Чөнтөктөн чыгып турган АКШ долларлары. Архив

Былтыр кыргызстандык ишкерлер канча киреше тапкан. Статистика

75
(жаңыланган 10:29 21.06.2020)
Экономиканын реалдуу сектору — экономиканын товар өндүрүп, кызмат көрсөтүү боюнча алектенген бөлүгү. Болгону буга финансы-кредиттик жана биржалык операцияларды аткарган тараптар кошулбайт.

БИШКЕК, 21-июн. — Sputnik. Былтыркы жылы экономиканын реалдуу секторунда 20,9 миң ишкана эмгектенип, мурдагы жылга караганда 1,8 эсеге көбүрөөк киреше тапкан. Бул тууралуу Улуттук статистика комитетинен билдиришти.

"21 миңге чукул ишкананын 27,1 пайызы соода чөйрөсүнө, 14,9 пайызы өнөр-жай тармагына, 11,7 пайызы курулушка, 11,2 пайызы кесиптик, илимий жана техникалык ишмердик уюмдарына туура келген. Жыл ичинде алар 47,7 миллиард өлчөмүндө киреше алган", — деп айтылат билдирүүдө.

Бул салыштырып карай келгенде мурдагы жылга салыштырмалуу пайданы 20,7 миллиард сомго көбүрөөк тапкан деген маалымат.

Булардын арасынан абдан иши илгерилеген компаниялар 34,2 пайызды, ал эми чыгым тарткан ишканалар 21,9 пайызды түзгөн.

Аймактар боюнча караганда, Нарын, Талас жана Баткен облустарынан тышкары, республиканын бардык жерлеринде ишканалар жакшы киреше тапкан.

Экономиканын реалдуу сектору — экономиканын товар өндүрүп, кызмат көрсөтүү боюнча алектенген бөлүгү. Болгону буга финансы-кредиттик жана биржалык операцияларды аткарган тараптар кошулбайт.

Пандемиянын ишкерликке кесепети

Коронавирус пандемиясынан улам киргизилген чектөөлөрдүн айынан өлкөдө бир катар компаниялар ишмердүүлүгүн токтотууга аргасыз болду. Учурда эс алуу, көңүл ачуу, спорттук жана маданий айрым мекемелер дагы деле ишин жанданта элек. Өткөн айларда чыгым тарткан ишкерлер үчүн өкмөт жеңилдетилген кредит берип, бутка туруп кетишине шарт түзүүнү көздөп жатат. Эми өндүрүш жана кайра иштетүү, экспортко багытталган ишканалар, азык-түлүк коопсуздугун камсыз кылган тармактар, медициналык буюмдарды, вирус менен күрөшүүгө колдонула турган буюмдарды чыгарган ишканалар, соода жана тейлөө тармактары жылдык чени 6-10 пайыз менен насыя алса болот.

75
Белгилер:
статистика, киреше, бизнес, экономика, Кыргызстан
Тема боюнча
Бул саботаж! Салык кызматы май куюучу айрым жайлар боюнча пикирин билдирди
Жыл башынан бери өлкөдө өндүрүлгөн эт, сүт жана жумуртка. Статистика
Курулуш иштери. Архив

Бизде акча бар! МИК жарандарды мамлекеттик ипотека алууга чакырды

480
(жаңыланган 14:00 13.08.2020)
Жеңилдетилген түрдө ипотекалык насыялар бир нече коммерциялык банктар аркылуу берилет. Жылдык 10 пайыздык чен менен 15 жылдык мөөнөткө сунушталат.

БИШКЕК, 13-авг. — Sputnik. Мамлекеттик ипотека алууну каалагандар коммерциялык банктарга кайрылса болот. Бул максатка багытталган акча мамлекетте ири өлчөмдө бар. Бул тууралуу Мамлекеттик ипотекалык компаниянын (МИК) төрайымы Элмира Абжапарова брифинг учурунда айтты.

"Бюджеттен тышкаркы каражаттарды тартуу максатында КР өкмөтү менен ГФР өкмөтүнүн ортосунда Германиянын өнүктүрүү банкы аркылуу 10,5 миллион евро өлчөмүндөгү гранттык каражатты берүү жөнүндө макулдашууга кол коюлган. Учурда акча бар жана аз эмес. Ошондуктан каалоочулардын бардыгын чакырабыз", — деди Абжапарова.

Жеңилдетилген түрдө ипотекалык насыялар бир нече коммерциялык банктар аркылуу берилет. Жылдык 10 пайыздык чен менен 15 жылдык мөөнөткө сунушталат.

Карабаева: насыя боюнча жеңилдик алгандардын 28%ы соодагер

Долбоордун алкагында буга чейин 158 миллион сомго 153 насыя берилди.

Кайсы документтер зарыл:

  • программага катышууга анкета-арыз;
  • паспорттун көчүрмөсү (салыштыруу үчүн түп нускасы);
  • иш берүүчү тарабынан күбөлөндүрүлгөн эмгек китепчесинин көчүрмөсү;
  • нике тууралуу күбөлүктүн көчүрмөсү (салыштыруу үчүн түп нускасы);
  • балдарынын туулгандыгы жөнүндө күбөлүктөрүнүн көчүрмөлөрү (салыштыруу үчүн түп нускасы);
  • акыркы үч жылдын ичинде турак жайынын жоктугу жөнүндө кыймылсыз мүлккө укукту каттоо чөйрөсүндөгү ыйгарым укуктуу мамлекеттик органдын маалым каты;
  • жашаган жеринен маалым кат.
480
Белгилер:
жеңилдик, каражат, ипотекалык насыя, Кыргызстан
Тема боюнча
Жекшенкулов: КР жарандарынын Россиядан ипотека алуусуна аракеттер көрүлүүдө
Акчалар. Архивдик сүрөт

Кыргызстанга мигранттардан келген акчанын көлөмү өстү

102
Июнь айында былтыркы жылдын ушул учуруна салыштырмалуу 86 миллион долларга көбүрөөк акча которулду. Жыл башынан бери бардыгы 970 миллион доллардай акча чет мамлекеттерден жиберилди.

БИШКЕК, 13-авг. — Sputnik. Ушул жылдын июнь айында мигранттардын Кыргызстанга которгон акчасы 277,9 миллион долларды түзгөнүн Улуттук банктан билдиришти.

Кеп жеке тараптар атайын системалар аркылуу которгон каражат тууралуу болуп жатат.

Белгилей кетсек, мигранттар былтыркы жылдын ушул учурунда мекенине 191,6 миллион доллар жөнөтүшкөн.

Кыргыз экономикасынын артка кеткен тармактары. Тизме

277,9 миллион доллар 2018-жылдын август айынан бери бир айлык өлчөм менен алганда эң чоң көрсөткүч. Бирок жалпы жыл башынан берки сумма өткөн жылдагыдан азыраак. Мисалы, 2020-жылдын алты айында Кыргызстанга сыртта иштеп жүргөн жарандардан 977,3 миллион доллар келсе, былтыр бул көрсөткүч 1 миллиард 126,4 миллионго жеткен.

102
Белгилер:
Акча которуулар, каражат, Мигрант, Кыргызстан
Тема боюнча
COVID: КРге канча акча жардам катары келип, алар кайда жумшалды
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

0
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

0
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн