РФ президенти Владимир Путин

Путиндин кайрылуусунун бир сапка сыйган урунттуу учурлары

314
(жаңыланган 22:31 23.06.2020)
РФ президенти Владимир Путин элине кайрылып, коронавирус менен күрөшүүнүн алдын ала жыйынтыгы, экономиканын абалы тууралуу айтты.

БИШКЕК, 23-июн. — Sputnik. Телекайрылуу шейшемби күнү болду. Sputnik аны түз алып көрсөттү.

Путиндин кайрылуусунун бир сапка сыйган урунттуу учурлары:

  • биз өтө оор, татаал сыноого туруштук бердик
  • пандемия убакытты коронавируска чейинки жана коронавирустан кийинки мезгилге бөлдү
  • коронавирус менен күрөшүү чаралары он миңдеген өмүрлөрдү сактап калды
  • карантин өз убагында киргизилди, бул адам өмүрүн сактоого өбөлгө болду
  • бир катар аймактарда кырдаал оор бойдон калууда, бирок ыкчам жардам берүү механизми иштелип чыкты, эч ким кароосуз калбайт
  • коронавируска реакция кылуунун ийкемдүү модели — федералдык чаралар жана аймактарга кошумча укук берүү өзүн актады, аны башка өлкөлөр да пайдаланды
  • зарылдык жаралса абал оор аймактарга Россия түп көтөрүлө жардам берет
  • Россия коронавируска каршы натыйжалуу дары-дармектин өндүрүшүн жолго коё алды, мындай өлкөлөрдүн саны аз
  • биз эпидемияны чегинте алдык, бирок вирус мурдагыдай эле кооптуу
  • коронавирус вакцинасынын чыгышы маанилүү, бирок ал дартка толук даба боло албайт, инфекцияга бардык эрежелерди сактоо менен гана туруштук бере алабыз
  • РФ коронавируска жасалган тесттин саны боюнча алдыда, 17 миллион тест жасалды, мында оору жуктуруунун динамикасы төмөндөп бара жатканы байкалат
  • РФтин саламаттык сактоо системасы кыйын кырдаалда да мыкты иш алып бара аларын көрсөттү, башка мамлекеттерде клиникалардын толуп калышы адам өмүрүн алды
  • мамлекет медиктерди колдоо үчүн болгон аракетин жасап келди жана жасай бермекчи
  • эпидемияга каршы күрөш медиктердин иши сыяктуу эле уланууда
  • соцкызматкерлерге кошумча акы төлөөнү 15-сентябрга чейин улантууну сунуштайм
  • бул кырдаалдан сабак алыш керек, коронавирус чечилбеген көйгөйлөр бар экенин көрсөттү
  • жылына 5 миллиард рублдан көп акча тапкандар үчүн киреше салыгын 13 пайыздан 15 пайызга чейин көтөрүүнү сунуштайм
  • салыкты көтөрүүдөн бюджетке жылына кошумча 60 миллиард рубль түшөт
  • бул каражат бюджетте чагылдырылып, сейрек кездешүүчү дартка чалдыккан балдарды дарылоого жумшалат
  • жумушсуздук көйгөйүнө бардык өлкөлөр тушукту, пандемиянын бул кесепети Россияны да кыйгап өткөн жок
  • коронавирус эпидемиясы дүйнөлүк соодага болуп көрбөгөндөй сокку урду, глобалдуу рецессия башталды
  • июнь айы үчүн балдарына төлөм алгандарга июлда да 10 миң рубль автоматтык түрдө берилет, кайрадан арыз жазуунун кереги жок
  • Россия башка өлкөлөргө салыштырмалуу жумушсуздукка белчесинен баткан жок
  • РФтин экономиканы көтөрүүгө мүмкүнчүлүгү бар
  • өкмөткө, Улуттук банкка 2021-жылы эмгек рыногун кризиске чейинки калыбына келтирүү үчүн чара көрүүнү тапшырам
  • жазында киргизилген чектөөлөр сакталат, бул элдин саламаттыгы үчүн зарыл
  • экономиканы жандантууга ойлонуп киришүү керек, мында элдин коопсуздугун сактап, бизнести ашыкча талаптар менен кыйнабоо зарыл
  • конституциялык жаңычылдыктар социалдык, экономикалык саясаттын натыйжалуу болушун шарттайт
  • конституцияга кирген өзгөртүүлөр эл макул болуп колдоо көрсөткөндө гана иштей баштайт
314
Белгилер:
жаран, саясат, экономика, пандемия, коронавирус, Россия, кайрылуу, Владимир Путин
Тема боюнча
Россияда жылына 5 млн. рублдан ашык акча тапкандардын салыгы көбөйөт
Путин июлда дагы 16 жашка чейинки балдарга он миң рублдан берет
Путин: эч ким камкордуктан сыртта калбайт
Доллар акчалары. Архивдик сүрөт

ЕТӨФ кеңеши Кыргызстанга 100 миллион доллар насыя бермей болду

124
(жаңыланган 13:28 10.08.2020)
Каражат өкмөт менен Улуттук банктын COVID-19 эпидемиясынын кесепеттерине каршы күрөшүү программасын ишке ашырууга жумшалат.

БИШКЕК, 10-авг. — Sputnik. Евразия турукташтыруу жана өнүктүрүү фондунун (ЕТӨФ) кеңеши Кыргызстанга 100 миллион доллар насыя берет. Бул тууралуу Россиянын Финансы министрлигинин сайтында жазылды.

"Региондук финансылык механизм катары иш алып барган фонд башка эл аралык каржы институттары жана донорлор менен биргеликте катышуучу-мамлекеттерге маанилүү колдоолорду көрсөтүп келет. Бул алардын каржылык туруктуулугун камсыздап, пандемиянын социалдык-экономикалык кесепеттерин жоюу үчүн кризиске каршы улуттук программаларды ишке ашырууга мүмкүнчүлүк берет", — деген Финансы министри жана ЕТӨФ кеңешинин башчысы Антон Силуанов.

Каражат өкмөт менен Улуттук банктын COVID-19 эпидемиясынын экономика, финансы жана социалдык тармактарга тийгизген таасирине каршы күрөшүү программасын ишке ашырууга жумшалат.

Өкмөт: Кытай баштаган бир катар өлкө Кыргызстандын карызын сурабай турат

Евразиялык турукташтыруу жана өнүктүрүү фонду — катышуучу-мамлекеттердин экономикасын колдоодо регионалдык финансылык механизм болуп саналат. Анын каражатын эң көп Белоруссия алган. Аталган өлкөгө 5 миллиард доллар өлчөмүндө эки насыя менен бекитилген. Инвестициялык жана каржылык насыяларды, ошондой эле гранттар түрүндө каржылык колдоолорду Кыргызстандан сырткары Тажикстан менен Армения алып турат.

124
Белгилер:
каражат, насыя, Евразия, Кыргызстан
Тема боюнча
Былтыр банктар элге канча насыяны кандай максатта берген. Сандар
Карабаева: насыя боюнча жеңилдик алгандардын 28%ы соодагер
Ишканалардын дебитордук карызы көбөйдү. Статистика
Биринчи вице-премьер Алмазбек Баатырбеков

Баатырбеков: күз-кышта ооруканалардын жылуу болушуна өзгөчө көңүл бурулууда

85
(жаңыланган 22:09 08.08.2020)
Өкмөт өкүлүнүн айтымында, быйыл суу сактагычтарда суу аз болгондуктан жана коронавирус дагы деле мизин кайтара электигине байланыштуу даярдыктар дыкат жүргүзүлүшү керек.

БИШКЕК, 8-авг. — Sputnik. Биринчи вице-премьер Алмазбек Баатырбеков саламаттык сактоо системасын жылытуу мезгилине даярдоо биринчи орунда экендигин билдирди. Бул тууралуу өкмөт кабарлады.

Ага ылайык, Баатырбеков күз-кыштагы жылытуу маалына экономика чөйрөсүн жана калкты даярдоо маселеси боюнча жыйын курган. Анын айтымында, быйыл суу сактагычтарда суу аз болгондуктан жана коронавирус дагы деле мизин кайтара электигине байланыштуу даярдыктар дыкат жүргүзүлүшү керек.

Кышында эл жарыксыз калбайбы? Жээнбековдун актуалдуу суроого жообу

"Ар бир мамлекеттик жана муниципалдык мекемелер жылытуу сезону даяр болушу шарт. Анын ичинде ооруканалар, өзгөчө реанимациялык жана операциялык бөлүмдөр электр энергиясынын кошумча булагы менен камсыздалууга тийиш. Медициналык мекемелердин бардыгы кышка кандай даярдык көрүп жатканы боюнча маалыматтар берилип турушу зарыл", — деп айтылат маалыматта.

Биринчи вице-премьер жылытуу маселелеринде облус жетекчилеринин жоопкерчилиги да чоң экендигин эскерткен.

Мындан тышкары Өнөр жай, энергетика жана жер казынасын пайдалануу мамлекеттик комитетине электр энергиясын көп көлөмдө керектөөчү объектилерди альтернативдик отунга өткөрүү мүмкүнчүлүгү боюнча иштерди жүргүзүүнү тапшырган.

85
Белгилер:
оорукана, даярдык, жылытуу маалы, жыйын, өкмөт, Алмазбек Баатырбеков
Тема боюнча
Жээнбеков: аймактарда ооруканалар эски, аны оңдоодо каржылоо маселеси жаралбасын
Даниил Урицкий деп атаган качкын өкмөт башчы Данияр Үсөнов. Архивдик сүрөт

Лукашенко Данияр Үсөновго окшош киши менен жолукту. Сүрөт

0
(жаңыланган 17:10 10.08.2020)
Кадрдан Урицкийге окшогон киши Лукашенкого жана анын айланасындагыларга таякча менен бир макетти түшүндүрүп жатканын көрүүгө болот.

БИШКЕК, 10-авг. — Sputnik. Өзүн Даниил Урицкий деп атаган качкын өкмөт башчы Данияр Үсөновго окшош кишинин Белоруссиянын президенти Александр Лукашенко менен түшкөн сүрөтү чыкты.

Сүрөт президентти сайты менен РИА Новостиге жарыяланган. Анда Урицкийге окшогон киши Лукашенкого жана анын айланасындагы кишилерге таякча менен бир макетти көрсөтүп түшүндүрүп жатканын көрүүгө болот. 

Мужчина, похожий на беглого премьер-министра КР Данияра Усенова, который сегодня именует себя Даниилом Урицким с президентом Беларуси Александром Лукашенко на встрече в Минской области
Өзүн Даниил Урицкий деп атаган качкын өкмөт башчы Данияр Үсөновго окшош кишинин Белоруссиянын президенти Александр Лукашенко менен түшкөн сүрөтү чыкты

Маалыматта Лукашенко Минск облусуна иш сапары менен барып, Пухович районундагы жогорку технологиялуу агроөнөр жай өндүрүшүн толук циклде уюштуруу боюнча инвестициялык долбоордун ишке ашырылышы менен таанышары айтылат. Долбоорду "Белоруссиянын улуттук биотехнологиялык корпорациясы" ишке ашырууда.

ЖМК Бакиевдер менен Урицкийдин Белоруссиядагы миллиондогон бизнестери тууралуу

Өз кезегинде Лукашенко долбоорго жогорку баасын берген.

Курманбек Бакиевдин тушундагы соңку премьер-министр болгон Данияр Үсөнов апрель окуясынан кийин кызматынан кол жууган. 3,5 ай премьерликти аркалап, апрель окуясы боюнча иштерден улам сыртынан соттолгон. Ушул тапта Белоруссияда жашайт, ал жакта Даниил Урицкий ысымы менен жүрөт.

0
Белгилер:
долбоорлор, Сүрөт, Александр Лукашенко, Данияр Үсөнов, Белоруссия
Тема боюнча
Белоруссия Данияр Үсөновду эмнеге кайтарып бербей жатканын түшүндүрдү
Лукашенко: митингге чыккандарды чет мамлекеттен туруп көзөмөлдөшкөн