ЕАЭБ мамлекеттирин желектери. Архив

Ички соода-сатыктагы көйгөйдү жоюу. ЕЭК бир катар чараларды сунуштады

132
(жаңыланган 23:34 19.06.2020)
Коллегиядан ал иш-чаралар менен буга чейин кабыл алган чечимдер көйгөйлөрдү тез чечүүгө көмөктөшөт деп ишендирүүдө.

БИШКЕК, 19-июн. — Sputnik. Евразиялык экономикалык комиссиянын кеңеши ички соодадагы тоскоолдуктарды жоюу жаатында жогорку деңгээлдеги жумушчу топту өзгөртүү боюнча чечим кабыл алды. Бул тууралуу уюмдун маалымат кызматы кабарлады.

18-июнда Евразиялык экономикалык комиссия жана анын коллегиясы ЕАЭБдеги ички соода боюнча маселелерди карап чыкты. 2020-жылдын 19-майында ЕАЭБдин мамлекет башчылары биримдиктин ички рыногундагы тоскоолдуктарын алуу боюнча жалпы иш-аракеттерди кабыл алган. Учурда айрым жоболор такталып, аны аткаруунун пландары даярдалууда.

Буга чейин ЕЭК коллегиясы Казакстандын чек арасындагы текшерүүлөр ЕАЭБдин ички базарына айрым маселелерди жаратып жаткандыгын билдирип, коңшу мамлекеттин өкмөтүнө Кыргызстандан келген товарларды ашыкча текшерүүнү алып салууну суранган.

ЕЭК коллегиясынын төрагасы Михаил Мясникович соода алака боюнча механизмдерди иштеп чыгууда ыкчам аракеттери көрүүчү чечим кабыл алууну сунуштаган.

ЕЭК кеңешин мүчөлөрү Кыргызстан, Армения, Белоруссия, Казакстан менен Россия түшүнбөстүктөр жана талаш маселелер боюнча өз сунуштарын берген. Ал эми ЕЭКтин кеңеши жогорку деңгээлдеги жумушчу топту түзүү, "жол картасын" иштеп чыгуу боюнча чечим кабыл алды.

"Бул аракеттер салык жана бажы тармагындагы маалыматтар менен бөлүшүүгө шарт түзөт. Биримдиктин чек арасында үчүнчү мамлекеттерден келген импорт товарларды каттоодогу иш-аракеттерди макулдашып, бирдиктүү мамиле жасоону жакшыртат. Импорт товарлардын жүрүүсү боюнча ыкчам чара көрүүнү камсыздайт", — деп жазылат маалыматта.

Коллегиядан ал иш-чаралар жана буга чейин кабыл алган чечимдер көйгөйдү тез чечүүгө көмөктөшөт деп ишендирүүдө.

132
Белгилер:
чек ара, комиссия, ЕЭК
Тема:
ЕАЭБдеги Кыргызстан (240)
Тема боюнча
Казакстандын чек арадагы көргөн чараларын ЕЭК коллегиясы тоскоолдук катары тааныды
Алишеров: казак тарап өздөрү чек арада көйгөй жаратып жатканын моюндады
Жүк ташуучу унаа. Архив

Баткенде аткезчиликке бөгөт коюу үчүн мобилдүү топтор иштеп жатат

54
(жаңыланган 17:47 03.03.2021)
Мобилдик топ май куюучу жайлардын ээлерине мыйзам чегинде иш алып баруу боюнча түшүндүрүү иштерин жүргүзүүдө.

БИШКЕК, 3-мар. — Sputnik. Баткен облусунун чек аралаш аймактарында мобилдүү топтор иштеп, аткезчиликке каршы күрөш күчөтүлдү. Бул тууралуу өкмөттүн Баткен облусундагы өкүлүнүн маалымат кызматы билдирди.

УКМК, чек ара, салык, милиция, бажы, экономикалык кылмыштуулукка каршы күрөшүү кызматынын, ӨКМдин облустук башкармалыгы жана аймактык экологиялык жана техникалык коопсуздук боюнча башкармалыгынын адистеринен түзүлгөн мобилдүү топтор аткезчилик тобокелчилиги жогору болгон аймактарда атайын мониторинг жүргүзүүдө.

"Кечээ, 2-мартта, мобилдүү топ Лейлек районунун чек арадагы Жаңы-Жер айыл аймагынын Арка айылында, кыргыз-тажик чек арасынан өткөн Исфара — Худжанд жолунун боюнда жайгашкан (аталган жол Кыргызстандын аймагы аркылуу да өтөт) Кыргызстанга тийиштүү май куюучу жайларга (АЗС) кароо жүргүзүштү", — деп айтылат маалыматта.

Мобилдик топ май куюучу жайлардын ээлерине мыйзам чегинде иш алып баруу боюнча түшүндүрүү иштерин жүргүзүп, иштебей турган жайлардын ээлерине мыйзамсыз иш-аракеттерден алыс болууну эскертишкен.

Белгилеп кетсек, эл арасында иштебей турган май куюучу жайлар кошуна мамлекеттерге аткезчилик жол менен күйүүчү май саткан учурлар жөнүндө такталбаган маалыматтар айтылып келет.

Аймактык салык кызматынын маалыматына ылайык, Исфара — Худжанд жолунун боюнда эле Кыргызстанга тийиштүү 26 май куюучу жай жайгашкан. Анын ичинен бүгүнкү күндө салык кызматы тарабынан мунай заттарды берүүнүн автоматташтырылган электрондук системасына (АСУ) туташкан 17 АЗС иштеп жатат.

Ал эми калган 9 АЗС АСУ системасына туташпагандыктан салык кызматы тарабынан жабылган.

Лейлек районунда жалпы 73 май куюучу жай катталган. Учурда анын 42си АСУ системасына туташтырылып, иштеп жатат. 25 салык кызматы тарабынан жабылып, дагы алтоо ишке жараксыз экендиги аныкталган.

Белгилей кетсек, 1-мартта өкмөттүн облустагы ыйгарым укуктуу өкүлү Өмүрбек Суваналиев облустун күч түзүмдөрү менен кеңешме өткөргөн. Анда аткезчиликке каршы күрөштү күчөтүү боюнча тапшырмаларды коюп, мыйзамсыз иш-аракеттерге токтоосуз чара көрүү талабын айткан.

Ошондой эле ыйгарым укуктуу өкүлдүн аткезчиликке каршы күрөшүү боюнча мониторинг жүргүзүү тууралуу атайын буйругу чыкты.

54
Белгилер:
мобилдик топ, аткезчилик, чек ара, Баткен
Тема боюнча
Баткен: 2020-жылы аткезчиликтен казынага 10 миллион сомдон ашык каражат түштү
Айыл чарба өсүмдүктөрүн экспертизалоо департаментинин директору Таалайбек Айдаралиев

Айдаралиев: дотация менен берилген үрөндүн сапатына кепилдик берилет

20
Айыл чарба өсүмдүктөрүн экспертизалоо департаментинин директору Таалайбек Айдаралиев учурда республика боюнча 58 миң тонна үрөн керектелсе, ошонун 26 миңи текшерүүдөн өтүп даярдалганын маалымдады.
Айдаралиев: дотация менен берилген үрөндүн сапатына кепилдик берилет

Дотациялык үрөндүн сапатына аны саткан инспекция кепилдик берет. Бул тууралуу Таалайбек Айдаралиев Sputnik Кыргызстан радиосуна маек куруп жатып билдирди.

Анын айтымында, кардын жазга жетпей эриши дыйкандардын айдап-себүү иштерине эрте даярдануусуна түрткү болгон.

"Мындан тышкары, былтыр үрөндүн 30 пайызын дотациялоонун алкагында 2 миң 300 тонна үрөндү элге таратканбыз. Быйыл дагы 17 миллион сомго 1600 тонна үрөн даярдалып таратылууда. Быйыл керектелүүчү үрөндүн 20 пайызы былтыркы күздөгү түшүм. Башкача айтканда, сапаттуу үрөн дыйкандар аркылуу дагы таратылууда. Бул жерден үрөндүн сапаты боюнча суроо жаралышы ыктымал. Үрөн инспекциясынан сертификат алган үрөндүн түшүмүнө кепилдик берилет. Болгону анын тийиштүү документи болушу шарт. Ошондой учурда комиссия жиберилип, тийиштүү экспертиза жүргүзүлөт. Эгерде үрөндөн кемчилик болуп түшүм начар болуп калса, аны саткан инспекция жооп берет", — деди Айдаралиев.

Аткаминер дотациялоо боюнча долбоор 2-3 жыл ушундай темп менен көбөйсө, анда 3-4 жылда жалпы Кыргызстанды сапаттуу үрөн менен камсыздоого мүмкүн болорун кошумчалады.

20
Белгилер:
дыйкан, айыл чарба, үрөн, Таалайбек Айдаралиев
Тема боюнча
Баткенде айыл чарбаны өнүктүрүүгө жеңилдетилген насыя бериле баштады
Партктагы гүлдөр. Архив

Бейшембиге карата аба ырайы

0
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

0
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео