Автоунаалар. Архив

Кыргызстанга автолорду мыйзамсыз алып кирген схема ачыкталды

332
(жаңыланган 20:08 09.09.2020)
Бажы кызматы аталган схема Кыргызстан Евразиялык экономикалык биримдикке кошулгандан кийин пайда болгонун белгиледи.

БИШКЕК, 9-сен. — Sputnik. Кыргызстанга автоунааларды мыйзамсыз алып кирген эл аралык кылмыштуу схема ачыкталды. Бул тууралуу Мамлекеттик бажы кызматы билдирди.

Маалыматта автону каттатуу үчүн жасалма документтер пайдаланылганы айтылат. Жалпы жонунан бул иш боюнча 113 материал катталды.

Кылмыштуу аракеттерден мамлекеттик бюджетке 258 миллион 544 миң 354 сом зыян келтирилген.

Бажы кызматы мындай схема Кыргызстан Евразиялык экономикалык биримдикке мүчө болуп кошулгандан кийин пайда болгонун белгилөөдө.

Транспорт министрлигинин 12 кызматкери кармалды. Арасында жетекчи да бар

Автону үчүнчү өлкөлөрдө сатып алгандан кийин топтун мүчөлөрү интернет аркылуу унаанын идентификациялык номерлерин ЕАЭБ мамлекеттеринде жүргөн шериктерине жөнөтүп турушкан. Алар өз кезегинде транспорт каражатын каттоо тууралуу жасалма күбөлүк даярдашкан.

Андан кийин Кыргызстанга жөнөтүлгөн "документтердин" негизинде кызматтагы адамдар автону дээрлик текшербей туруп каттоодон өткөрүп, мамлекеттик номер жана транспорт каражатынын катталганы тууралуу күбөлүк алып берип турушкан.

Мындан соң мамлекеттик номер менен күбөлүк үчүнчү өлкөдө жүргөндөргө жөнөтүлгөн. Кыргызстандын номерин жана техникалык паспортун алган машиналар ЕАЭБ аймагында кенен-кесир жүрө берген.

Иликтөө учурунда өлкөгө киргизилген айрым унаалар атайын дайындалган адамдарга же абакта отургандарга катталган учурлары да кездешкени айтылат.

Бул иш менен Финансы полициясы алектенүүдө.

332
Белгилер:
кылмыш, шерик, интернет, Евразиялык экономикалык биримдик, машина, автоунаа
Тема боюнча
УКМК почта кызматы аркылуу товар ташыган коррупциялык схеманы аныктады
Киши АКШ долларларды эсептеп турат. Архив

Сомдун куну түшүп жатканына байланыштуу Улуттук банк 19,6 млн. доллар сатты

10
(жаңыланган 11:10 28.09.2020)
Сомдун курсун туруктуу көзөмөлдөп туруу үчүн Улуттук банк сентябрда ушуну менен үчүнчү жолу интервенция жүргүзүп жатат.

БИШКЕК, 28-сен. — Sputnik. Улуттук банк жума күнү, 25-сентябрда, рынокко 19 миллион 650 миң доллар сатты. Бул туурасында өлкөнүн башкы банкынын сайтында маалымдалат.

Белгилей кетсек, сентябрь айынын башынан бери АКШ валютасынын курсу тынымсыз өсүүдө. Бул аралыкта 1,43-1,44 сомго кымбаттады. Учурда акча алмаштыруучу жайларда долларды 79,44 сомдон сатып алып, 79,80ден сатууда.

КРдин алтын кору бир айда 16 миллиард сомго кымбаттады

Улуттук банк сентябрь айынан бери ушуну менен үчүнчү ирет интервенция жүргүзүүдө.

  • 9-сентябрда 6,6 миллион доллар сатып, эртеси америка валютасынын куну бир аз түшкөн;
  • 23-сентябрда 11,2 миллион долларды сатыкка чыгарган, бирок ага карабай валюта кымбаттай берди;
  • 25-сентябрда 19 миллион 650 миң доллар сатылды. Бүгүн, 28-сентябрда, курс жума күнкүдөн өзгөргөн жок.

Жыйынтыгында бир айда өлкөнүн башкы банкы 37 миллион 450 миң доллар сатты.

10
Белгилер:
интервенция, доллар, курс, Кыргызстан
Тема боюнча
Россияда доллардын баасы кескин кымбаттап кетти
Кыргыз өкмөтү COVID кесепетинен канча карыз алып, кайда жумшап жатат. Саресеп
Киши чөнтөгүндө долларлык купюралары менен. Архив

Коррупцияга каршы күрөштүн 4 жылдык стратегиясы бекитилди

19
(жаңыланган 10:44 28.09.2020)
Сооронбай Жээнбеков кол койгон жарлыкка ылайык, өкмөт менен Жогорку Кеңеш башка тиешелүү мамлекеттик органдар менен биргелешип стратегияны ишке ашырууга багытталган ченемдик-укуктук актыларды иштеп чыгуусу керек.

БИШКЕК, 28-сен. — Sputnik. 2021-2024-жылдарга карата коррупцияга каршы күрөшүү боюнча мамлекеттик стратегия бекитилди. Бул тууралуу өлкө башчынын маалымат кызматынан билдиришти.

Эске салсак, жаңы антикоррупциялык стратегия Коопсуздук кеңешинин буга чейинки жыйынында каралган болчу.

Президент Сооронбай Жээнбеков кол койгон жарлыкка ылайык, өкмөт менен Жогорку Кеңеш башка тиешелүү мамлекеттик органдар менен биргелешип стратегияны ишке ашырууга багытталган ченемдик-укуктук актыларды иштеп чыгуусу керек.

Коопсуздук кеңеши коррупцияга каршы күрөштүн 4 жылдык долбоорун иштеп чыкты

Мындан тышкары, өкмөтүн, Жогорку сот, Башкы прокуратура жана башка мамлекеттик органдар кыска жана узак мөөнөттүү мезгилдерге коррупцияга каршы аракеттенүү боюнча иш-чаралардын деталдуу пландарын эки жуманын ичинде даярдашы зарыл.

Ошондой эле жаңы документке ылайык, өкмөт мамлекеттик органдар тарабынан антикоррупциялык пландардын өз убагында жана толук аткарылышын координациялоо жана мониторинг жүргүзүү сунушталды.

19
Белгилер:
Кыргызстан
Тема боюнча
Шайлоо учурундагы коопсуздук талкууланды. Жээнбеков УКМК төрагасын онлайн кабыл алды
Медициналык кызматкер COVID-19 бейтаптын колун кармап турат

Соңку суткада коронавирустан Ош облусунда бир адам көз жумду

0
(жаңыланган 11:34 28.09.2020)
Кыргызстанда жайылгандан бери коронавирусту жуктуруп алгандардын саны 46 355 кишиге жетти. Өлкөдө аталган вирус кайрадан баш көтөрүүдө.

БИШКЕК, 28-сен. — Sputnik. Акыркы суткада Кыргызстанда COVID-19дан бир адам көз жумгандыгын Саламаттыкты сактоо министрлигинен кабарлашты.

“Соңку суткада коронавирустан Ош облустар аралык ооруканада дарыланып жаткан адам каза тапты”, -деп айтылган билдирүүдө.

Муну менен коронавирустан көз жумгандардын саны 1064 адамга жетти. Ал эми ооруну жуктуруп алгандардын саны 46 355 киши болду.

0
Белгилер:
каза болду, коронавирус, Ош облусу, Кыргызстан
Тема:
Кыргызстандагы коронавирус жуктуруп алгандар
Тема боюнча
"Манас" аэропортундагы узун кезек. Жүргүнчү бүгүнкү окуяны сүрөттөдү