын баасын арзандатууну сүйлөшүүдө
Акча каражаттары. Архив

Финансылык чалгындоо кызматы былтыр мамлекетке канча акча кайтарганы айтылды

44
(жаңыланган 15:48 27.05.2020)
Жогорку Кеңеште "Террористтик ишти каржылоого жана кылмыштуу кирешелерди легалдаштырууга каршы аракеттенүү жөнүндө" мыйзамын өзгөртүү тууралуу" мыйзам долбоору биринчи окууда каралды.

БИШКЕК, 27-май — Sputnik. Былтыр мамлекетке террордук аракеттерди каржылоо жана мыйзамсыз кирешелерди адалдаштыруу боюнча жүргүзүлгөн иштен жалпысынан 6,5 миллиард сом кайтарылган. Бул тууралуу Финансылык чалгындоо кызматынын жетекчиси Гуламжан Анарбаев парламент жыйынында билдирди.

Жогорку Кеңеште "Террористтик ишти каржылоого жана кылмыштуу кирешелерди легалдаштырууга каршы аракеттенүү жөнүндө" мыйзамын өзгөртүү тууралуу" мыйзам долбоору биринчи окууда каралды.

Жетекчиге депутат Элвира Сурабалдиева канча кылмыш иши ачылып, анын канчасы сотко жеткендиги боюнча суроо берди.

"6,5 миллиард сом бажы менен салыктан келген каражат. Ошондой эле 175 миллон сом мамлекеттик бюджетке түшкөн", — деди Анарбаев.

Ал былтыр террордук ишти каржылоого жана мыйзамсыз кирешелерди адалдаштыруу боюнча 200дөй ишти тиешелүү органдарга өткөрүп бергенин айтты. Анткен менен сотко жеткени тууралуу маалымат албаганын билдирди.

44
Белгилер:
бюджет, каражат, Жогорку Кеңеш, Гуламжан Анарбаев
Тема боюнча
Жыштык сатуу чыры: УКМК кызматкерлери баш болуп 5 киши кармалды
Жумушчу жогорку чыңалуудагы электр чубалгысын монтаэ кылып жатат. Архив

Казакстандан 500 млн. кВт/саат энергия импорттоо макулдашылды. Баа өзгөрөбү

93
(жаңыланган 13:36 27.05.2020)
Мындан сырткары, Кыргызстан менен Казакстан 300 миллион киловатт-саатты алмашат: электр кубаты жайкысын Казакстанга жиберилсе, күзүндө кайра кайтарылат.

БИШКЕК, 27-май — Sputnik. Казакстандан 500 миллион киловатт-саат электр энергия алуу боюнча макулдашылды. Бул тууралуу Улуттук энергохолдингдин башчысы Айтмамат Назаров брифинг учурунда билдирди.

Анын айтымында, быйыл суунун аз болгондугунан электр энергияны импорттоо пландалууда. Мындан сырткары, Кыргызстан менен Казакстан 300 миллион киловатт-саатты алмашат: электр кубаты жайкысын Казакстанга жиберилсе, күзүндө кайра кайтарылат.

"Ошондой эле 500 миллион киловатт-саат энергияны импорттоо боюнча макулдашуу бар. Ал декабрь айынын соңунан баштап келе баштайт. Мындайча айтканда, 300 миллион киловатт-саат өзүнчө товар алмашуу. Азырынча келишимге кол коюла элек", — деди Назаров.

Жарыктын баасы айтылган жок. Себеби электр энергиясын сатуу боюнча Тажикстан жана Түркмөнстан менен сүйлөшүүлөр жүрүп жатат.

Суу  сактагыч. Архивдик сүрөт
© Пресс-служба президента КР / Султан Досалиев
Ошол эле маалда Улуттук энергохолдингдин жетекчиси жаралган абалга байланыштуу Кыргызстанда электр энергиясына баа өзгөрбөй тургандыгын кошумчалады.

"Миллиард киловатт-саат энергия сатып алууну пландап жатабыз. Анын баасы элге бергенге караганда кымбат, бирок баа көтөрүлбөйт ", — деп айтты Назаров.

Жогоруда аталган көлөмдөгү энергияны сатып алуу үчүн Кыргызстан коңшу мамлекеттер менен сүйлөшүүлөрдү жүргүзүүдө.

93
Белгилер:
Суу, сатуу, электр энергиясы, Кыргызстан
Тема боюнча
Электр энергиясына коюлган жаңы тариф 1-июлдан тарта күчүнө кирет
Кыргызстан Түркмөнстан баштаган өлкөлөрдөн электр энергиясын сатып алат
Нью-Йорк шаарынын Таймс-сквериндеги көчө шыпыргыч

Америкада депрессияга түшүп, тынчсыздангандар кескин көбөйдү

0
(жаңыланган 10:28 28.05.2020)
АКШнын Эл каттоо кызматы пандемиянын ар кайсы тармакка тийгизген таасирин баалоо үчүн жума сайын сурамжылоо жүргүзө баштады.

БИШКЕК, 28-май — Sputnik. Америкада пандемия башталгандан бери депрессия менен тынчсызданууга кабылгандар кескин көбөйдү. Бул тууралуу Washington Post АКШнын Эл каттоо кызматынын изилдөөсүнө таянып жазды.

Бюро апрелдин аягында жумушка орношуу, финансы, билим берүү жана саламаттык сактоо чөйрөсүнө пандемиянын тийгизген таасирин баалоо үчүн жума сайын сурамжылоо жүргүзө баштаган. Акыркы сурамжылоо 7-майдан 12-майга чейин жүргүзүлүп, ага 42 миң респондент катышкан. Анда адамдардын психикалык абалын билүү үчүн төрт суроо берилген.

Басылманын маалыматы боюнча, иликтөөгө катышкандардын 24 пайызында олуттуу депрессиянын белгилери аныкталса, 30 пайызында тынчсыздануу байкалган. Мындай симптомдор көбүнчө жаштарда кездешкени айтылат. Ошондой эле эркектерге караганда аялдарда тынчсыздануу менен депрессия көп катталган.

Адистер пандемияга чейин бул көрсөткүч кыйла ылдый болгонун белгилешет. Маселен, 2014-жылы сурамжылоого катышкандардын 25 пайызы маанайы чөгүп жүргөнүн айткан. 2020-жылы бул статистика 50 пайызга өскөн. Анын 10 пайызы күн сайын маанайы жок экендигин билдиришкен.

АКШнын калкты каттоо бюросу үч ай ичинде жума сайын сурамжылоо өткөрүүнү ниеттенип жатат.

Америка COVID-19 инфекциясы аныкталган учурлардын саны боюнча дүйнөдө биринчи орунда турат. Ал жакта ооругандардын саны 1 миллион 600 миңден ашып, жүз миңден көп киши көз жумду.

0
Белгилер:
депрессия, пандемия, коронавирус, АКШ
Тема:
Кытайдагы жаңы типтеги коронавирус
Тема боюнча
Коронавируска каршы Япония чыгарган вакцина июлда сынактан өтөт
Япония Кыргызстан баш болгон 11 өлкөнүн жарандарына кирүүгө тыюу салды