Доллар купюралар. Архив

Кыргызстанга инвестиция жасаган өлкөлөр жана акчанын көлөмү. Статистика

89
(жаңыланган 09:32 02.07.2020)
Сырттан келген каражаттардын басымдуу бөлүгү кайра иштетүү, соода-сатык, геологиялык чалгындоо, финансы, камсыздандыруу жана курулуш тармактарына жумшалган.

БИШКЕК, 2-июл. — Sputnik. Кыргызстанга үстүбүздөгү жылдын биринчи үч айында 148,3 миллион АКШ доллар түз инвестиция катары келди. Бул тууралуу Улуттук статистика комитетинен кабарлашты.

Кыргызстанда алтын менен акча табууга болобу? Кеңири саресеп

Билдирүүгө ылайык, ал сумма 2019-жылдын биринчи кварталына салыштырмалуу 16,1 пайызга аз. 2020-жылы сырттан келген каражаттын басымдуу бөлүгү кайра иштетүү, соода-сатык, геологиялык чалгындоо, финансы, камсыздандыруу жана курулуш тармактарына жумшалган.

Чет элдик инвестициянын көбү Канада (57,4 пайыз), Түркия (9,1 пайыз), Нидерланд (8,8 пайыз), Кытай (5,3 пайыз) жана Улуу Британиядан (3,1) которулган.

Буга чейин мурдагы өкмөт башчы Мухаммедкалый Абылгазиев 2020-жылы пландалып жаткан сырттан келчү тикелей инвестициянын 50 пайызы гана ишенимдүү болуп тургандыгын айткан.

89
Белгилер:
статистика, инвестициялар, Чет элдик, Кыргызстан
Тема боюнча
Былтыр Кыргызстанга инвестиция кайдан келип, кайсы тармакка жумшалды
Курулуш иштери. Архив

Бизде акча бар! МИК жарандарды мамлекеттик ипотека алууга чакырды

478
(жаңыланган 14:00 13.08.2020)
Жеңилдетилген түрдө ипотекалык насыялар бир нече коммерциялык банктар аркылуу берилет. Жылдык 10 пайыздык чен менен 15 жылдык мөөнөткө сунушталат.

БИШКЕК, 13-авг. — Sputnik. Мамлекеттик ипотека алууну каалагандар коммерциялык банктарга кайрылса болот. Бул максатка багытталган акча мамлекетте ири өлчөмдө бар. Бул тууралуу Мамлекеттик ипотекалык компаниянын (МИК) төрайымы Элмира Абжапарова брифинг учурунда айтты.

"Бюджеттен тышкаркы каражаттарды тартуу максатында КР өкмөтү менен ГФР өкмөтүнүн ортосунда Германиянын өнүктүрүү банкы аркылуу 10,5 миллион евро өлчөмүндөгү гранттык каражатты берүү жөнүндө макулдашууга кол коюлган. Учурда акча бар жана аз эмес. Ошондуктан каалоочулардын бардыгын чакырабыз", — деди Абжапарова.

Жеңилдетилген түрдө ипотекалык насыялар бир нече коммерциялык банктар аркылуу берилет. Жылдык 10 пайыздык чен менен 15 жылдык мөөнөткө сунушталат.

Карабаева: насыя боюнча жеңилдик алгандардын 28%ы соодагер

Долбоордун алкагында буга чейин 158 миллион сомго 153 насыя берилди.

Кайсы документтер зарыл:

  • программага катышууга анкета-арыз;
  • паспорттун көчүрмөсү (салыштыруу үчүн түп нускасы);
  • иш берүүчү тарабынан күбөлөндүрүлгөн эмгек китепчесинин көчүрмөсү;
  • нике тууралуу күбөлүктүн көчүрмөсү (салыштыруу үчүн түп нускасы);
  • балдарынын туулгандыгы жөнүндө күбөлүктөрүнүн көчүрмөлөрү (салыштыруу үчүн түп нускасы);
  • акыркы үч жылдын ичинде турак жайынын жоктугу жөнүндө кыймылсыз мүлккө укукту каттоо чөйрөсүндөгү ыйгарым укуктуу мамлекеттик органдын маалым каты;
  • жашаган жеринен маалым кат.
478
Белгилер:
жеңилдик, каражат, ипотекалык насыя, Кыргызстан
Тема боюнча
Жекшенкулов: КР жарандарынын Россиядан ипотека алуусуна аракеттер көрүлүүдө
Акчалар. Архивдик сүрөт

Кыргызстанга мигранттардан келген акчанын көлөмү өстү

101
Июнь айында былтыркы жылдын ушул учуруна салыштырмалуу 86 миллион долларга көбүрөөк акча которулду. Жыл башынан бери бардыгы 970 миллион доллардай акча чет мамлекеттерден жиберилди.

БИШКЕК, 13-авг. — Sputnik. Ушул жылдын июнь айында мигранттардын Кыргызстанга которгон акчасы 277,9 миллион долларды түзгөнүн Улуттук банктан билдиришти.

Кеп жеке тараптар атайын системалар аркылуу которгон каражат тууралуу болуп жатат.

Белгилей кетсек, мигранттар былтыркы жылдын ушул учурунда мекенине 191,6 миллион доллар жөнөтүшкөн.

Кыргыз экономикасынын артка кеткен тармактары. Тизме

277,9 миллион доллар 2018-жылдын август айынан бери бир айлык өлчөм менен алганда эң чоң көрсөткүч. Бирок жалпы жыл башынан берки сумма өткөн жылдагыдан азыраак. Мисалы, 2020-жылдын алты айында Кыргызстанга сыртта иштеп жүргөн жарандардан 977,3 миллион доллар келсе, былтыр бул көрсөткүч 1 миллиард 126,4 миллионго жеткен.

101
Белгилер:
Акча которуулар, каражат, Мигрант, Кыргызстан
Тема боюнча
COVID: КРге канча акча жардам катары келип, алар кайда жумшалды
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

0
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

0
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн