Премьер-министр Кубатбек Боронов

Боронов: мамлекеттик ишканалардын жарымы иштебей турат, маселеге чекит коелу

256
(жаңыланган 12:50 27.06.2020)
Өкмөт башчы ишканалардын ийгиликтүү иштөөсү жетекчиден жана жалпы менеджменттен көз каранды экенин белгиледи.

БИШКЕК, 27-июн. — Sputnik. KPI системасы боюнча ар бир жетекчинин жана компаниянын ишине талдоо жүргүзүлүп, анын жыйынтыгы менен тийиштүү чаралар көрүлөт. Бул тууралуу премьер-министр Кубатбек Боронов билдиргенин өкмөттүн маалымат кызматы кабарлады.

Ага ылайык, Боронов мамлекеттик ишканалардын жана мамлекеттик үлүшү бар акционердик коомдордун 2019-жылдагы жана 2020-жылдын алты айындагы ишмердүүлүгүнүн жыйынтыгы боюнча кеңешме өткөргөн. 

Премьер-министр Кыргызской Республики Кубатбек Боронов на совещании по итогам деятельности государственных предприятий и акционерных обществ с государственной долей участия за 2019 год и 6 месяцев текущего года.
© Фото / пресс-служба правительства / Алишер Алиев
Премьер-министр Кубатбек Боронов мамлекеттик ишканалардын жана мамлекеттик үлүшү бар акционердик коомдордун 2019-жылдагы жана 2020-жылдан алты айындагы ишмердүүлүгүнүн жыйынтыгы боюнча кеңешмеде

Анда премьер-министр көптөгөн мамлекеттик ишканалар бюджетке жана экономикага киреше алып келбей турганын айтып, жеке өнөктөштүк менен чыгашалуу ишканаларды кайра иштетсе болорун баса белгилеген.

"Аларды кайра иштетүү үчүн ар кандай куралдар бар. Мисалы, мамлекеттик-жеке өнөктөштүк ыкмасы. Бул аркылуу чыгашалуу ишканаларды кайрадан иштетүүгө болот. Ошондой эле жумуш орундары түзүлүп, салык көбөйөт, киреше түшө баштайт. Көпчүлүк ишканалардын ийгиликтүү иштөөсү жетекчиден жана жалпы менеджменттен көз каранды. Ошондуктан мамлекеттик компаниялардын жетекчилеринин ишмердүүлүгүн баалоо үчүн жер-жерлерде натыйжалуулуктун негизги көрсөткүчтөрүн киргизүү зарыл. Биз KPI системасы боюнча ар бир башчынын жана компаниянын ишине тыкыр талдоо жүргүзөбүз. Анын жыйынтыгы боюнча аларга карата тийиштүү чаралар көрүлөт", — деди деди өкмөт башчы.

Ал бүгүнкү күндө республика боюнча 104 мамлекеттик ишкана бар болсо, анын ичинен жарымынан көбү иштеп жатканын айткан.

"Ысык-Көл" кемечилиги мүлкүн аукционго коюп сатып, карызынан кутулду. Сүрөт

Ошондой эле 52 акционердик коомдун 19у мамлекетке эч кандай пайда алып келбей турганын, өкмөттүн балансындагы объектилердин 40 пайызы иштебей турганын баса белгилеген. Премьер-министр бул маселеге чекит коюп, мамлекеттик менчикти башкарууну өркүндөтүү тапшырмасын берген.

256
Белгилер:
акционердик коом, ишкана, жыйын, Кубатбек Боронов
Тема боюнча
Исакулов: ижарага онлайн берүүдөн бюджетке түшкөн каражат көбөйдү
Бир миң сомдук купюралар жана Кыргыз Республиканын желеги. Архив

Министрлик: дем берүүчү гранттардын эсебинен 196 долбоор каржыланат

105
(жаңыланган 08:48 07.08.2020)
Каражаттардын басымдуу бөлүгү мектеп, бала бакча, спорттук жайларга, инженердик жана коммуникациялык инфраструктура объектилерине кетет.

БИШКЕК, 7-авг. — Sputnik. Аймактардын социалдык-экономикалык өнүгүү программаларын жүзөгө ашыруу үчүн республикалык бюджеттен 500 миллион сомдон ашык акча бөлүндү. Бул тууралуу Финансы министрлигинен билдиришти.

Маалыматка ылайык, 2020-жылы дем берүүчү гранттардын эсебинен 196 долбоор каржыланып, ага 504 миллион 791 миң сом жумшалат.

Каражаттардын басымдуу бөлүгү мектеп, бала бакча, спорттук жайларга, инженердик жана коммуникациялык инфраструктура объектилерине кетет.

Казына менен капчык бош, бирок өлкөдө акча көп. Эки ача көрүнүшкө сереп

Эске сала кетсек, "Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө" мыйзамына ылайык, ага 600 миллион сом каралган.

Дем берүүчү (үлүштүк) гранттар — аймактарды социалдык-экономикалык жактан өнүктүрүү программаларын ишке ашыруу үчүн долбоордук-конкурстук негизде жергиликтүү бийлик органдарына республикалык бюджеттен берилүүчү каражаттар.

105
Белгилер:
министрлик, грант, Кыргызстан
Тема боюнча
Кыргызстанга 60 млн доллар бөлүнөт, анын жарымы грант. Акча эмнеге жумшалат?
Аял евро купюраларды санап турат. Архив

Германия Кыргызстанга 42 миллион евро грант бөлөт. Каражаттар кайда сарпталат

120
(жаңыланган 20:10 06.08.2020)
Каражаттар бир катар долбоорлорго багытталат. Келишим май айында ратификацияланып, июнь айында парламент тарабынан бекитилген.

БИШКЕК, 6-авг. — Sputnik. Германия өкмөтү Кыргызстанга техникалык жана финансылык кызматташтыктын алкагында 41,8 миллион евро гранттык каражат бөлөт. Бул тууралуу президенттин маалымат кызматы билдирди.

Президент Сооронбай Жээнбеков эки өлкөнүн өкмөттөр аралык келишимин 29-майда ратификациялаган. Жогорку Кеңеш аны 25-июнда бекиткен.

Жогорудагы суммадан 21,8 миллион евро төмөнкүдөй техникалык кызматташтык долбоорлоруна берилет:

  • "Перинаталдык саламаттык сактоого көмөк көрсөтүү" (4 миллион);
  • "Жашыл экономика жана жеке секторду туруктуу өнүктүрүү" (6 миллион);
  • "Кесиптик окутууга көмөк көрсөтүү" (5 миллион);
  • "Биологиялык ар түрдүүлүк жана жаңгак токойлору менен жайыттарды муниципалдык колдонуу жолу менен жакырчылыктын деңгээлин кыскартуу" (2,9 миллион);
  • "Изилдөөлөр жана адистер фондун түзүү" (2,5 миллион);
  • "Кыргыз Республикасында сапат үчүн мааниси бар кызматтарды пайдаланууга көмөк көрсөтүү" (1,4 миллион).

Түштүк Корея Кыргызстанга COVID менен күрөшүүдө финансылык жардам берет

Финансылык каржылоо алкагында бөлүнгөн 20 миллион евро төмөнкүдөй долбоорлорду ишке ашырууга берилет:

  • "Нарк жаратуу тизмеги" финансылык секторунун программасы" (9 миллион);
  • "Нарк жаратуу тизмеги" финансылык секторунун программасы — коштоочу чаралар" (1 миллион);
  • "Саламаттык сактоо боюнча сектордук долбоор" (10 миллион).

Мыйзам расмий жарыяланган күндөн тартып он күн өткөндөн кийин күчүнө кирет.

120
Белгилер:
кызматташтык, Кыргызстан, Германия, грант, евро
Тема боюнча
Кыргызстанга Россиянын кезектеги гуманитардык жардамы келип түштү. Тизме
Футболчулар. Архив

Түркияда ойногон кыргызстандык жаш футболчу эл аралык сыйлыкка татыды

0
(жаңыланган 20:46 07.08.2020)
Өспүрүм футболчу "Галатасарай" - "Истанбул спор" беттешинде жаңылыштыктан белгиленген 11 метрлик айып тобун атайын сыртка тээп, жоомарттык көрсөткөн.

БИШКЕК, 7-авг. — Sputnik. Кыргызстандык жаш футболчу, Түркиянын "Галатасарай U-14" клубунун капитаны Бекназар Алмазбеков футболдук беттеште көрсөткөн акыйкаттык кадамы үчүн эл аралык Fair Play сыйлыгына татыды. Бул тууралуу Anadolu маалымат агенттиги жазды.

Өткөн жылы 13 жаштагы кыргызстандык ойногон команда Түркиянын 14 жашка чейинки футболчуларынын чемпионатында "Истанбул спор" клубу менен ойнойт. Анын жүрүшүндө Алмазбеков  капталдан чабуулга баратып, дарбаза сызыгына киргенде коргоочуну алдап өткөнү жатып кулаган. Беттеш калысы ага карата эреже бузулду деп эсептеп, 11 метрлик айып тобун белгилеген.

Кыргызстандык футболчу өзү эреже бузулбаганын, калыстын чечими жаңылыш болгонун белгилеп, 11 метрлик айып тобун атайын дарбазадан сыртка тээп, жоомарттык көрсөткөн.

Fair Play эл аралык комитети тарабынан берилүүчү мындай престиждүү сыйлыктын быйылкы лауреаттары 5-августта жарыяланды. Алмазбековдун талапкерлигин 2019-жылдын декабрь айында Түркиянын Олимпиадалык комитети көрсөткөн.

"Лацио" клубунун футболчусу Чиро Иммобиле "Алтын бутса" сыйлыгын утту

Fair Play эл аралык комитет мындай сыйлыкты 1964-жылдан бери жыл сайын тапшырып келет. Уюмдун башкы максаты спортто акыйкаттык көрсөткөн спортчуларды сыйлоо болуп саналат.

0
Белгилер:
сыйлык, Кыргызстан, футбол
Тема боюнча
France Football: быйыл "Алтын топ" сыйлыгы берилбейт