Асрандиев: КМШ аймагында жүктү тоскоолдуксуз ташууга шарт түзүшүбүз керек

© Sputnik / Виктор Толочко / Медиабанкка өтүүЧек ара бекетинде жүк ташуучу унаа. Архив
Чек ара бекетинде жүк ташуучу унаа. Архив - Sputnik Кыргызстан
Жазылуу
Асрандиев коронавирус инфекциясына каршы күрөшүүдө кыргыз тарапка берген жардамы үчүн өнөктөш өлкөлөргө ыраазычылык билдирди.

БИШКЕК, 29-май — Sputnik. COVID-19 менен күрөшүү өз ара соодага, жүк ташууга тоскоол болбошу керек. Бул тууралуу вице-премьер-министр Эркин Асрандиев КМШга мүчө өлкөлөрдүн премьер-министрлердин саммитинде айтканын өкмөттүн маалымат кызматы кабарлады.

Ал COVID-19га каршы күрөшүү боюнча биргелешкен аракеттер белгиленген өндүрүштүк-кооперациялык чынжырчалардын үзгүлтүккө учурашына алып келбөөгө тийиш экендигин айткан

"Жалпы обочолонуу жана чек араларды аргасыздан жабуу шартында биз үчүн өлкөлөр ортосундагы, алыскы чет мамлекеттерге жүк ташууну тоскоолдуксуз ишке ашырууну камсыз кылуу маанилүү. Макроэкономикалык туруктуулукту камсыз кылууда өлкөлөрдүн ырааттуулугу чоң роль ойнойт. Биз КМШга мүчө-өлкөлөрдүн аймагы боюнча жүктү тоскоолдуксуз ташууну шарттаган жашыл коридорду уюштуруубуз керек", — деген вице-премьер-министр.

Асрандиев коронавирус инфекциясына каршы күрөшүүдө кыргыз тарапка берген жардамы үчүн өнөктөш өлкөлөргө ыраазычылык билдирди.

Курс валют сома - Sputnik Кыргызстан
Тышкы карыз көйгөйү кантип чечилет? Жээнбековдун сунуштарына түшүндүрмө
"Кырдаал биздин бири-бирибизге байланыштуу жана бири-бирибизге көз каранды экенибизди көрсөттү. Андыктан өлкөнүн экономикалык, финансылык, социалдык жана гуманитардык чөйрөсү үчүн кесепеттерди жоюу тууралуу жамааттык чараларды иштеп чыгуу боюнча документ маанилүү жана аны кабыл алууну колдойбуз. Ошондой эле кыргыз тарап учурда КМШ өлкөлөрүндө экономиканын реалдуу секторун калыбына келтирүү жана ишкердик жигердүүлүктү өркүндөтүү боюнча тажрыйба алмашуу убактысы келди деп эсептейт", — деген Асрандиев.

Вице-премьер ошол эле учурда кризистен кийинки өнүгүүдө Шериктештик мейкиндигинде экономикалык активдүүлүктү этап-этабы менен калыбына келтирүү маселелери боюнча өз ара иштөө маанилүү экендигин айткан.

Асрандиев кызматташтыктын башка тармактарында, анын ичинде спорт, туризм жана жаштар саясатындагы маселелерди илгерилетүү боюнча иштер улантыларына ишеним арткан.

Жаңылыктар түрмөгү
0