АКШ долларлары. Архив

Кыргызстандын ушу тапта канча карызы бар. Акыркы маалымат

212
Коронавирус пандемиясынан улам түзүлгөн кырдаал Кыргызстанды тышкы кредиторлорунан карыз боюнча жеңилдик сурап кайрылууга аргасыз кылган. Өкмөт бир катар эл аралык уюмдар жана мамлекеттер менен сүйлөшүүлөрдү жүргүзүп келет.

БИШКЕК, 25-июн. — Sputnik. Финансы министрлигинин маалыматына караганда, Кыргызстандын мамлекеттик карызы (30-апрелге карата) 4 миллиард 592 миллион 840 миң доллар, башкача айтканда, 362 миллиард 574 миллион 810 миң сомду түздү.

Анын ичинен тышкы карыз — 3 миллиард 952 миллион доллар (86 пайыз), ал эми ичкиси — 640 миллион 790 миң доллар.

"2020-жылдын беш айында мамлекеттик карызды тейлөөгө бюджеттен 14,2 миллиард сом бөлүндү. Анын дээрлик 6 миллиарды тышкы бересеге, 8 миллиардга жакыны ички карызга сарпталды", — деп айтылат билдирүүдө.

Каржы министри Бактыгүл Жээнбаеванын архивдик сүрөтү
© Пресс-служба президента КР / Султан Досалиев
Белгилей кетсек, коронавирус пандемиясынан улам түзүлгөн кырдаал Кыргызстанды тышкы кредиторлорунан карыз боюнча жеңилдик сурап кайрылууга аргасыз кылган. Өкмөт буга чейин бир катар эл аралык уюмдар жана мамлекеттер менен сүйлөшүүлөрдү жүргүзүп келди. Ал эми финансы министри Бактыгүл Жээнбаева эки күн мурдагы брифингде Кыргызстан тышкы карыздарынын бир бөлүгүнөн кутулууну 2022–2024-жылдарга жылдыруу пландалып жатканын айтты. Анда министр Кыргызстан Париж клубунун кредиторлору менен карызды жылдыруу эле эмес, аны реструктуризациялоо боюнча да сүйлөшүүлөр болуп жатканын белгиледи.

Мамлекеттик карыз — өлкөнүн насыялык макулдашуусу боюнча же башка карыздык милдеттенмелери, ички жана тышкы мамлекеттик карызынын жалпы суммасы.

212
Белгилер:
экономика, пандемия, Тышкы карыз, Кыргызстан
Тема боюнча
Мамлекеттик карыздын бөлүгүн төлөөнү министрлик 2022–2024-жылдарга жылдырууда
Кыргызстан 627,3 млн доллар карыз алууда. Каражаттын канчасы келип түштү
Бир миң сомдук купюралар жана Кыргыз Республиканын желеги. Архив

Министрлик: дем берүүчү гранттардын эсебинен 196 долбоор каржыланат

105
(жаңыланган 08:48 07.08.2020)
Каражаттардын басымдуу бөлүгү мектеп, бала бакча, спорттук жайларга, инженердик жана коммуникациялык инфраструктура объектилерине кетет.

БИШКЕК, 7-авг. — Sputnik. Аймактардын социалдык-экономикалык өнүгүү программаларын жүзөгө ашыруу үчүн республикалык бюджеттен 500 миллион сомдон ашык акча бөлүндү. Бул тууралуу Финансы министрлигинен билдиришти.

Маалыматка ылайык, 2020-жылы дем берүүчү гранттардын эсебинен 196 долбоор каржыланып, ага 504 миллион 791 миң сом жумшалат.

Каражаттардын басымдуу бөлүгү мектеп, бала бакча, спорттук жайларга, инженердик жана коммуникациялык инфраструктура объектилерине кетет.

Казына менен капчык бош, бирок өлкөдө акча көп. Эки ача көрүнүшкө сереп

Эске сала кетсек, "Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө" мыйзамына ылайык, ага 600 миллион сом каралган.

Дем берүүчү (үлүштүк) гранттар — аймактарды социалдык-экономикалык жактан өнүктүрүү программаларын ишке ашыруу үчүн долбоордук-конкурстук негизде жергиликтүү бийлик органдарына республикалык бюджеттен берилүүчү каражаттар.

105
Белгилер:
министрлик, грант, Кыргызстан
Тема боюнча
Кыргызстанга 60 млн доллар бөлүнөт, анын жарымы грант. Акча эмнеге жумшалат?
Аял евро купюраларды санап турат. Архив

Германия Кыргызстанга 42 миллион евро грант бөлөт. Каражаттар кайда сарпталат

120
(жаңыланган 20:10 06.08.2020)
Каражаттар бир катар долбоорлорго багытталат. Келишим май айында ратификацияланып, июнь айында парламент тарабынан бекитилген.

БИШКЕК, 6-авг. — Sputnik. Германия өкмөтү Кыргызстанга техникалык жана финансылык кызматташтыктын алкагында 41,8 миллион евро гранттык каражат бөлөт. Бул тууралуу президенттин маалымат кызматы билдирди.

Президент Сооронбай Жээнбеков эки өлкөнүн өкмөттөр аралык келишимин 29-майда ратификациялаган. Жогорку Кеңеш аны 25-июнда бекиткен.

Жогорудагы суммадан 21,8 миллион евро төмөнкүдөй техникалык кызматташтык долбоорлоруна берилет:

  • "Перинаталдык саламаттык сактоого көмөк көрсөтүү" (4 миллион);
  • "Жашыл экономика жана жеке секторду туруктуу өнүктүрүү" (6 миллион);
  • "Кесиптик окутууга көмөк көрсөтүү" (5 миллион);
  • "Биологиялык ар түрдүүлүк жана жаңгак токойлору менен жайыттарды муниципалдык колдонуу жолу менен жакырчылыктын деңгээлин кыскартуу" (2,9 миллион);
  • "Изилдөөлөр жана адистер фондун түзүү" (2,5 миллион);
  • "Кыргыз Республикасында сапат үчүн мааниси бар кызматтарды пайдаланууга көмөк көрсөтүү" (1,4 миллион).

Түштүк Корея Кыргызстанга COVID менен күрөшүүдө финансылык жардам берет

Финансылык каржылоо алкагында бөлүнгөн 20 миллион евро төмөнкүдөй долбоорлорду ишке ашырууга берилет:

  • "Нарк жаратуу тизмеги" финансылык секторунун программасы" (9 миллион);
  • "Нарк жаратуу тизмеги" финансылык секторунун программасы — коштоочу чаралар" (1 миллион);
  • "Саламаттык сактоо боюнча сектордук долбоор" (10 миллион).

Мыйзам расмий жарыяланган күндөн тартып он күн өткөндөн кийин күчүнө кирет.

120
Белгилер:
кызматташтык, Кыргызстан, Германия, грант, евро
Тема боюнча
Кыргызстанга Россиянын кезектеги гуманитардык жардамы келип түштү. Тизме
Ысык-Көл. Архив

Ишембиге карата аба ырайы

0
(жаңыланган 21:07 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта ишембиде күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Беткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

0
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы