Президент Сооронбай Жээнбеков каржы министри Бактыгүл Жээнбаева менен онлайн-кеңешме өткөрүү учурунда

Жээнбеков: аймактарда ооруканалар эски, аны оңдоодо каржылоо маселеси жаралбасын

106
(жаңыланган 22:22 07.08.2020)
Мамлекет башчы дарыгерлердин эмгек акылары жана кошумча төлөмдөрү өз убагында берилиши керектигин  белгилеген.

БИШКЕК, 7-авг. — Sputnik. Мамлекет башчы Сооронбай Жээнбеков каржы министри Бактыгүл Жээнбаева менен онлайн-кеңешме өткөрүп, аймактардагы ооруканалардын оңдоп-түзөө  иштерин каржылоо маселесине токтолду. Бул тууралуу президенттин маалымат кызматы кабарлады.

Ага ылайык, онлайн-кеңешмеде республикалык бюджеттин аткарылышынын азыркы абалы талкууланып, оңдолуп жаткан ооруканаларды каржылоо маселеси да козголгон.

"Аймактарды кыдырып чыктым. Көптөгөн ооруканалар ар кандай жалган реформалардан улам жабылып, койко-орундардын саны кыскарып кеткен. Медицина мекемелеринин имараттары абдан эскирген. Азыр алар капиталдык түрдө оңдоло баштады. Бул ооруканаларды  кыска убакыттын ичинде куруп кышка чейин пайдаланууга бериш керек. Ошондуктан бул иштерди  каржылоодо маселе жаралбасын", — деди Жээнбеков.

Өкмөт "Семетей" стационарын жугуштуу илдеттер ооруканасына айлантууну пландап жатат

Өлкө башчы дарыгерлердин эмгек акылары жана кошумча төлөмдөрү өз убагында берилиши керектигин да белгилеген.

106
Белгилер:
каржылоо, оорукана, Сооронбай Жээнбеков, Кыргызстан
Тема:
Коронавируска байланыштуу Кыргызстандагы кырдаал (2250)
Тема боюнча
"Колдоо керек". Чолпон-аталык дарыгерлер Жээнбековго даттанды. Сүрөт
Киши АКШ долларларды эсептеп турат. Архив

Сомдун куну түшүп жатканына байланыштуу Улуттук банк 19,6 млн. доллар сатты

6
(жаңыланган 11:10 28.09.2020)
Сомдун курсун туруктуу көзөмөлдөп туруу үчүн Улуттук банк сентябрда ушуну менен үчүнчү жолу интервенция жүргүзүп жатат.

БИШКЕК, 28-сен. — Sputnik. Улуттук банк жума күнү, 25-сентябрда, рынокко 19 миллион 650 миң доллар сатты. Бул туурасында өлкөнүн башкы банкынын сайтында маалымдалат.

Белгилей кетсек, сентябрь айынын башынан бери АКШ валютасынын курсу тынымсыз өсүүдө. Бул аралыкта 1,43-1,44 сомго кымбаттады. Учурда акча алмаштыруучу жайларда долларды 79,44 сомдон сатып алып, 79,80ден сатууда.

КРдин алтын кору бир айда 16 миллиард сомго кымбаттады

Улуттук банк сентябрь айынан бери ушуну менен үчүнчү ирет интервенция жүргүзүүдө.

  • 9-сентябрда 6,6 миллион доллар сатып, эртеси америка валютасынын куну бир аз түшкөн;
  • 23-сентябрда 11,2 миллион долларды сатыкка чыгарган, бирок ага карабай валюта кымбаттай берди;
  • 25-сентябрда 19 миллион 650 миң доллар сатылды. Бүгүн, 28-сентябрда, курс жума күнкүдөн өзгөргөн жок.

Жыйынтыгында бир айда өлкөнүн башкы банкы 37 миллион 450 миң доллар сатты.

6
Белгилер:
интервенция, доллар, курс, Кыргызстан
Тема боюнча
Россияда доллардын баасы кескин кымбаттап кетти
Кыргыз өкмөтү COVID кесепетинен канча карыз алып, кайда жумшап жатат. Саресеп
Киши чөнтөгүндө долларлык купюралары менен. Архив

Коррупцияга каршы күрөштүн 4 жылдык стратегиясы бекитилди

14
(жаңыланган 10:44 28.09.2020)
Сооронбай Жээнбеков кол койгон жарлыкка ылайык, өкмөт менен Жогорку Кеңеш башка тиешелүү мамлекеттик органдар менен биргелешип стратегияны ишке ашырууга багытталган ченемдик-укуктук актыларды иштеп чыгуусу керек.

БИШКЕК, 28-сен. — Sputnik. 2021-2024-жылдарга карата коррупцияга каршы күрөшүү боюнча мамлекеттик стратегия бекитилди. Бул тууралуу өлкө башчынын маалымат кызматынан билдиришти.

Эске салсак, жаңы антикоррупциялык стратегия Коопсуздук кеңешинин буга чейинки жыйынында каралган болчу.

Президент Сооронбай Жээнбеков кол койгон жарлыкка ылайык, өкмөт менен Жогорку Кеңеш башка тиешелүү мамлекеттик органдар менен биргелешип стратегияны ишке ашырууга багытталган ченемдик-укуктук актыларды иштеп чыгуусу керек.

Коопсуздук кеңеши коррупцияга каршы күрөштүн 4 жылдык долбоорун иштеп чыкты

Мындан тышкары, өкмөтүн, Жогорку сот, Башкы прокуратура жана башка мамлекеттик органдар кыска жана узак мөөнөттүү мезгилдерге коррупцияга каршы аракеттенүү боюнча иш-чаралардын деталдуу пландарын эки жуманын ичинде даярдашы зарыл.

Ошондой эле жаңы документке ылайык, өкмөт мамлекеттик органдар тарабынан антикоррупциялык пландардын өз убагында жана толук аткарылышын координациялоо жана мониторинг жүргүзүү сунушталды.

14
Белгилер:
Кыргызстан
Тема боюнча
Шайлоо учурундагы коопсуздук талкууланды. Жээнбеков УКМК төрагасын онлайн кабыл алды