Бишкектеги стационардын биринде иштеген медиктер. Архивдик сүрөт

COVID-19ду ооздуктоого чет жактан алынган акчанын 2,2 млн. доллары бөлүнгөн

117
(жаңыланган 13:17 10.07.2020)
Кыргызстан чет элдик донорлордон 627,3 миллион доллар сураган. Бүгүнкү күндө анын жарымы келип түштү.

БИШКЕК, 10-июл. — Sputnik. Чет жактан алынып жаткан каражаттын эсебинен коронавирустун жайылышына бөгөт коюу иш-чараларына 2,2 миллион доллар бөлүнгөн. Бул туурасында вице-премьер Эркин Асрандиев брифинг учурунда билдирди.

Белгилей кетсек, Кыргызстан чет элдик донорлордон кредит жана грант түрүндө 627,3 миллион доллар сураган. Бүгүнкү күндө Финансы министрлигинин эсебине 321,4 миллион доллар келип түштү. Анын 2,2 миллион доллары (болжол менен 165 миллион сомдун тегереги) медициналык жабдуу жана каражат алууга берилген. Бул акчаны Дүйнөлүк банк берген. 

Өкмөт быйыл саламаттыкты сактоо тармагына канча акча бөлүнгөнүн жарыялады

Ал суммага төмөнкүлөр алынды:

  • Тез жардам унаасы — 13 даана;
  • Жеке коргонуу каражаттары — 109,3 даана;
  • Дезинфекциялоо каражаттары — 8,3 миң даана;
  • Лабораториялык реактивдер — 36,3 миң даана;
  • Дары-дармек — 385,6 миң даана;
  • Медицина багытындагы буюмдар — 45,4 миң даана;
  • Өпкөнү жасалма дем алдыруучу аппарат — 10 даана;
  • Жасалма дем алдыруучу BiPAP аппараты — 50 даана;
  • Чарба товарлары — 15,9 миң даана; 
“Товарларды сатып алуу үчүн тендерлер Дүйнөлүк банктын талаптары менен өтүп, ага өздөрү көзөмөл кылышты. Мындан сырткары, бизге бир нече өлкөдөн товар түрүндө гуманитардык жардам келген. Алар: тесттер, жабдуулар, медициналык боюмдар. Бул боюнча да кийинчерээк толук маалымат берилет”, — деди Асрандиев.

Белгилей кетсек, каражаттар бюджетти колдоо, COVID-19дун жайылышына жол бербөө жана экономиканы колдоо деп үч багыт менен алынууда. 

Өлкө аймагындагы соңку кабарлар менен биздин Telegram-каналдан таанышып туруңуз.

117
Белгилер:
колдонуучу, медицина, карыз, каражат
Тема:
Коронавируска байланыштуу Кыргызстандагы кырдаал (2054)
Тема боюнча
COVID: зарыл болгон жардамды бир жерге топтогон жаңы сайт ишке кирди
Нарын облусу 300 кычкылтек концентраторуна жана 17 ИВЛге муктаж болууда
Экономист Замирбек Осмонов. Архив

Осмонов: экономиканы көтөрүү үчүн экспортту көбөйтүү зарыл

17
(жаңыланган 13:51 03.08.2020)
Экономист Замирбек Осмонов өнөктөш өлкөлөрдө абал жакшырса Кыргызстандын экономикасына оң таасирин тийгизет деген пикирин билдирди.

Өнөктөш өлкөлөрдө коронавируска байланыштуу эпидемиологиялык абал жакшырса, Кыргызстандын экономикасына оң таасирин тийгизет. Бул тууралуу Замирбек Осмонов Sputnik Кыргызстан радиосуна маек куруп жатып маалымдады.

Осмонов: экономиканы көтөрүү үчүн экспортту көбөйтүү зарыл

Анын айтымында, карантинден кийин экономиканы тез арада калыбына келтирүү үчүн ЕАЭБдин алкагында Казакстан-Кыргызстан чек арасындагы тоскоолдуктарды болтурбоо аракеттери көрүлүүсү шарт.

"Күйүүчү май, газ дагы көптөгөн товарларды ЕАЭБге мүчө Россиядан, Казакстандан алып келебиз. Ошондой эле эт, сүт жана башка товарларды Казакстанга чыгаруудабыз. Бул өлкөлөрдө коронавируска байланыштуу эпидемиологиялык кырдаал жакшырса, Кыргызстанга оң таасирин тийгизет. Себеби аталган мамлекеттерде бизден барган товарларга суроо-талап жогорулайт. Ошондой эле импорт жаатында да жылыштар болот. Алардан келген товарлардын саны көбөйсө, баалар төмөндөйт. Мындан тышкары, соода-сатык балансын теңдеп, ал тургай колдон келишинче өлкөнүн экспорттук потенциалын жогорулатуу зарыл. Ал үчүн экологиялык таза продукциялар: фасоль өстүрүү, жер-жемиш иштетүү, балык чарбачылыгын колдоого жана бал өндүрүүгө жеңилдетилген насыяларды бериш керек. Ошол эле текстиль тармагы дагы пандемиянын таасиринен улам басаңдап калды. Аны тез арада калыбына келтирүү үчүн тийиштүү кадамдар жасалышы шарт", — деди Осмонов.

Министрлик: азык-түлүк, керектелүүчү товарлардын экспортуна чектөө коюлду

Ошондой эле ал ишкерликти өнүктүрүү үчүн мамлекеттик органдардагы бюрократияны жоюу керектигин кошумчалады.

17
Белгилер:
коронавирус, экономика, Евразиялык экономикалык биримдик, Замирбек Осмонов
Тема боюнча
ЕЭАБ коронавирус менен күрөшүү үчүн иш-чаралардын комплекстүү планын бекитти
Доллар жана евро купюралары. Архив

Бишкекте евро, доллар жана алтындын баасы кымбаттады. Соңку маалымат

172
(жаңыланган 10:56 03.08.2020)
Sputnik Кыргызстан чет элдик валюталардын, күйүүчү майдын жана алтын куймаларынын рыноктогу соңку баасын сунуштайт.

БИШКЕК, 3-авг. — Sputnik. Бишкекте евро менен доллардын курсу жогорулады. Бул туурасында Valuta.kg жана Улуттук банктын сайтында маалымдалды.

Валюта курсу жана күйүүчү май, алтын куймаларынын 3-августка карата баасы (сом менен)

Акча алмаштыруу жайларында долларды 76,66 сомдон сатып алып, кайра 77,04 сомдон сатышууда. Ал эми евронун баасы 89,57 сом (сатып алуу) жана 90,99 сомду (сатуу) түздү.

Өткөн жуманын аягында доллардын курсу сатып алууда 76,54 сом, ал эми сатуу 76,92 болуп турган. Ал эми еврону 89,39 сомдон алып, 90,75 кайра соодалап жатышкан. 

Аи-92 жана Аи-95 үлгүсүндөгү күйүүчү май жана дизелдин баасы өзгөргөн эмес.

Алтын куймаларынын баасы жогорулаган. Мисалы, бүгүн 10 граммдык куйма 54 337 сомго сатып алынып, элге 54 446 сомдон сатылууда. Ал эми өткөн бейшембиде сатып алуу 54 000 жана сатуу 54 115 сомду түзгөн. 

Кыргызстанда алтындын запасы 2,6 млрд сомго азайды

Белгилей кетсек, Улуттук банк алтын куймаларын сатып алуу жана сатууну токтоткон. Мындай чечим COVID-19дун таралуусун азайтуу максатында кабыл алынган. Бул иштер өлкөдө эпидемиологиялык абал жакшыргандан кийин кайра улантылары айтылган. 

Улуттук банк 2015-жылдан тарта алтын куймаларын сатыкка чыгара баштаган. Бул кыргызстандыктардын топтогон акчасын алтынга салууга көмөктөшүү максатында жасалган болчу. Алар ар башка граммдагы алты түрдүү уютмадан турат, салмагы бирден 100 граммга чейин.

172
Белгилер:
Күйүүчү май, алтын, сатуу, баа, кымбаттоо, валюта, Бишкек
Тема боюнча
Алтын рудасын ташыгандарга салыкты көбөйтүү сунушталды. Каршы чыккан депутаттар
Доллар дүйнөлүк валюта катары макамын жоготобу? Пикир
Афганистандын чыгышындагы Желал-Абад шаарындагы түрмөгө жасалган чабуул

Афганистанда 20 киши набыт болду. "Ислам мамлекети" түрмөгө чабуул койду

0
(жаңыланган 17:50 03.08.2020)
"Ислам мамлекети" террордук тобунун Афганистандын аймагындагы абакка куралдуу чабуул жасаганы кабарланды.

БИШКЕК, 3-авг. — Sputnik. Афганистандын чыгышындагы Желал-Абад шаарындагы түрмөгө жасалган чабуулдун кесепетинен 20 адам каза тапты. Бул туурасында Sputnik Тажикстан 1TV News телеканалына шилтеме берип, кабарлады.

Мындан сырткары, 85 адамдын жаракат алганы айтылды.

Өлгөндөрдүн арасында аскер кызматкерлери менен жай жашоодогу адамдардын бар экени айтылды. Атышуу учурунда коопсуз кызматы кол салган беш согушкерди жок кылган.

Кечирээк бул каргашанын жоопкерчилигин "Ислам мамлекети террордук" тобу өзүнө алгандыгы белгилүү болду.

Сириялык качкын согушкер АКШ аскерлери "Ислам мамлекети" менен иштешерин айтты

Чабуул учурунда түрмөдө камалгандар качып чыгып, 700 киши ошол жерден эле кармалып, темир торго кайра кайтарылган.

Акыркы маалыматтарга караганда, кармаш 14 саатка чукул созулган. Согушкерлер түрмөнүн эки мунарасын ээлеп алууга үлгүргөн.

0
Белгилер:
түрмө, Чабуул, согушкер, "Ислам мамлекети" террордук тобу, Афганистан
Тема боюнча
Афган туңгуюгу: АКШ касташкан тараптарды элдештирүү аракетинде