Бир жума калды. Транспорт, турак жай жана жер салыгын оңой төлөөнүн жолдору

© Sputnik / Табылды КадырбековАкча жана автоунаанын ачкычы. Архив
Акча жана автоунаанын ачкычы. Архив - Sputnik Кыргызстан
Жазылуу
1-сентябрда транспорт, 2-сентябрда турак жай жана жер салыктарын төлөө мөөнөтү бүтөрү эскертилди.

БИШКЕК, 25-авг. — Sputnik. Мамлекеттик салык кызматы транспорт, кыймылсыз мүлк жана жер салыктарын төлөөнүн бир нече жолдорун сунуштады.

Анда салык органына барбай эле онлайн ыкмаларды колдонуу менен төлөсө болору айтылат. Алар — төлөм жана POS-терминалдар, мобилдик жана интернет-банкинг, төлөм карталары же башка перифериялык түзүлүштөр. Мындан сырткары, бардык банктардын кассаларынан жана почта бөлүмдөрүнөн кабыл алынат.

Коронавирус күчөгөн июлда канча салык жана төлөм жыйналганы айтылды

Салык төлөө учурунда тиешелүү реквизиттерди терүү зарыл:

  • Транспорт салыгы үчүн автоунаа катталган район же шаар, салык төлөөчүнүн идентификациялык номери, транспорттун мамлекеттик номери жана салыктын суммасы жазылат;
  • Турак жай жана жер салыгы үчүн мүлк жайгашкан район, шаар же аймак, салык төлөөчүнүн идентификациялык номери жана салыктын суммасы көрсөтүлөт.

Эскерте кетсек, ушул жылдын 1-сентябрына чейин транспорт салыгын, 2-сентябрга чейин турак жай, батир (ишкердик иш үчүн пайдаланылбаган) жана жер салыгын (короо-жай жанындагы, бактуу-чарба жер участоктору) төлөө зарыл.

Жээнбеков салык төлөбөй жүргөн ишкерлерди кечирген мыйзамга кол койду. Шарты

Салыктардын суммасын Салык кызматынын www.sti.gov.kg сайтындагы электрондук калькуляторду пайдалануу менен (Электрондук сервистер – Электрондук жардамчылар жана калькулятор) өз алдынча эсептеп алууга болот.

Кеңири маалымат 1240 номери же расмий сайты аркылуу жеткиликтүү.

Жаңылыктар түрмөгү
0