Товардын штрих-кодун окуу. Архив

Россия Кыргызстан үчүн маркалоо тутумун иштеп чыгып каржылайт

78
(жаңыланган 12:28 10.09.2020)
Маркалоо системасы рыноктун ачыктыгынын жогорулашына, салык жыйымынын көбөйүшүн шарттап, товар жүгүртүүнүн чыныгы көлөмү белгилүү болот.

БИШКЕК, 10-сен. — Sputnik. Россия өз эсебинен Кыргызстан үчүн санариптик платформа боюнча товарларды маркалоону иштеп чыгат. Бул тууралуу Россия Федерациясынын соода жана өнөр жай министри Денис Мантуров президент Владимир Путиндин өкмөт менен өткөргөн жыйынында билдирген.

Кремлдин сайтында айтылгандай, Мантуров долбоор Россияда 12 товардык позицияны камтый турганын белгилеген. Бул рыноктун ачыктыгынын жогорулашына, салык жыйымынын көбөйүшүнө алып келип, товар жүгүртүүнүн чыныгы көлөмү белгилүү болуп калат.

ЕЭК сүт азыктарын маркалоонун артыкчылыктарын айтып берди

Мантуровдун айтымында, Евразия экономикалык биримдигинин (ЕАЭБ) алкагында товарларды маркалоонун бирдиктүү схемасын түзүү өзгөчө маанилүү. Өткөн жылы ЕАЭБде тийиштүү келишим күчүнө кирген. Анда Бажы союзунда жалпысынан беш топту: бут кийим, сүрөт, парфюмерия, дөңгөлөктөр жана жеңил өнөр жай товарларын маркалоо боюнча чечим кабыл алынган.

"Армения, Беларусь жана Казакстан учурда биздин эксперттик колдоо менен өздөрүнүн байкоо жүргүзүү тутумун иштеп чыгууда. Кыргызстанга биз өзүбүз санарип платформасын түзөбүз, буга каражат Россиянын бюджетинен бөлүнөт", — деген министр.

Жыйында РФтин премьер-министри Михаил Мишустин маркалоо боюнча иштелип чыккан бардык мыкты тажрыйбаларды интеграциялык биримдиктеги өнөктөштөр менен ачык-айкын бөлүшкөнүн белгилеген.

78
Белгилер:
Россия, Кыргызстан, система, товар
Тема боюнча
Пандемияда ЕАЭБ өлкөлөрү бири-бирине кантип колдоо көрсөтүп жатканы айтылды

Бишкек менен Оштогу батирлердин ижара акысы. Жаңыланган маалымат

32
Бул аптадагы бааларга ылайык, баш калаада бир бөлмөлүү батирдин ижара акысы 9 миң сомдон 20 миңге чейин жетти. Ош шаарында болсо турак жайдын ижарасы 10 миң сомдон 16 миңге чейин бааланууда.

Ар жума сайын Sputnik агенттиги ачык булактардан маалыматтарды топтоп, Бишкек жана Ош шаарларындагы батирлердин ижара акысына байкоо салып турат.

Бишкекте эмеректери жок бир бөлмөлүү батирди жайгашкан жери жана абалына жараша 8 миңден 11 миң сомго чейин ижарага алса болот. Эмеректери бар турак жайлар 9 миңден 20 миң сомго чейин бааланууда. Эки бөлмөлүү батирдин ижара акысы 12 миңден 21 миңге чейин, үч бөлмөлүү батир 13 миңден тарта 40 миң сомго чейин жетет.

Ошто муниципалдык ипотека аркылуу берилчү көп кабаттуу үй курула баштады. Эскиз

Ош шаарында болсо эмеректери жок бир бөлмөлүү батирди 8 миң сомго ижарага сунуш кылышат. Эмеректери бар батирдин акысы 10-16 миң сом болууда. Ал эми эки бөлмөлүү батирди 8ден 20 миң сомго чейин ижарага алууга болот. Үч бөлмөлүү турак жай эмеректери менен 15 миңден 30 миң сомго чейин бааланууда. Эмеректери жок үч бөлмөлүү батирди 4 миңден 15 миң сомго чейин алууга болот.

32
Белгилер:
акы, ижара, батир, Ош, Бишкек, Кыргызстан
Тема боюнча
Ижара акысы канча? Бишкек менен Ошто батир издегендер үчүн маалымат
АКШ доллар купюралары. Архив

Улуттук банк сомдун кунун түшүрбөй сакташ үчүн 11,2 миллион доллар сатты

59
(жаңыланган 12:03 24.09.2020)
Бүгүн борбор калаадагы акча алмаштыруу жайларында долларды 79,23 сомдон сатып алып, 79,59 сомдон сатууда.

БИШКЕК, 24-сен. — Sputnik. Улуттук банк валюталык интервенция жасап, 11,2 миллион доллар сатты. Бул туурасында өлкөнүн башкы финансылык уюмунун маалымат кызматы билдирди.

Операция кечээ кечинде жүргүзүлгөн, бирок рынокко кандай курс менен чыгарылганы жазылган эмес.

Кыргызстанда сомдун көлөмү 150 миллиарддан ашып, жаңы рекорд койду

Бир жума мурун Бишкекте доллардын орточо баасы сатып алуу үчүн 78,76 сом, сатуу 79,12 сом болгон. Ал эми бүгүн долларды 79,23 сомдон сатып алып, 79,59 сомдон сатууда.

Россияда дагы доллардын курсу кымбаттап жатканы байкалууда, апрель айынан бери биринчи жолу 77 рублден ашты.

59
Белгилер:
сатуу, интервенция, доллар, Улуттук банк
Тема боюнча
Электрондук капчыкты идентификациялоого бир жумалык мөөнөт калды
Россияда евронун баасы рекорддук көрсөткүчкө жетти. Кыргызстанда абал кандай?
Ала-Тоо аянтында бараткан адамдар. Архив

Жаңжал, жаза, акыркы тизме. Шайлоонун кызыган учурундагы окуялар

0
(жаңыланган 20:23 24.09.2020)
Жогорку Кеңештин депутаттарын канча адам шайлай алары белгилүү болду. Массалык мушташка жооптуу талапкерлер жарыштан четтетилди.

БИШКЕК, 24-сен. — Sputnik. Бүгүн Борбордук шайлоо комиссиясынын төрайымы жана башкы прокурор менен ички иштер министринин орун басарлары маалымат жыйын өткөрүштү. Анда алдыдагы парламенттик шайлоону уюштуруу жана даярдыктары тууралуу маалымат беришти.

Sputnik Кыргызстан агенттиги жыйында айтылган маанилүү билдирүүлөрдүн топтомун сунуштайт.

Шайлоо учурундагы коопсуздук талкууланды. Жээнбеков УКМК төрагасын онлайн кабыл алды

  • Шайлоочулардын акыркы тизмеси жарыяланып, 3 миллион 523 миң 532 кыргызстандык катталды. Бул 2015-жылдагы парламенттик шайлоого салыштырмалуу 762 735 адамга көп же 27,6 пайызга өсүш болду;
  • Убактылуу жашаган жеринен добуш берүү үчүн 488 873 шайлоочу №2 формасын алды;
  • Чет өлкөдө жүргөн 32 582 мигрант ЖК депутаттарын шайлоого катыша алат. 2015-жылы 15 312 гана кыргызстандык добуш берүүгө укук алган;
  • Документтерди кароо учурунда ар кайсы партиядан 42 талапкер шайлоого катышуу укугунан ажыратылды;
  • Жалпы жонунан 2 475 шайлоо участкасы ачылды. Анын ичинен 45и чет өлкөдөгү дипломатиялык өкүлчүлүктөрдө;
  • Шайлоо өнөктүгү маалында 128 мыйзам бузуу катталып, прокуратура тергеп жатат. Анын 82си Жазык кодекси, 46сы Жоруктар кодекси менен каралууда;
  • Башкы прокуратура административдик ресурсту колдонуу боюнча 11 фактыны иликтеп жатат. Азырынча эч бир мамлекеттик кызматкерге чара колдонула элек;
  • Шайлоочулардын добушун сатып алуу беренеси менен 40 кылмыш иши козголду;
  • Араванда үгүт учурунда массалык мушташты тутандырган деп алты адам айыпталууда. Учурда анын бешөө тергөө абагына киргизилген, бирөө ооруканада жатканына байланыштуу баш коргоо чарасы тандала элек. Жалпысынан тогуз адам ооруканада жатат;
  • Шайлоо күнү өлкөдө коомдук коопсуздукту камсыздоо жана шайлоо участкаларын кайтаруу үчүн 11 507 милиция кызматкери тартылат;
  • 27-сентябрдан тарта Ички иштер министрлиги күчөтүлгөн тартипте иштөөгө өтөт;
  • ИИМ шайлоо тартиптерин бузуу боюнча 236 фактыны Кылмыш жана жоруктардын бирдиктүү реестрине каттады;
  • 24-сентябрда кечки саат 17:00дө БШКнын отуруму болуп, Аравандагы массалык мушташ боюнча маселе каралды. Натыйжада жаңжалга жооптуу "Мекеним Кыргызстан" партиясынан талапкер Илхам Маннанов жана "Биримдиктин" талапкери Шүкүрулло Файзуллаев жарыштан четтетилди.
0
Белгилер:
прокурор, мыйзам бузуулар, талапкер, каттоо, шайлоо, БШК
Тема:
Шайлоо-2020
Тема боюнча
Шайлоодо ат салышчу партиялардын талапкерлери. Толук тизме
Президент Жээнбеков аны сындаган талапкерлер боюнча оюн айтты
Бир партия 105 млн. сом. Шайлоого аттангандар канча каражат короткону айтылды